AZ   |   RU
“Rusiya telekanalları bağlanarsa, Ermənistanı xoşəgəlməz suprizlər gözləyir” - Lavrovun müavini

“Moskva Ermənistanda Rusiya mediasına qarşı hərəkətlərə görə sanksiyaların tətbiqinə icazə verir”.


Missiya.Az xəbər verir ki, bu barədə “Hraparak” nəşri diplomatik mənbələrə istinadən məlumat yayıb.


Bildirilib ki, Rusiya xarici işlər nazirinin müavini Mixail Qaluzin Ermənistan səfiri Qurgen Arsenyanla görüşdə Moskvanın mövqeyini səsləndirib.


“Onlar birbaşa Arsenyana bildiriblər ki, Moskva Ermənistan hakimiyyətinin nə planlaşdırdığını və anti-Rusiya əhval-ruhiyyəsini necə qızışdırdıqlarını bilir”, - deyə vurğulanıb.


Səfirə deyilib ki, Rusiya dövlət televiziya kanalları Qərb siyasətçilərinin təzyiqi ilə ictimai multipleksdən çıxarılsa, onları xoşagəlməz sürprizlər gözləyir. Mümkün tədbirlər arasında iqtisadi sanksiyaların adı çəkilsə də, əlavə məlumat verilməyib.

 


Daşqın Həsənov
Missiya.Az



  • Dünən, 16:02