b_550_325_16777215_00_images_xeber_sekilleri_22fevral2019_vbvbghhghgj.jpg

"Ölkələrimiz və xalqlarımız öz aralarında mehriban qonşuluq və dostluq ənənələrini qoruyub saxlayıb. Ümumiyyətlə, Azərbaycan və Rusiya xalqları arasında münasibətlərin dərin kökləri var".

Missiya.Az xəbər verir ki, bunu Azərbaycan Prezidentinin İctimai-siyasi məsələlər üzrə köməkçisi-şöbə müdiri Əli Həsənov Bakıda "Rus kitabları evi"nin 10 illiyinə həsr olunmuş tədbirdə deyib.

Onun sözlərinə görə, bu gün Azərbaycan və Rusiya mədəniyyət sahəsində də əlaqələrini möhkəmləndirməyə səy göstərir.

Ə.Həsənov Bakı ilə Moskva arasındakı strateji tərəfdaşlığın təməlinin məhz ulu öndər Heydər Əliyev tərəfindən qoyulduğunu, bu gün onun Azərbaycan və Rusiya prezidentləri İlham Əliyev və Vladimir Putin tərəfindən uğurla davam etdirildiyini diqqətə çatdırıb.

"Bu gün ölkələrimiz arasındakı münasibətlər yüksəlişdədir", - deyə Ə.Həsənov qeyd edib.

O əlavə edib ki, ölkələrin və xalqların qarşılıqlı maraqlarına cavab verən hərtərəfli əməkdaşlığın inkişafı və möhkəmlənməsi tam gücü ilə davam edir.

"Müstəqillik qazandıqdan sonra rus dili millətlərarası dil mövqeyini itirməyib və hələ də tələbatlıdır. 300-dən çox ümumtəhsil məktəbində təhsilin rus dilində aparılması buna parlaq nümunədir. Son illərdə rusdilli siniflərə tələbat artır. Demək olar ki, bütün dövlət və bəzi özəl ali təhsil müəssisələrində təhsil eyni vaxtda iki dildə - Azərbaycan və rus dillərində aparılır”, - deyə Ə.Həsənov vurğulayıb.

Onun sözlərinə görə, Azərbaycan əhalisinin böyük hissəsi rus dilində danışır, gənc nəsil onu öyrənməyə həqiqi maraq göstərir.

Ə.Həsənov bildirib ki, Bakıda A.Puşkin, M.Lermontov, L.Tolstoyun adlarını daşıyan küçələr var, muzeylərdə isə rus şairlərinin Azərbaycan torpağına səfərləri ilə bağlı xatirələr etibarlı şəkildə qorunur.

Prezidentin İctimai-siyasi məsələlər üzrə köməkçisi bu gün Azərbaycanda rus dilində teatrların fəaliyyət göstərdiyini, Bakı Slavyan Universiteti kimi müxtəlif universitetlərin olduğunu, rus dilində dövri nəşrlərin, o cümlədən rus dilində jurnalların, dərsliklərin, bədii ədəbiyyatın, KİV-in fəaliyyət göstərdiyini və telekanallarda rusdilli proqramların yayımlandığını vurğulayıb.

"Regionda öz ana dilini, mədəniyyətini və milli adət-ənənələrini qoruyan etnik ruslar bu gün ən çox Azərbaycanda yaşayır. Onlar cəmiyyətin ictimai-siyasi, elmi-mədəni, sosial-iqtisadi həyatında geniş təmsil olunur və dövlətçiliyimizin möhkəmlənməsində fəal iştirak edirlər", - deyə şöbə müdiri qeyd edib.

 
 


08 İyul 2020 Polislə yaşanan insidentlə bağlı RƏSMİ AÇIQLAMA
06 İyul 2020 İlham Əliyev və Mehriban Əliyeva Bakıda modul tipli hospitalın açılışında - FOTO
01 İyul 2020 Fəttah Heydərov vətəndaşları karantin qaydalarına əməl etməyə çağırdı
29 İyun 2020 Azərbaycanda vəzifəli şəxslər rüşvətə görə həbs edildi - RƏSMİ
26 İyun 2020 Ermənistanın hərbi cinayətləri BMT Təhlükəsizlik Şurasındakı debatlarda müzakirə olundu
25 İyun 2020 Zakir Həsənovdan Azərbaycan Ordusunun yaradılmasının 102 illiyi münasibətilə TƏBRİK
22 İyun 2020 Azərbaycan Ordusu dağlıq ərazidə təlim keçirdi - VİDEO
19 İyun 2020 Azərbaycanda yeni şəhər yaradıldı - Prezidentdən sərəncam
18 İyun 2020 Azərbaycan və Rusiya prezidentləri sərhəddəki vəziyyəti müzakirə etdilər
17 İyun 2020 SİLAHLI TOQQUŞMA! Hindistanla Çin arasında böyük savaş başlaya bilər - Gərginliyə səbəb nədir? - VİDEO
16 İyun 2020 Bakıda koronavirusa yoluxma üzrə lider rayon yenə dəyişdi - RƏSMİ
11 İyun 2020 İlham Əliyev “Azərenerji”nin “Əhmədli” yarımstansiyasının açılışında iştirak edib - FOTO
09 İyun 2020 Xəzər dənizinin Kürə qarışması ilə bağlı RƏSMİ AÇIQLAMA
08 İyun 2020 “Beşbarmaq dağı” qoruğa çevrilir - Prezident sərəncam imzaladı
03 İyun 2020 Prezident İlham Əliyev sərəncam İMZALADI
02 İyun 2020 Prezident: "Vaxtında gördüyümüz tədbirlər sayəsində minimum itki vermişik"
01 İyun 2020 Pandemiya bitir: Azərbaycan müharibəyə hazırlaşır? - Rus ekspertdən savaş anonsu
21 May 2020 Putin Azərbaycanla sərhəddəki vəziyyətlə bağlı tapşırıq verdi
15 May 2020 II Elizabet İlham Əliyevə məktub göndərdi
14 May 2020 "Başqa ölkələrdə nazir dərhal istefa verərdi" - Siyavuş Novruzov Nazirlikdəki həbslərdən danışdı