“Azərbaycanın elm və təhsil naziri Emin Əmrullayevin rus məktəblərində şagirdlərin dövlət dilini öyrənməsi ilə bağlı açıqlamasının heç bir məntiqi yoxdur, çünki onsuz da rus məktəblərində bəzi fənlər Azərbaycan dilində tədris olunur”. 

Missiya.Az “Lenta.ru”ya istinadən xəbər verir ki, bunu Dövlət Dumasının MDB işləri üzrə komitəsi sədrinin birinci müavini Viktor Vodolatski deyib.

"Mən özüm orada oldum və gördüm ki, uşaqlar həm rus dilini, həm də təbii ki, azərbaycan dilini öyrənirlər, çünki bir çox fənlər Azərbaycan dilində tədris olunur. Ona görə də Azərbaycanın təhsil nazirinin açıqlamasının heç bir məntiqi yoxdur, çünki bütün bu illər ərzində rus ədəbiyyatının tədris olunduğu rus məktəbləri adlanan yerdə həm Azərbaycan dili, həm də azərbaycanca fənlər eyni vaxtda öyrənilib. Ona görə də burada ayrı-seçkilik hərəkətləri var”, - deyə siyasətçi vurğulayıb.

Qeyd edək ki, Azərbaycan Respublikasının elm və təhsil naziri Emin Əmrullayev “Sertifikatlaşdırma 2025: peşəkar müəllim – keyfiyyətli təhsil” mövzusunda tədbirdə çıxış edərkən bildirib ki, şagirdin hansı bölmədə oxumasından asılı olmayaraq ana dilini yaxşı bilməsi öncəliyimizdir.

Daşqın Həsənov
Missiya.Az