“İsrail İran oxuna qarşı kampaniyanı dayandırmalı, HƏMAS-ı məğlub etməli və bütün girovları diri və ya ölü geri qaytarmalıdır”.

Missiya.Az xəbər verir ki, bunu İsrailin Baş naziri Benyamin Netanyahu özünün “X” sosial media hesabında yazıb.

"Möhtəşəm nailiyyətlərimizdən asılı olmayaraq, biz dincəlməyəcəyik, HƏMAS-ı məğlub edəcəyik və bütün girovları azad edəcəyik", - deyə siyasətçi vurğulayıb.

Onun sözlərinə görə, İrana qarşı 12 gün davam edən “Yüksələn Aslan” əməliyyatı nəticəsində İsrail tarixi qələbə qazandı.

Netanyahu bir zərbə ilə İranın yüksək rütbəli komandanlığının, bir çox digər yüksək rütbəli rəsmilərin və İranın aparıcı nüvə alimlərinin məhv edilməsindən məmnunluğunu ifadə edib. 

“Qəzzada, Livanda və Suriyada terrorla mübarizədə böyük nailiyyətlər olmasaydı, biz Tehrana çata bilməzdik”, - deyə siyasətçi əlavə edib.

Daşqın Həsənov
Missiya.Az