b_550_325_16777215_00_images_xeber_sekilleri_22fevral2019_image_750x422_5e78b9e2d06b0.jpg

Qlobal xarakter daşıyan koronavirus pandemiyası ilə əlaqədar beynəlxalq uçuşların əksəriyyəti dayandırılıb, dövlətlərarası sərhədlər bağlanıb, ölkələr xüsusi karantin və fövqəladə vəziyyət rejiminə keçiblər. Nəticə etibarilə, dünya boyunca yüz minlərlə sərnişin müxtəlif ölkələrdə qalmalı olub.

Bir çox dövlətlərin hava və quru məkanını bağlaması uçuşlar üçün icazələrin alınmasını çətinləşdirib.

Dünyanın əksər ölkələri, o cümlədən Qərbi Avropa dövlətlərinin təcrübəsində dövlət tərəfindən ezamiyyətə göndərilməyən, xəbərdarlığa baxmayaraq şəxsi əsasda səfər edən və digər ölkədə yaşamağa və ya təhsil almağa qərar verən vətəndaşların ölkəyə geri qayıtması fərdi məsuliyyət hesab olunur və şəxsi vəsait hesabına həyata keçirilir.

Missiya.Az xəbər verir ki, bununla bağlı Nazirlər Kabineti yanında Operativ Qərargahı məlumat yayıb.

Azərbaycan Respublikası tərəfindən öz vətəndaşlarına qayğı prinsipindən çıxış edilərək İran, İtaliya, Türkiyə, Macarıstan, Belarus, Rusiya və başqa ölkələrdə olan 10.000-dək Azərbaycan vətəndaşının dövlət hesabına AZAL-ın xüsusi çarter reysləri və başqa nəqliyyat vasitələri ilə ölkəyə gətirilməsi təmin olunub.

COVİD-19 virusunun yayılmasının qarşısını almaq üçün ölkəyə gətirilən vətəndaşlar tibbi müayinədən keçirilir və dövlət hesabına 14-21 günlük xüsusi karantin rejimində yerləşdirilirlər.

Bütün bu tədbirlərə baxmayaraq, hal-hazırda Azərbaycanda 61 aktiv koronavirus xəstəsi vardır. Bu günə qədər COVİD-19 virusuna yoluxma halları sırasında xarici ölkələrdən gələn vətəndaşlar üstünlük təşkil edir. Artıq Azərbaycan ərazisində ölkə daxilində də yayılma halları aşkarlanıb.

Xarici ölkələrdə olan çoxsaylı məsuliyyətli vətəndaşlarımız tərəfindən qlobal xarakter daşıyan bu çətin şəraitdə nümayiş etdirilən təmkin, anlaşıqlıq və dövlətə göstərilən dəstək ən yüksək təqdirə layiqdir.   

Onlar tərəfindən dövlət tərəfindən görülən işlərə, o cümlədən, özlərini yoluxma riskinə qoyaraq peşə borclarını layiqincə yerinə yetirən tibb işçiləri, pilotlar, təyyarə bələdçiləri, diplomatlar, polislər və digər dövlət qulluqçularının əməyinə verilən yüksək qiymət qürur hissi doğuran haldır.

Amma bununla belə, azsaylı bəzi şəxslərin, ehtiyacı olmadığı halda, təxliyədən sui-istifadə etmələri, təxliyə üçün təyyarə göndərilən zaman geri qayıtmaqdan imtina etmələri və sonradan təxliyə olunmaq üçün “xüsusi” təyyarə göndərilməsi iddiası ilə çıxış etmələri, xarici ölkələrdə COVİD-19 virusuna yoluxmuş şəxslərlə təmasları gizlətmələri, bu barədə yanlış məlumat vermələri və dövlət qurumlarının öz qanuni fəaliyyətini həyata keçirməsinə maneə olmaq və dövlətin gördüyü işlərə qarayaxma cəhdləri kimi təəssüf doğuran və məsuliyyətsiz hallar da vardır.

Azyaşlı uşaqları olan ailələrə, yaşlılara, tibbi yardıma ehtiyacı olan şəxslərə, qadınlara üstünlük verilməklə məhdud çərçivədə və zəruri hallarda vətəndaşların müəyyən olunmuş qrafik çərçivəsində 14-21 gün müddətinə karantinə yerləşdirilməklə digər ölkələrdən Azərbaycana gətirilməsi təmin olunacaqdır.  

Koronavirusun ölkə ərazisində yayılmasının qarşısının alınması tədbirləri çərçivəsində vətəndaşların geri qaytarılması zamanı Azərbaycanda karantin üçün ayrılmış məntəqələrin insanları qəbuletmə imkanları əsas götürülür.

COVİD-19 virusunun yüksək yoluxdurma xüsusiyyətini nəzərə alaraq, xarici ölkələrdə olan vətəndaşların fərdi məsuliyyət nümayiş etdirərək olduqları dövlətin karantin və ya fövqəladə vəziyyət rejiminə ciddi riayət etmələri, özü-özünü təcrid etmələri, səfərlərdən çəkinmələri və mümkün qədər az insanla təmasda olmaları ciddi şəkildə tövsiyə olunur.



09 Aprel 2020 Azərbaycan diasporu Rusiyada sosial aksiyaya başladı - VİDEO
09 Aprel 2020 Prezident bu Agentliyə 97 milyon manat ayırdı - SƏRƏNCAM
09 Aprel 2020 Siyavuş Novruzov: Utanmasalar, deyərlər ki, koronavirusu Azərbaycan yaradıb
09 Aprel 2020 Faiq Əmirli karantin qaydalarını pozduğu üçün həbs edildi
09 Aprel 2020 Mərkəzi Bank sədrindən kreditlərlə bağlı - ŞAD XƏBƏR
08 Aprel 2020 Aprelin 20-dən sonra karantin rejimi artırıla bilərmi? - RƏSMİ AÇIQLAMA
08 Aprel 2020 Azərbaycanda koronavirusa yoluxanların sayı artdı
07 Aprel 2020 Missiya.Az-ın YAP Nizami RT ilə birgə aksiyası davam edir - FOTOLAR
07 Aprel 2020 Azərbaycanda daha 76 nəfər koronavirusa tutuldu 1 nəfər ölüb - SON DƏQİQƏ!
07 Aprel 2020 Evlər ucuzlaşmağa başlayıb - Əmlak bazarı nə vaxt bərpa olunacaq?
07 Aprel 2020 ŞAD XƏBƏR! Dövlət daha bir güzəşt edə bilər - bu borcların silinməsi gözlənilir
06 Aprel 2020 İlham Əliyev əfv sərəncamı imzaladı
06 Aprel 2020 Azərbaycanda 13 nəfər metil spirtindən zəhərlənib, onlardan 8-i ölüb - VİDEO
06 Aprel 2020 Naxçıvanda indiyədək 18 nəfərdə koronavirus aşkarlanıb
06 Aprel 2020 Azərbaycanda məşhur din xadimi vəfat etdi - SON DƏQİQƏ
06 Aprel 2020 Koronavirus xəstələrinin adı niyə açıqlanmır? - TƏBİB-dən cavab
05 Aprel 2020 Missiya.Az-ın yardım aksiyası bazar günü də davam etdirilib - FOTOLAR
04 Aprel 2020 Azərbaycanda tibb işçilərində koronavirus aşkarlandı - SON DƏQİQƏ
04 Aprel 2020 Nazirlər Kabinetindən koronavirusla bağlı VACİB AÇIQLAMA
03 Aprel 2020 Əli Əhmədov: “Vəziyyət təsəvvür edildiyindən qat-qat ciddidir”