gfgfgfhg.jpg

BMT-nin Nizamnaməsinə və təşkilatın müvafiq prosedur qaydalarına əsasən təşkilatın hər bir üzvü beynəlxalq ictimaiyyət üçün maraq kəsb etdiyini düşündüyü informasiyaları digər üzv ölkələrin və təşkilatın Katibliyinin nəzərinə çatdırmaq məqsədi ilə sənəd yaymaq hüququna malikdir.

Missiya.Az xəbər verir ki, bu barədə Azərbaycanın işğal olunmuş Dağlıq Qarabağ bölgəsindəki qondarma rejimin hesabatının BMT-də yayılmasına dair Beynəlxalq Münasibətlərin Təhlili Mərkəzinin sədri Fərid Şəfiyevin şərhində deyilir.

F.Şəfiyevin şərhində bildirilir: "BMT-yə üzv ölkənin Daimi Nümayəndəliyi adından belə müraciət beynəlxalq sülh və təhlükəsizlik, ticarət, inkişaf və digər məsələləri özündə əks etdirə bilər. Məktubun məzmunu üzv dövlətin məsuliyyətindədir. Hətta indiyə kimi BMT-nin sənədi kimi daimi nümayəndəliklərin şeir yayması halları da baş verib.

Katiblik də öz növbəsində BMT-yə üzv ölkələrin daimi nümayəndəlikləri tərəfindən təqdim olunmuş sənədləri yaymaq öhdəliyi daşıyır. Sənədlər təşkilatın müvafiq loqosu və Təhlüksizlik Şurasının, Baş Assambleyanın və BMT-nin digər orqanlarının növbəti sessiyalarının gündəlik maddələri çərçivəsində yayımlanır. Gündəlik maddəsi məktubun müəllifi, daha dəqiq desək, üzv ölkənin Daimi Nümayəndəliyi tərəfindən müəyyən olunur.

Təəssüf ki, tez-tez üzv ölkələrinin bu hüquqdan sui-istifadə etməsi və BMT-nin Nizamnaməsinə zidd sənədlər yayması hallarına da rast gəlinir. O cümlədən Ermənistanın öz adından qondarma rejimə aid məktub yollaması ilk dəfə deyil. Hər halda məktubun müəllifi təşkilatın rəsmi üzvü, bu halda isə Ermənistandır. Ermənistan KİV-də qondarma rejimin sənədi adlandırdıqları bu məktubun BMT-nin sənədi kimi yayılmasına dair məlumatlar həqiqəti əks etdirmir. BMT qondarma “Dağlıq Qarabağ Respublikası”nı tanımır və təşkilatın Katibliyi qaydalara uyğun olaraq Ermənistanın BMT yanında Daimi Nümayəndəliyinin məktubunu yayıb və bu da onun rəsmi statusudur.

Məktubun mahiyyətinə gəldikdə isə buna belə qısa şərh verərdim. Ermənistanın yerli azərbaycanlı əhalisinə qarşı etnik təmizləmə törətdiyi və BMT TŞ-nin müvafiq qətnamələri və BMT-nin Nimzanaməsinin pozulmasına yönəlik fəaliyyət həyata keçirdiyi işğal olunmuş torpaqlarla bağlı hansı dayanıqlı inkişaf, demokratiya və humanitar məqsədlərdən danışmaq olar?

Azərbaycan da öz növbəsində müvafiq məktub yaymağa hazırlaşır. Ermənistan Daimi Nümayəndəliyinin bu təxribatı beynəlxalq səviyyədə tanınmış Azərbaycan torpaqlarının kim tərəfindən işğal olunduğunu bir daha açıq şəkildə göstərir".



01 İyul 2020 Fəttah Heydərov vətəndaşları karantin qaydalarına əməl etməyə çağırdı
29 İyun 2020 Azərbaycanda vəzifəli şəxslər rüşvətə görə həbs edildi - RƏSMİ
26 İyun 2020 Ermənistanın hərbi cinayətləri BMT Təhlükəsizlik Şurasındakı debatlarda müzakirə olundu
25 İyun 2020 Zakir Həsənovdan Azərbaycan Ordusunun yaradılmasının 102 illiyi münasibətilə TƏBRİK
22 İyun 2020 Azərbaycan Ordusu dağlıq ərazidə təlim keçirdi - VİDEO
19 İyun 2020 Azərbaycanda yeni şəhər yaradıldı - Prezidentdən sərəncam
18 İyun 2020 Azərbaycan və Rusiya prezidentləri sərhəddəki vəziyyəti müzakirə etdilər
17 İyun 2020 SİLAHLI TOQQUŞMA! Hindistanla Çin arasında böyük savaş başlaya bilər - Gərginliyə səbəb nədir? - VİDEO
16 İyun 2020 Bakıda koronavirusa yoluxma üzrə lider rayon yenə dəyişdi - RƏSMİ
11 İyun 2020 İlham Əliyev “Azərenerji”nin “Əhmədli” yarımstansiyasının açılışında iştirak edib - FOTO
09 İyun 2020 Xəzər dənizinin Kürə qarışması ilə bağlı RƏSMİ AÇIQLAMA
08 İyun 2020 “Beşbarmaq dağı” qoruğa çevrilir - Prezident sərəncam imzaladı
03 İyun 2020 Prezident İlham Əliyev sərəncam İMZALADI
02 İyun 2020 Prezident: "Vaxtında gördüyümüz tədbirlər sayəsində minimum itki vermişik"
01 İyun 2020 Pandemiya bitir: Azərbaycan müharibəyə hazırlaşır? - Rus ekspertdən savaş anonsu
21 May 2020 Putin Azərbaycanla sərhəddəki vəziyyətlə bağlı tapşırıq verdi
15 May 2020 II Elizabet İlham Əliyevə məktub göndərdi
14 May 2020 "Başqa ölkələrdə nazir dərhal istefa verərdi" - Siyavuş Novruzov Nazirlikdəki həbslərdən danışdı
13 May 2020 İlham Əliyev yeni təyin edilən icra başçısını videoformatda qəbul etdi - FOTO
07 May 2020 Prezident karantinin yenidən sərtləşdirilmə ehtimalından danışdı