b_550_325_16777215_00_images_xeber_sekilleri_22fevral2019_sdfdgfghfhgfhg.jpg

"Heç bir qüvvə Azərbaycanın müstəqilliyini əlindən ala bilməz. Bundan sonra heç bir qüvvə Azərbaycan dövlətçiliyini məhv edə bilməz". Bəli, bunu böyük əminliklə demişdi Ulu Öndər. 26 il bundan əvvəl, elə bu günlərdə.

Ölkə əldən gedirdi. Başqa çıxış yolu qalmamışdı. AXC-Müsavat iqtidarı uzun xahişlərdən sonra onu Bakıya dəvət etmişdilər. Bəzən fikirləşirəm ki, əslində Qurtuluş günü 9 iyundan, ümummilli liderin Naxçıvandan Bakıya gəlməsindən başlamışdı. Bəlkə də daha əvvəldən – fevralın 12-dən. Həmin gün Prezident İqamətgahında Əbülfəz Elçibəy Heydər Əliyevlə görüşmüşdü, onunla 8 saat fasiləsiz məsləhətləşmə aparmışdı. Bax, elə həmin ərəfədə Elçibəy artıq başa düşmüşdü ki, ölkə idarəolunmaz hala düşür və Azərbaycanı bu xaosdan çıxara biləcək bir adam var - Heydər Əliyev.

Azərbaycan ikinci dəfə dövlət müstəqilliyini elan edəndə məlum olmuşdu ki, dövlətin idarəçilik sükanı arxasında xalqın qüvvələrini bir yerə cəmləşdirə biləcək qüdrətli bir lider yox idi. Ərazilərimizin davamlı işğalı, getdikcə gərginləşən siyasi vəziyyət, əhalinin günbəgün ağırlaşan sosial-iqtisadi durumu ölkəni bu bəlalardan xilas edə biləcək, xalqı öz arxasınca aparmağa qadir şəxsə ehtiyac yaratmışdı. 1993-cü ilin ortalarında vəziyyət katostrafik hal aldı. Azərbaycan az qala müstəqilliyini itirmək ərəfəsindəydi. Sonralar ümummilli lider deyəcəkdi:

Azərbaycan böyük təhlükə qarşısında idi. Çünki Azərbaycanın müstəqil yaşamasının əleyhinə olan həm daxildəki qüvvələr güclü idi, həm də Azərbaycan kimi böyük coğrafi-strateji əhəmiyyətə, zəngin təbii sərvətlərə malik olan ölkənin tam müstəqil olması başqa ölkələrdə bəzi dairələri qane etmirdi. Ermənistanın Azərbaycana etdiyi təcavüz və bunun nəticəsində Azərbaycanın zəifləməsi, məğlubiyyətə uğraması, ikinci tərəfdən də daxildə hakimiyyət çəkişməsi 1992-ci ilin iyun ayında hakimiyyətə gəlmiş qüvvələri bir ildən sonra hakimiyyətdən saldı, xalq özü saldı".

Bunu XALQ da gözəl başa düşürdü. Elə iqtidarda olan AXC-Müsavat cütlüyü də. Səriştəsizliklərini, ölkəni idarə olumaz duruma saldıqarını etiraf etməsələr də, məcbur idilər. Xalqın tələbi qarşısında dura bilməzdilər. Odur ki, xalqın təkidli dəvətini qəbul edən Heydər Əliyev iyunun 9-da Bakıya gəldi.

İyunun 15-də isə Heydər Əliyev Azərbaycan Respublikası Ali Sovetinin sədri seçildi. Və bu gün tariximizə Milli Qurtuluş Günü kimi daxil oldu.

Azərbaycan müstəqilliyini 1991-ci il oktyabrın 18-də elan etsə də, etiraf edək ki, Ulu öndər Heydər Əliyevin1993-cü il iyunun 9-da Naxçıvandan Bakıya gəlişi ilə Azərbaycanın xilasının və əsl müstəqilliyinin təməli qoyuldu. Heç kimə sirr deyil ki, Heydər Əliyevin uzaqgörən siyasəti nəticəsində 1993-cü ilin ortalarından başlayaraq Azərbaycanda hakimiyyətin formalaşmasında güc, zorakılıq tətbiq edilməsi kimi təhlükəli meyllərə birdəfəlik son qoyuldu. O, xalqı qardaş qırğınından, vətəndaş müharibəsindən, ölkəni separatçılıqdan və real parçalanma təhlükəsindən, xalq təsərrüfatını dağılmaqdan xilas etdi . Məhz Heydər Əliyevin siyasi hakimiyyətə qayıdışından sonra ölkədə ilk demokratik prezident seçkiləri keçirildi. 1993-cü il oktyabrın 3-də isə Azərbaycan xalqı yekdilliklə öz böyük oğlunu ölkənin prezidenti seçdi.

