b_550_325_16777215_00_images_xeber_sekilleri_22iyun2020_retaa_156.jpg

Koronavirus pandemiyası bir həqiqəti ortaya çıxardı: böhranı aradan qaldırarkən, hər zaman dövlətin ölçüsü və ya iqtisadi potensialı önəm kəsb etmir, tez və vaxtında hərəkət etmək daha vacib ola bilər. Bu mənada Azərbaycanın nisbətən kiçik ölkə olmasına baxmayaraq, onun COVID-19-a qarşı mübarizəsi bu günə qədər uğurlu və effektiv olub.

Missiya.az xəbər verir ki, bu barədə İsrailin “The Jerusalem Post” qəzeti yazıb.

Görünməz bir düşmən səssizcə Azərbaycana girib. Bu gün İsrailin Avrasiyadakı etibarlı tərəfdaşı və müttəfiqi olan Azərbaycan güclü, müstəqil dövlətdir və Cənubi Qafqaz bölgəsində geosiyasi və geoiqtisadi proseslərin lideridir, həm bölgədə, həm də onun hüdudlarından kənarda sülhün, sabitliyin və rifahın möhkəmlənməsinə töhfə verən müxtəlif birgə layihələrin iştirakçısıdır. Başqa sözlə ifadə etsək, Azərbaycan bu gün təhlükəsizliyin və sabitliyin ixracatçısıdır. Bundan əlavə, ölkə müasir təhdidlərin qarşısını almaq üçün beynəlxalq birliyin səylərini birbaşa dəstəkləyir.

Azərbaycan Prezidentinin köməkçisi, Prezident Administrasiyasının Xarici siyasət şöbəsinin müdiri Hikmət Hacıyev “Jerusalem Post”a açıqlamasında deyib: “Pandemiya insanların həyatına təhlükə törədən ciddi problemlərlə yanaşı, həm də qlobal miqyasda uzun müddət mənfi təsirləri hiss ediləcək dağıdıcı sosial-iqtisadi və humanitar təhdidlər yaradıb.

COVID-19 pandemiyası kontekstində özünütəcrid və fraqmentar xarakterli tədbirlərdən daha çox qlobal həmrəyliyə və qlobal baxışa ehtiyac var”, - deyə, o bildirib.

Qoşulmama Hərəkatının (NAM) sədri, Azərbaycan Prezidenti İlham Əliyevin təşəbbüsü ilə mayın 4-də COVID-19 pandemiyası ilə əlaqədar bu qurumun Əlaqə Qrupunun onlayn sammiti keçirilib.

Tədbirdə təkcə NAM üzvləri deyil, eyni zamanda BMT-nin Baş katibi, BMT Baş Assambleyasının sədri, ÜST-ün Baş direktoru, Afrika İttifaqı və Avropa İttifaqı kimi beynəlxalq təşkilatların yüksək səviyyəli nümayəndələri iştirak ediblər.

Qoşulmama Hərəkatı 120 ölkəni birləşdirir və dünyada BMT-dən sonra ikinci ən böyük siyasi qurumdur.

Prezident İlham Əliyev qlobal həmrəyliyin nümunəsi olaraq BMT Baş Assambleyasının pandemiyaya qarşı mübarizə ilə bağlı videokonfransının keçirilməsini təklif edib. Bu təklif Qoşulmama Hərəkatına üzv olan 120 ölkə tərəfindən yekdilliklə təsdiqləndi. Bundan sonra Azərbaycan dövlətinin başçısı Qoşulmama Hərəkatı adından BMT-nin Baş katibi Antonio Quterreşə müraciət göndərdi.

Təxminən 130 ölkə baş katibin ofisini təşəbbüsü dəstəklədikləri barədə əvvəlcədən məlumatlandırdı. Bu dəstək beynəlxalq ictimaiyyət tərəfindən Azərbaycana göstərilən böyük etimadın sübutudur.

Ümumdünya Səhiyyə Təşkilatının məlumatına görə, pandemiya başlayandan bu günə qədər Azərbaycanda 28 980 koronavirusa yoluxma halı qeydə alınıb, 391 nəfər ölüb, 20 974 nəfər sağalıb. Ölkə daxilində 658 782 koronavirus testi keçirilib. Aparılan testlərin sayına görə Azərbaycan bütün bölgədə birinci yerdədir və bir çox aparıcı Avropa ölkələrini qabaqlayır. Artıq bütün Azərbaycan karantindədir. Hazırda bütün Azərbaycan ərazisində karantindir.

Ən əsası, bu, sivil qaydada baş verir. Ölkədə çaxnaşma yoxdur, dövlət qurumlarına inam var.

