b_550_325_16777215_00_images_xeber_sekilleri_22fevral2019_1000x669.jpg

Azərbaycan Prezidenti İlham Əliyev bir daha dünya ictimaiyyətinin diqqətini Ermənistan tərəfindən atəşkəs rejimindən istifadə qaydalarının pozulmasına yönəldərək, Soçidə keçirilən “Valday” forumunda bəyan edib ki, erməni əsgərlər Azərbaycanın günahsız dinc sakinlərini güllələməkdə davam edir.  

“Ermənistanın Azərbaycana qarşı hərbi aqressiyası bu gün də davam edir. Dünən münaqişə zonasından uzaq, Azərbaycan Ermənistan sərhədində yerləşən Qazax rayonunun dinc sakini erməni snayperləri tərəfindən öldürülüb. Həmçinin, deməliyəm ki, 2016-cı ilin aprelində hərbi təxribat zamanı aralarında uşağın – qızın da olduğu Azərbaycanın altı dinc sakini öldürülüb”, - Azərbaycan dövlətinin başçısı “Valday” Beynəlxalq Diskussiya Klubunun iclasında vurğulayıb.

İ.Əliyev qeyd edib ki, hazırda Ermənistanın işğal olunmuş torpaqlarında azərbaycanlılar yoxdur, “işğal altındakı ərazilərin böyük hissəsində torpaqlar, evlər, məktəblər, ictimai binalar dağıdılıb”.

“Ermənistan baş nazirinin təəccüblü açıqlamasına toxunmaq istərdim. Təəccüb təkcə Azərbaycandan deyildi, “Valday” forumu çərçivəsində Rusiya Federasiyası tərəfindən də oxşar reaksiya verilib. Beləliklə, bəyanat sözbəsöz belədir: Qarabağ Ermənistanın bir hissəsidir və nöqtə. Birincisi, yüngül desək, bu, yalandır. Qarabağ tarixi əzəli Azərbaycan torpağıdır. Beləliklə, Qarabağ Azərbaycandır və nida işarəsi”, - prezident bəyan edib. 

Xatırladaq ki, Ermənistan Baş naziri Nikol Paşinyan avqustun əvvəlində Xankəndində çıxışı zamanı deyib ki, Dağlıq Qarabağ Ermənistandır. Beləliklə, o, Ermənistan-Azərbaycan münaqişəsinin sülh yolu ilə həllinə dair ATƏT-in Minsk Qrupunun iştirakı ilə 25 ildən bəri davam edən danışıqları kənara qoymağa çalışıb. Bu danışıqlar Ermənistan qoşunlarının bütün işğal olunmuş ərazilərdən çıxarılması və azərbaycanlıların öz yurdlarına qayıtması şərti ilə Azərbaycan Respublikası daxilində Dağlıq Qarabağa yüksək muxtariyyət statusu verilməsini nəzərdə tutur.

Beləliklə, N.Paşinyan 30 il sonra Xankəndində Dağlıq Qarabağı Ermənistana birləşdirməklə bağlı çağırışı təkrarlayıb. Həmin çağırış XX əsrin sonlarında Azərbaycana qarşı müharibə başlanmasına, Azərbaycan ərazilərinin işğalı və bir milyona yaxın azərbaycanlının evlərindən qovulmasına səbəb olub. 

Azərbaycan dövlət başçısının “Valyday” klubunun iclasında çıxışı diqqətəlayiqdir ki, İlham Əliyev aralarında Rusiya, Qazaxıstan, Filippin prezidentləri və İordaniya kralı olan intellektual və idarəedici elita olan auditoriya qarşısında çıxış edib. Bəyanat “Şərqin şəfəqi və dünya siyasi sistemi” mövzulu forumda səsləndirilib. Və demək, Soçidə danışan prezidentlər dünya idarəetmə elitasının bir hissəsidir, fikirləri çox vacib olan güclü dövlətlərin rəhbərləridir.

Yəni, əgər erməni baş nazir daxili auditoriyaya hesablanan populist bəyanatını “yüksək səslə” kənd icması qarşısında edibsə, Azərbaycan prezidentinin buna cavabı elit beynəlxalq forumun səhnəsindən gəlib və bütün beynəlxalq ictimaiyyət tərəfindən dinlənilib. 

N.Paşinyanın ünvanına sərt tənqidlər bundan əvvəl rəsmi Moskva tərəfindən də səsləndirilib. Belə ki, Rusiya Xarici İşlər naziri Sergey Lavrov Soçidə bildirib ki, hazırda Qarabağ münaqişəsi tərəfləri arasında heç bir dialoq yoxdur. O, bu vəziyyətə görə Ermənistanın hazırkı rəhbərliyini günahlandırıb.

