“Rusiya Azərbaycan və Ermənistan arasında sülh müqaviləsinə icazə verə bilməz. Bu onun Qafqazdakı təsirini birdəfəlik itirilməsi demək olardı”.

Missiya.Az xəbər verir ki, bu sözləri politoloq Turab Rzayev özünün “Facebook” sosial media hesabında yazıb.

O bildirib ki, Rusiya buna görə də Ermənistanla Azərbaycanın yaxınlaşmasının qarşısını almağa çalışır:

“Moskva var gücü ilə Türkiyənin onun nüfuz dairəsinə daxil olmasına müqavimət göstərir və Qafqazda itirdiyi mövqeləri bərpa etmək istəyir. Buna həm də Suriyadakı məğlubiyyətin revanşı kimi baxır”, - deyə siyasətçi vurğulayıb.

Politoloqun sözlərinə görə, Rusiya Gümrü hərbi bazasına ordu yığır və Mosvkanın yeni hədəfləri Ermənistanın Baş naziri Nikol Paşinyanı devirmək, o cümlədən hakimiyyətə gətirdiyi revanşist qüvvələr ilə Azərbaycana hücum etmək ola bilər.

Turab Rzayev qeyd edib ki, bunun qarşısını almaq üçün ancaq iki mübarizə üsulu var:

“Təcili sülh müqaviləsi imzalamaq, ən azından prosesi sürətləndirmək və regionda Türkiyə hərbi bazasının açılması”, - deyə siyasətçi əlavə edib.

Daşqın Həsənov
Missiya.Az