b_550_325_16777215_00_images_xeber_sekilleri_22fevral2019_1556706012_bicaq_021365.jpg
2017-ci ilin yayında Yasamal rayonu "Sovetski" məhəlləsində keçmiş sevgilisini amansızlıqla öldürən, onun kirayə yaşadığı evin sahibi ilə oğlunu isə bıçaqlayan 1991-ci il təvəllüdlü Sənan Məmmədov Ali Məhkəməyə müraciət edib.
 
Bakı Ağır Cinayətlər Məhkəməsinin barəsində 19 il həbs qərarı verdiyi S.Məmmədov Apelyasiya Məhkəməsində tələbinin rədd edilməsindən sonra kassasiya şikayəti verib. O, işə düzgün baxılmasını tələb edib. İşə Ali Məhkəmədə hakim Əli Seyfəliyevin sədrliyi ilə baxılacaq.
 
Qeyd edək ki, 1991-ci il təvəllüdlü Məmmədov Sənan Qara oğlu Cinayət Məcəlləsinin 120.2.6-cı, yəni başqa cinayəti gizlətmə və ya onun törədilməsini yüngülləşdirmə məqsədi ilə, habelə zorlama və ya seksual xarakterli başqa zorakı hərəkətlərlə əlaqədar adam öldürmə maddəsi ilə məhkum edilib. 
 
Hadisə isə Yasamal rayonu, İbrahim Əbilov 60 ünvanında (keçmiş "Sovetski") baş verib. Məlumata görə, 1967-ci il təvəllüdlü Həsənova Mətanət Ağamalı qızına məxsus evdə kirayə 1989-cu il təvəllüdlü Əliyeva Mahirə Tofiq qızının keçmişdə münasibətdə olduğu Sənan adlı şəxs 3 nəfərlə birlikdə həmin evə gəlib. Sənan və Mahirə arasında şəxsi zəmində yaranmış münaqişəyə ev sahibəsi və onun oğlu 1991-ci il təvəllüdlü Həsənov Laçın Gülbala oğlu müdaxilə etmək istəyiblər. S. Məmmədov əvvəlcə ev sahiblərinə, daha sonra Mahirə Əliyevaya bıçaq xəsarətləri yetirib. Yaralılar Klinik Tibbi Mərkəzə yerləşdiriliblər. Mahirə Əliyeva xəstəxanada ölüb, digərləri sağ qalıb.
 
Ev sahibəsi M.Həsənova məhkəmədə ifadəsində bildirib ki, S.Məmmədovla qonşu olub: "Hadisədən əvvəl mərhum Mahirə Əliyeva bizə gəldi. Dedi ki, evdə pul var idi, yoxa çıxıb. Çox qorxmuşdu. Bildirirdi ki, Sənan onu öldürəcək. Mahirə tez-tez bizə gəlirdi. Bir müddət keçəndən sonra Sənan oradan köçüb getdi. Mahirə də mənim evimə köçdü. Hadisə günü Sənan gecə dostları ilə bizim evə gəldi. Mahirə məni səslədi ki, Sənanın xalası oğlu onu çağırır. Mən qapının yanına gələndə Sənan Mahirəyə yeddi bıçaq zərbəsi vurdu. Hadisə gözümün qabağında oldu".
 
M.Həsənova qeyd edib ki, hadisə zamanı oğlu hamamda olub, onun səsinə qapının yanına gəlib: "Sənan oğluma altı bıçaq zərbəsi endirib, məni də bir-neçə dəfə bıçaqladı".
 
Zərərçəkmiş söyləyib ki, hadisədən əvvəl mərhum Mahirə Əliyeva S.Məmmədov tərəfindən tez-tez döyüldüyünü bildirib.

S.Məmmədov qeyd edib ki, hadisədən əvvəl onun pulu yaşadığı evdən oğurlanıb: "Bunlar mənim pulumu oğurlamışdı. Bu barədə polisə də məlumat verdim. Sonra mənim yoldaşım Mahirəni rayona toya apardıqlarını dedilər. Polisdə məlum oldu ki, pulu Laçın Həsənovla birgə aparıblar".
 
M.Həsənova bildirib ki, hadisədən sonra S.Məmmədov müstəntiqə deyib ki, gərək bunların hamısını "biçərdim". 
 
///news24.az


22 May 2020 Azərbaycanda itkin düşən azyaşlının parçalanmış meyiti tapıldı
15 May 2020 Baş Prokurorluğa yeni şöbə rəisi təyin edildi
14 May 2020 Bakıda əməliyyat - Saxlanılanlar var
06 May 2020 Bakıda məşhur bankda əməliyyat - Həbs olunanlar var
05 May 2020 Bilasuvarda polislərə hücum edənlərlə bağlı qərar verildi - RƏSMİ
05 May 2020 SON DƏQİQƏ! Azərbaycanda bu Nazirliyin əməkdaşları saxlanıldı - SƏBƏB
04 May 2020 “Bandotdel” əməliyyat keçirdi - Nazirliyin sabiq əməkdaşı saxlanıldı
02 May 2020 DTX-dən daha bir əməliyyat: Bir nəfər həbs edildi
27 Aprel 2020 DTX-dan əməliyyat - Kasıb ailələrin ərzaq payını mənimsəyən vəzifəli şəxs tutuldu - RƏSMİ
27 Aprel 2020 Bakıda ər arvadını dini baxışlarına görə qətlə yetirdi - TƏFƏRRÜAT
21 Aprel 2020 Bakıda gizli şəkildə fəaliyyət göstərən “Mall” aşkarlandı
17 Aprel 2020 Azərbaycanda iş adamı məktub yazıb intihar etdi
16 Aprel 2020 8103-ə mesaj yazıb, futbol oynamağa getdilər
08 Aprel 2020 Polis əməliyyat keçirdi: Qızlar kafedən bölməyə gətirildi - FOTO
23 Mart 2020 Azərbaycanda DSK sədrinin polis işləyən oğlu bıçaqlandı
21 Mart 2020 Vilayət Eyvazov Salyana yeni rəis təyin etdi
11 Mart 2020 DTX Gömrük Komitəsinin vəzifəli əməkdaşlarını həbs edib - RƏSMİ
06 Mart 2020 Elçiliyə gedən ailə qəzaya düşdü - 3 ölü, 3 yaralı
05 Mart 2020 Bakıda əməliyyat: 26 nəfər tutuldu
04 Mart 2020 Oğrular Sumqayıt-Bakı qatarının hərəkətində problemlər yaratdı - RƏSMİ