 Etiraf edək ki, o, Azərbaycana olduqca ağır dönəmdə ölkəyə rəhbərlik edirdi. Hər tərəfdən Azərbaycana diş qıcayan qüvvələrlə dolu idi. Daxili və xarici qüvvələrin Azərbaycanın dövlətçiliyini sarsıtmaq istiqamətində əlbir iş görürdü. İlk öncə ictimai-siyasi sabitliyi pozan qanunsuz silahlı dəstələr ləğv edildi. Nizami ordu quruculuğuna başlanıldı. 1994-cü ilin mayında Ermənistan-Azərbaycan müharibəsində atəşkəs sazişi imzalandı. 1994-cü ilin sentyabrında "Əsrin müqaviləsi" nin imzalanmasından sonra Azərbaycan necə deyərlər yeni erasının başlanğıcın qoydu. Ölkədə ictimai-siyasi sabitlik neft-qaz sektoruna milyardlarla dollar sərmayə yatırılmasına imkan yaratdı. İqtisadi islahatların həyata keçirilməsi istiqamətində böyük addımlar atıldı. Ümumilli liderin fenomenal siyasəti və gərgin əziyyəti nəticəsində Azərbaycan beynəlxalq səviyyədə tanındı. Dünya liderləri belə Heydər Əliyev dühasına rəcöətini gizlədə bilmirdilər. Məsələn, keçmiş ABŞ prezidenti Corc Buş deyirdi:

«Dünyada tanınmış görkəmli dövlət xadimi Heydər Əliyevin şəksiz liderliyinə, cəsarətinə, misilsiz dünyagörüşünə və nadir natiqlik istedadına valehəm.

Rusiya prezidenti Vladimir Putin ümummilli lider haqda deyirdi: “O, böyük dövlət xadimi idi. Mübaliğəsiz demək olar ki, siyasi nəhəng idi. Mən ona sadəcə böyük hörmətlə yanaşmırdım, mən ona məhəbbət bəsləyirdim”.

Bill Klinton Heydər Əliyevə müraciətlə demişdi:

“Cənab Prezident, Siz bizə çox lazımsınız. Qafqazda və Mərkəzi Asiya regionunda sülhün və sabitliyin bərqərar olunmasında Sizin xidmətlərinizi yüksək qiymətləndiririk. Sizin liderliyiniz və güclü qətiyyətiniz sayəsində Xəzərin zəngin ehtiyatlarının dünya bazarlarına alternativ yollarla ixrac olunması region dövlətlərinin müstəqilliyinin möhkəmləndirilməsində əhəmiyyətli rol oynayacaqdır”.

Fransanın sabiq Prezidenti Jak Şirak Heydər Əliyevi qeyri-adi şəxsiyyət adlındırmışdı.

Özbəkistanın sabiq Prezidenti İslam Kərimov: Azərbaycan xalqına həsəd aparıram, çünki onun dəqiq, aydın, ardıcıl siyasəti, mövqeyi olan lideri var”. Böyük Britaniyanın sabiq Baş naziri Toni Bleyer: “Heydər Əliyev kimi görkəmli dövlət xadimi ilə görüşüb danışıqlar aparmaq böyük şərəfdir”.

Belə misalları çox çəkmək olar. Hə, ÜMUMMİLLİ LİDERİ belə qiymətləndirirdi dünyanın aparıcı liderləri. Amma ən böyük qiyməti Azəarbaycan xalqı verib məncə: XİLASKAR.

Xilas günümüz mübarək!

SƏBUHİ MƏMMƏDLİ

15 Avqust 2019 "Diaspor hərəkatı yeni istiqamətlər götürəcək" - Hikmət Cavadov
15 Avqust 2019 ARB-nin əməkdaşı iki övladını itirdi - FOTO
14 Avqust 2019 Cəlilabad dramı: Uzuntəpəli oliqarx və su başındakı “əjdaha” - Bir kənddə nə qədər narkotacir olar?
14 Avqust 2019 Elman Rüstəmov Mərkəzi Bank sədrləri arasında ikincilərdən olub
14 Avqust 2019 Leyla Əliyevanın təşəbbüsü ilə Bakıda daha 2 pulsuz çimərlik yaradılıb - FOTO
14 Avqust 2019 Məhərrəm ayının başlanacağı tarix açıqlanıb
13 Avqust 2019 Azərbaycanda 18 yaşlı qız atasına görə özünü körpüdən belə atdı - VİDEO
13 Avqust 2019 “Qarabağ” üçün həlledici gün
13 Avqust 2019 Daha bir qərar: Bu şəxslərin də maaşları artırıldı
12 Avqust 2019 Nadiq Qafarzadə Həcc ziyarətinə gedənləri qınadı
12 Avqust 2019 Azərbaycanda 19 nəfərin xəsarət aldığı qəzadan dəhşətli görüntülər - VİDEO
11 Avqust 2019 Mehriban Əliyeva Azərbaycan xalqını təbrik etdi
10 Avqust 2019 Türkiyədən Bakıya uçan təyyarə Gəncədə məcburi eniş edib
09 Avqust 2019 Klarnet ifaçımız tələbə adını qazanıb - FOTO
08 Avqust 2019 "Söyüş şəbəkəsi"nin üzvləri xalqın nifrətini qazanırlar" - Ramin Əhmədov
08 Avqust 2019 Sumqayıtda avtobus sürücüsü sükan arxasında öldü - VİDEO
07 Avqust 2019 DİN vacib məlumat yaydı - BAKIDA ƏMƏLİYYAT
07 Avqust 2019 Şəmkirli iş adamının “Hummer”ini və özünü yandırmasının - TƏFƏRRÜATI
06 Avqust 2019 Şahzadə Salman seksual aktirisa ilə eşq yaşayır - Təyyarəsinə mindirib... İDDİA - VİDEO
06 Avqust 2019 Bakıda sakinlər uçmaqda olan binadan çıxmırlar - Eldar Əzizov hadisə yerində - FOTO