b_550_325_16777215_00_images_xeber_sekilleri_22fevral2019_70415479_506784600111200_8927127118584741888_n.jpg

Dünyanın geoiqtisadi xəritəsinin yenidən dizayn olunmasını şərtləndirən “Əsrin müqaviləsi”ni strateji önəmi və nəticələrinə görə təkcə XX deyil, həm də XXI əsrin layihəsi kimi xarakterizə etmək olar. Ümummilli Lider Heydər Əliyevin misilsiz tarixi xidməti olan bu hadisə - “Əsrin müqaviləsi”nin imzalanması Azərbaycanın dayanıqlı inkişafının təmin olunmasına xidmət etməklə yanaşı, çox mühüm geostrateji önəmə malikdir. Bu kontekstdə bir sıra nüanslara nəzər salmaq məqsədəmüvafiqdir:

- “Əsrin müqaviləsi” Azərbaycanın beynəlxalq iqtisadiyyata inteqrasiyasını sürətləndirdi, regional əhəmiyyətli, qlobal xarakterli yeni əməkdaşlıq platformalarının yaranmasını təmin etdi. Bu kontrakt həm də yeni transmilli enerji layihələrinin həyata keçirilməsində çox mühüm rola malikdir. 1994-cü ildən sonra 19 ölkəni təmsil edən 41 neft şirkəti ilə daha 26 saziş imzalanması, yeni neft kəmərlərinin (Bakı-Novorossiysk, Bakı-Supsa, Bakı-Tbilisi-Ceyhan ) tikilib istifadəyə verilməsi bu reallığın bariz ifadəsidir;

- 2014-cü ildə yeni sazişin imzalanması ilə “Əsrin müqaviləsi”nin müddətinin 2049-cu ilə qədər uzadılması, beləliklə, böyük ehtiyatlara malik “Azəri”, “Çıraq”, “Günəşli” yataqlarının işlənilməsində yeni dönəmə start verilməsi Azərbaycanın yaratdığı beynəlxalq əməkdaşlıq platformasının, həmçinin həyata keçirilən enerji strategiyasının effektivliyini əks etdirir. Əlbəttə, qarşılıqlı etimad mühitinə əsaslanan səmərəli işgüzar münasibətlər “Yeni Əsrin müqaviləsi”nin imzalanmasında əhəmiyyətli rola malikdir. Ən əsası, “Yeni Əsrin müqaviləsi”Avrasiyada enerji təhlükəsizliyinin təmin olunması  və Azərbaycanın dayanıqlı inkişafı üçün çox mühüm strateji əhəmiyyətə malikdir.

b_550_325_16777215_00_images_xeber_sekilleri_22fevral2019_71221644_981268692232170_3857150677876736000_n.jpg

Bütövlükdə, rasional və çoxvektorlu xarici siyasət kursunun tərkib hissəsi olan praqmatik enerji strategiyasının milli maraqlara və müasir qlobal çağırışlara uyğun icra olunması nəticəsində:

- Azərbaycan Avrasiyanın enerji xəritəsinin zənginləşməsində mühüm rol oynayan  aktor kimi çıxış edir. Ölkəmiz enerji ehtiyatlarının ixracında çoxvariantlı nəqletmə sisteminə - diversifikasiya edilmiş təchizata üstünlük verir və dünyanın aparıcı dövlətləri tərəfindən etibarlı strateji tərəfdaş kimi qiymətləndirilir. Prezident İlham Əliyevin rəhbərliyi ilə həyata keçirilən müstəqil enerji siyasəti ölkəmizin beynəlxalq arenadakı mövqeyini, həmçinin regionun və regionətrafı coğrafiyanın strateji təhlükəsizliyini daha da gücləndirir;

- Azərbaycanın praqmatik enerji siyasəti regionda çoxşaxəli əməkdaşlığın dərinləşməsində strateji faktor kimi çıxış edir. Qarşılıqlı investisiya qoyuluşunun artması, yeni əməkdaşlıq platformalarının yaradılması, enerji resurslarının, karbohidrogen ehtiyatlarının əlverişli və təhlükəsiz marşrutlarla daşınması çoxşaxəli işbirliyinin səmərəli nəticələridir;

- Nəhayət, “Əsrin müqaviləsi” ilə start verilən transmilli enerji layihələrinin reallaşdırılması Xəzər hövzəsi regionunun geosiyasi statusunun yüksəlməsini, XX əsrdə geostrateji cazibə mərkəzlərindən biri olan Cənubi Qafqazın Avrasiyanın “heartland”ına çevrilməsini, Azərbaycanın isə müstəqil milli dövlət olaraq regional güc mərkəzi kimi çıxış etməsini şərtləndirib.

Nurlan Qələndərli

22 Oktyabr 2019 “Sinəmizi sipər edib, Dövləti də, Prezidentimizi də qoruyacağıq” – Ramin Əhmədov
22 Oktyabr 2019 Prezident Baş nazirə yeni müavin təyin etdi
22 Oktyabr 2019 Prezident iqtisadiyyat nazirini işdən çıxardı - SƏRƏNCAM
22 Oktyabr 2019 İlham Əliyev Vladimir Putinə başsağlığı verib
22 Oktyabr 2019 Milli Məclis bu gün yeni məmur təyin edəcək
21 Oktyabr 2019 19 oktyabrın göstərdiyi həqiqət - Xalq nə istəyir?
21 Oktyabr 2019 Bakıda bu ərazidəki evlər plana düşdü - ÜNVANLAR
19 Oktyabr 2019 Bakıda məşhur yazarın seminarı keçirilib - Fotolar
19 Oktyabr 2019 BŞBPİ-nin İdarə rəisi qanunsuz mintinq haqda: "Saxlanılanlar var, tədbir görüləcək"
19 Oktyabr 2019 “28 May”, “Cəfər Cabbarlı” və “Xətai” stansiyalarının fəaliyyəti dayandırılır
19 Oktyabr 2019 Azərbaycanda enerji içkilərinin satışı ilə bağlı gözlənilməz - QƏRAR
19 Oktyabr 2019 NATO Türkiyə və ABŞ-ın bu addımını alqışladı
19 Oktyabr 2019 Avropada polislər mitinqləri belə dağıdırlar - VİDEO
18 Oktyabr 2019 Bələdiyyə seçkilərinin vaxtı açıqlandı
18 Oktyabr 2019 Mətbuat Şurasının İdarə Heyətinin iclası keçirilib
18 Oktyabr 2019 "Maşın"ın qalibi o oldu - Ad açıqlandı
18 Oktyabr 2019 İlham Əliyev: Köçkünlərin problemlərinin həlli ümumxalq məsələsi olmalıdır - VİDEO
18 Oktyabr 2019 Əli Kərimlinin məqsədi ortaya çıxdı - Səs yazısı yayıldı - VİDEO
18 Oktyabr 2019 İlham Əliyev Xalq artistinə ev verdi
16 Oktyabr 2019 Prezident yeni dövlət qurumu yaratdı - Fərman