“Tərəflər ciddi bəyanatlarla çıxış edir, “Qarabağ Ermənistandır” (N.Paşinyanın sitatı – red.) fikri də səsləndirilib. Bu siyasi prosesin yenidən başlaması üçün şəraitin yaradılmasına kömək etmir. Siyasi proses dayanıb və bu prosesi yerindən tərpətmək alınmır. Əlaqələr var, amma nizamlama ilə bağlı dialoq hələlik bərpa olunmayıb”, - S.Lavrov “Valday” Beynəlxalq Diskussiya Klubunun iclasında çıxışı zamanı deyib və əlavə edib ki, Moskva Qarabağ münaqişəsi zonasında “hər hansı genişmiqyaslı fəaliyyətin” bərpasına imkan verməmək üçün bacardığı hər şeyi edəcək.

Yəni rəsmi Moskva erməni baş nazirin hərəkətindən çaşqınlığını açıq şəkildə bildirir. Heç kimə sirr deyil ki, N.Paşinyana bu gün nə Kremldə, nə də Ağ Evdə üstünlük verilmir. Və erməni baş nazirin “Valday” forumuna çağırılmaması da təsadüfi deyil.

Həftənin əvvəlində V.Putin Avrasiya İqtisadi Birliyinin iclasında iştirak etmək üçün Yerevana gedib. Bir çox media qurumu Rusiya dövlət başçısının N.Paşinyana qarşı soyuq münasibətinin çılpaq gözlə göründüyünü qeyd edib.

17 Oktyabr 2019 Prezidentin iradları və NONSES: Hörmətli nazir, eşitdiniz? – Müşavirəyə jurnalistikadan baxış
16 Oktyabr 2019 Prezident: Məscidləri dağıdan Ermənistan müsəlman ölkələri ilə dost ola bilməz
14 Oktyabr 2019 Nazir: Saxta əlillik dərəcəsi almaq istəyənlərin çoxu 18 yaşına çatmayan oğlanlardır
11 Oktyabr 2019 Prezidentin köməkçisi: "Azərbaycanın seçki sistemi dünya üçün nümunədir"
10 Oktyabr 2019 Əli Həsənov: "Bakı ilə Moskva arasındakı münasibətlər yüksəlişdədir"
09 Oktyabr 2019 “Mən başqa tədbirdə də Paşinyana cavab verə bilərdim” - İlham Əliyev
08 Oktyabr 2019 "İlham Əliyevin bir çıxışı Ermənistanı qarışdırdı" - Əli Həsənov
07 Oktyabr 2019 Tramp: "ABŞ-ın Suriyada sonu olmayan bu axmaq müharibədən çəkilməsinin vaxtı çatıb"
03 Oktyabr 2019 Elçin Quliyev ermənilərin təxribat törətdiyi ərazidə - FOTO
01 Oktyabr 2019 "Bəhanə gətirməsinlər ki, Lökbatan uzaqdır" - Əli Əhmədov
26 Sentyabr 2019 İlham Əliyev: "Neft və qaz sahəsindən asılılığın azaldılması əsas prioritetlərimizdəndir"
24 Sentyabr 2019 Birinci vitse-prezidentin köməkçisi: "Azərbaycanda heyrətamiz inkişaf templəri müşahidə edilib"
20 Sentyabr 2019 İlham Əliyev “Əsrin müqaviləsi”nin 25 illiyi ilə bağlı keçirilən tədbirdə iştirak edib
19 Sentyabr 2019 Donald Tramp ABŞ kəşfiyyatını hiddətləndirən hərəkət edib
18 Sentyabr 2019 Ərdoğan ABŞ-a iki həftə vaxt verdi
17 Sentyabr 2019 "Tərbiyəsi olmayanlar virtual müxalifətin “siyasi qəhrəmanları”na çevrilib" - Əli Əhmədov
16 Sentyabr 2019 lham Əliyev Türkiyənin Vitse-prezidentinin başçılıq etdiyini nümayəndə heyətini qəbul edib
13 Sentyabr 2019 Hakim partiya bələdiyyə seçkilərinə hazırlığa start verdi
12 Sentyabr 2019 Əli Həsənov: “Bütün sağlam düşüncəli Azərbaycan vətəndaşları onlara nifrət edir”
11 Sentyabr 2019 Əli Əhmədov: "Hakimiyyət iddiasında olan partiyalar xalqın marağından çıxış etməlidir"