b_550_325_16777215_00_images_xeber_sekilleri_22fevral2019_dvdggfgfc.jpg

Tanınmış jurnalist Nicat Dağların bloqunda "AzTV reallığı: Dağılan steriotiplər və köhnələrin hay-küyü" başlıqlı yazı dərc olunub. Mövzunun aktuallığını nəzərə alıb sözügedən yazını təqdim edirik:

Azərbaycan Dövlət Televiziyasında qısa müddət ərzində həm mahiyyət, həm də keyfiyyətcə böyük dəyişikliklər baş verdiyini görməmək mümkün deyil. Sanki bizim biliyimiz və tanıdığımız, verilişləri və reportajları bəzən lağa qoyulan, haqqında lətifələr uydurulan televiziyanı söküb, yerində şablondan uzaq, çağdaş dövrün standartları tətbiq olunan, müasir dünya görüşünə və açıq təfəkkürə söykənən TV yaradılıb.

Görünən odur ki, zəhlətökən və mürgülü verilişləri tədricən baxımlı, dinamik və aktual mövzuların müzakirə olunduğu proqramlar, tok-şoular əvəz edir. Həm reportajların, həm analitik proqramların, həm də xəbərlərin təqdimatında yeni nəfəs duyulur, görüntülərin arxasından fərqli yanaşma və enerji ilə dolu yaradıcı komanda əməyi boy verir.

Ağır işdir. Az bir vaxtda zərərli ənənənləri dağıdıb, inqilabi dəyişiklik ruhuna köklənmək, əttökən xəbərlər və cümə axşamı mərasimlərinə bənzər verilişlərlə dövlətə xidmət etdiyini düşünəcək qədər köhnə təfəkkürdə olanların yaratdığı ağlamalı mühiti aradan qaldırmaq sizə asan gəlməsin. Bir köhnə ev təsəvvür edin: Qaranlığa qərq olub, döşəməsinə qurdlar daraşıb, tavanı çürüyüb, divarları çat verib… Qısa müddətdə onu dirçəltmək, gözoxşayan görkəm vermək, modern təmir standartları tətbiq etməklə işıqlı və geniş otaqlar yaradıb qonaq-qaralı ünvana çevirmək nə qədər məşəqqətlidirsə, köhnə “Azteveni” də yeni dövrün tələblərinə cavab verməyə iddialı olan zaftalı və sanballı DÖVLƏT TELEVİZİYASI görkəminə gətirmək bir o qədər çətindir.

b_550_325_16777215_00_images_xeber_sekilleri_22fevral2019_fgfghghj.jpg

Ortada gözlə görünən müsbət dəyişiklik varsa, yeniliyə can atıb enerji sərf olunursa, bu prosesə dəstək verilməli, görülən işlər qiymətləndirilməlidir. Mən Dövlət Televiziyasında yeni yaradılmış “Nəsillərin debatı” verilişinə ilk dəfə baxanda əməlli-başlı çaşıb qalmışdım. Əvvəlcə elə bildim ki, düyməni səhv basmışam, başqa kanaldır. İlk dəfə idi ki, Azərbaycan Dövlət Televiziyasının efirində çağdaş televiziya diskusiyası standartının tətbiq olunduğunu görürdüm və bu, məni xeyli təəccübləndirmişdi. Fərqli fikirlərin toqquşması səhnələrinə tamaşa edib, qonaqların sərbəst şəkildə polemikaya girdiyini müşahidə etdikcə, hiss edirdim ki, dəyişiklik təkcə studiyaların tərtibatında deyil,  bütünlüklə prinsipdədir. Aydın şəkildə müşahidə olunurdu ki, bu vaxta qədər tətbiq olunmuş yanaşmadan tamamilə imtina olunub, mahiyyət və xarakter etibarı ilə köhnə çərçivələrdən fərqlənən yeni müstəviyə meyillənilib. Açığı, verilişin bitməsini istəmirdim. O qədər qaynar müzakirələr gedirdi ki, adamda saatlarla oturub tamaşa etmək həvəsi yaranırdı. Qənaətim belə oldu: Bu templə və bu prinsiplərlə davam etsələr, itirilmiş böyük auditoriyanı yenidən toplamaq və televiziya flaqmanı mövqeyini bərpa etmək çətin olmayacaq.

