“Rəsmi İrəvan İlham Əliyevlə Nikol Paşinyan arasında 5 saat davam edən görüşün nəticələri ilə bağlı konkret məlumat açıqlamasa da, azərbaycanlı mənbə baş verənlərin detallarını açıqlayıb”.

Missiya.Az xəbər verir ki, bu qeydlər Ermənistanın “Hraparak” qəzetindəki məqalədəndir.

"Azərbaycan mətbuatının yazdığına görə, sülh sazişi paraflanıb, tərəflər Zəngəzur dəhlizi ilə bağlı razılığa gəliblər. Yeri gəlmişkən, dünən Ermənistan xarici işlər nazirinin müavini də bəyan edib ki, Ermənistan yola "autsorsinqə" nəzarətin əleyhinə deyil. Sazişin özü isə dekabrda imzalanacaq. Məhz bu məqsədlə Paşinyanın hüquq-mühafizə orqanlarının əməkdaşları Ermənistanda hərəkətə keçib, müxalifləri həbs edirər. Məsələ burasındadır ki, sülh sazişinin razılaşdırılmış məqamlarından biri də odur ki, tərəflər öz dövlətləri daxilində qarşı tərəfə yönəlik separatçı bəyanatlar verən qruplarla mübarizə aparmalıdırlar. Yəni Ermənistanda Əliyevi və Azərbaycanı, eləcə də Paşinyanı tənqid edən müxalifət partiyaları, ayrı-ayrı şəxslər olmamalıdır",- deyə məqalədə qeyd olunur.

Elcan
Missiya.Az