Sosial cəhətdən həssas və zəif olanların köməyə ehtiyacı var. Bu yardım birbaşa dövlətin və Heydər Əliyev Fondunun dəstəyi ilə könüllülər hərəkatı tərəfindən həyata keçirilir. Yüksək risk qrupuna aid olan insanlar ərzaq və ləvazimatlarla təmin olunur. Mağazalardan məhsullar pulsuz çatdırılır. Dövlət hər şeyin əvəzini ödəyir.

İlk gündən Azərbaycan virusu olduqca ciddi qəbul etdi. Prezident İlham Əliyevin rəhbərliyi ilə onun yayılmasının məhdudlaşdırılması üçün hərtərəfli tədbirlər həyata keçirildi. Azərbaycanda həmçinin yüngül koronavirus xəstəliyi olan xəstələrin evdə müalicəsini izləməyə imkan verən e-TƏBİB tətbiqi istifadəyə verilib.

COVID-19 xəstələrinə xidmət göstərən 20-dən çox dövlət tibb müəssisəsindən əlavə, virusun başlandığından bəri dörd modul xəstəxana açılıb. Önümüzdəki aylarda dövlət vəsaiti hesabına daha iki, habelə özəl maliyyələşdirmə ilə dörd modul xəstəxananın tikilib istifadəyə verilməsi planlaşdırılır.

Bu, digər tədbirlərlə birlikdə, ölkəyə nisbətən aşağı ölüm və infeksiya nisbətini saxlamağa kömək edir.

Azərbaycanın ən azı üç qonşusu adambaşına düşən COVID-19-a yoluxma hadisəsinin daha yüksək olduğunu bildirib. Görünür, Azərbaycan koronavirusun qarşısını uğurla alıb, onun yayılmasına əngəl olmaqla yanaşı, həm də pandemiyanın iqtisadiyyatına və vətəndaşlarına mənfi təsirlərini azaltmaqda çox yaxşıdır.


oxu.az


29 Sentyabr 2020 MN: “Ermənilər itirdikləri mövqeləri geri qaytarmaq cəhdlərin qarşısı alınıb”
28 Sentyabr 2020 Direktor vəzifəsinə işə qəbul üzrə müsabiqəyə start verildi
28 Sentyabr 2020 Azərbaycanda qismən səfərbərlik elan edildi - SƏRƏNCAM
26 Sentyabr 2020 XİN: Ermənistan rəhbərliyi yalançı, saxtakar, riyakar və təxribatçıdır
25 Sentyabr 2020 "Bizdən Azərbaycana kimsə getməyib" - Suriya mücahidləri danışdılar
24 Sentyabr 2020 Azərbaycanda bu gün koronavirusa nə qədər insan yoluxub? - RƏSMİ
23 Sentyabr 2020 Azərbaycanda koronavirusa yoluxanların sayı yenə artdı - RƏSMİ
23 Sentyabr 2020 Məktəb direktoru karantin qaydasını pozaraq özünə ad günü keçirib - VİDEO
22 Sentyabr 2020 DİN ​​​​​​​"Pikap"ların saxlanılmasının səbəbini açıqladı
19 Sentyabr 2020 Baş redaktor: “Gənclərimiz aktiv olmalıdır”
19 Sentyabr 2020 DTX qalmaqallı "rus siyahısı" barədə açıqlama yaydı - Təxribatdır
18 Sentyabr 2020 Ceyhun Bayramov BQXK qarşısında Dilqəm Əsgərov və Şahbaz Quliyev məsələsini qaldırıb
17 Sentyabr 2020 Şamaxıda kişi keçmiş arvadını mağazada bıçaqladı
15 Sentyabr 2020 Baş prokuror və deputat nümayəndə heyətlərinin rəhbərləri oldular
15 Sentyabr 2020 Azərbaycan və Türkiyə HHQ aviasiya vasitələri Naxçıvan şəhəri üzərində birgə uçuşlar edib
15 Sentyabr 2020 Samir Nuriyev Korrupsiyaya qarşı mübarizə üzrə Komissiyanın sədri seçilib
14 Sentyabr 2020 Təşkilat sədri Namiq Muradov: “İnformasiya müharibəsi günümüzün ən güclü silahlarından biridir"
14 Sentyabr 2020 “Qarabağa köçürülən ermənilər Azərbaycana, Türkə “nifrət məktəbi” keçiblər”- Aqil Məmmədov
11 Sentyabr 2020 Tanınmış teleaparıcı ARB TV-də veriliş aparacaq - FOTO
09 Sentyabr 2020 Qərbi Azərbaycan İcmasının Gənclər Təşkilatı informasiya müharibəsində mövzusunda konfrans keçirdi