b_550_325_16777215_00_images_xeber_sekilleri_22fevral2019_vcvcgfggfhghgh.jpg

Amma görülən işlərə kölgə salmaq, yenilikləri baltalamaq, şəxsi mənafelərə söykənərək mətbuatda “hay-küy” yaratmaq cəhdləri də müşahidə olunur. Pensiya yaşına çatmış şəxslərin işdən çıxarılmalarına verdikləri reaksiyanı gördükcə, açıq təhqir elementlərilə müşayət olunan etiraz bəyanatlarını oxuduqca, təəssüflənməyə bilmirsən. Bapbalaca uşaq olarkən ekranda gördüyüm aparıcının bu gün pensiyaya göndərilməsinə odlu-alovlu və bir qədər də nəzakətdən uzaq tərzdə münasibət göstərməsini adi və normal hal kimi qəbul etmək olmur. Üstəlik, əgər şəxsi çıxarlar adamı az qala, “AzTV-də peşəkarlara divan tutulur” şəklində “tozanaq” qoparmağa,  müsbət dəyişiklikləri hamının müşahidə etdiyi halda yeniliklərə müəllliflik edənləri “qeyri-peşəkar və naşı” adlandırmağa təhrik edirsə, bu artıq haqsızlığın betər formalarından biridir. Adama deyərlər ki, siz peşəkar və işbilən idizsə, niyə AzTV ağlar vəziyyətə düşdü? Yeni dövrün çağırışlarına cavab verən hansı bir nümunəni yarada bildiniz? Steriotiplərin “ətəyindən” yapışıb, boz, sıxıcı, aktuallıqdan uzaq, üzücü lirik tonda hazırlanan verilişlər sırası ilə 24 saatlıq efiri küləyə verməkdən başqa hansı işlə məşğul odunuz ki, indi Dövlət Televiziyasında yaradıcı mühitin formalaşması üçün istedadlı və intellektual gənclərin üzünə qapıları taybatay açmış adamlara “alçaq” belə deməkdən çəkinmirsiniz? Ayıb deyilmi? 50 illik təcrübəyə, yaşa və başa yaraşarmı?..  AzTV-də peşəkarlara necə divan tutulur ki, Roza Tağıyeva, Kəmalə Hüseynova, Həqiqət Əsgərzadə, Nərgiz Cəlilova, Ofelya Sənani kimi televiziyadan küsdürülmüş as diktor və redaktorlar yenidən iş başına gətirilib? Axı bütün bunlardan cəmiyyətin də xəbəri var, hamı görür, eşidir və oxuyur ki, həqiqət pensiyaya göndərilənlərin isterik halında yox, Eldost Bayram kimi 2009-cu ildən pensiyada olan əfsanəvi diktorun mikrafon arxasına qaytarılmasındadır.

b_550_325_16777215_00_images_xeber_sekilleri_22fevral2019_fgfgff.jpg

Əlbəttə, bu gün AzTV-də müşahidə olunan dəyişikliklər bilavasitə dövlətin tətbiq etdiyi xəttə, Prezidentin bütün sahələr üçün müəyyən etdiyi islahatlar kursuna adekvat şəkildə həyata keçirilir. Əgər bu gün AzTV yenilənirsə, efir günün tələblərinə cavab verəcək formata salınırsa, deməli, DÖVLƏT BABA belə istəyir. Bu istək, bu xətt isə şübhəsiz ki, inkişaf marağından irəli gəlir.

Gəlin inkişafa, yeniliyə hesablanmış təşəbbüslərə daş atmayaq!

Dəstək olaq ki, bundan cəmiyyətimiz qazansın!

 

17 Yanvar 2020 MSK Zahir Əzəmətlə bağlı qərar verdi
17 Yanvar 2020 Metro istifadəçilərinə ŞAD XƏBƏR
17 Yanvar 2020 Mənim deputatlıq əqidəm – Ceyhun Musaoğlunun seçki platforması - VİDEO
17 Yanvar 2020 Azərbaycanlı aparıcı təcili əməliyyata götürüldü - Qarnından 5 kilodan çox... - VİDEO
16 Yanvar 2020 Nərminin atası Bakıda ev istəmələrindən DANIŞDI - Jurnalistlərin uydurmasıdır
16 Yanvar 2020 Sənədsiz evlərin sahiblərinə ŞAD XƏBƏR
15 Yanvar 2020 İran “Boeing”in vurulma anının görüntülərini yayan şəxsi həbs etdi - VİDEO
14 Yanvar 2020 Mehriban Əliyeva Xoşbəxt Yusifzadəni təbrik etdi
14 Yanvar 2020 Vilayət Eyvazov rüşvət alan polisi işdən çıxardı - VİDEO
13 Yanvar 2020 Tahir İmanov efirdə Nigar Camalı biabır etdi: “Keçmişini yaddan çıxarıb” - VİDEO
13 Yanvar 2020 Bütün icra başçıları Bakıya çağırıldı
13 Yanvar 2020 Azərbaycanda dəhşət: Ər-arvad dəm qazından boğulub öldü
13 Yanvar 2020 Vilayət Eyvazov Vaqif Əsədov və bütün DYP-nin şəxsi heyətini sərəncama götürdü
13 Yanvar 2020 Yol Polisindən yağışlı hava ilə bağlı sürücülərə MÜRACİƏT
11 Yanvar 2020 Tanınmış QHT sədri Səbuhi Abbasovun da namizədliyi qeydə alındı – 47 saylı Mingəçevir Seçki Dairəsindən
11 Yanvar 2020 Nərmini öldürən manyakla bağlı ŞOK FAKTLAR - Əmisi oğlu polis imiş
11 Yanvar 2020 İrandan Ukrayna təyyarəsi ilə bağlı şok açıqlama - Təsadüfən vurulub
10 Yanvar 2020 Xanlar Fətiyev Türkiyədəki təmsilçisini dəyişdi - Yeni kadr
10 Yanvar 2020 Tramp NATO-ya yeni ad təklif edib
10 Yanvar 2020 Nərmini öldürən şəxs saxlanıldı - SON DƏQİQƏ