b_550_325_16777215_00_images_xeber_sekilleri_22fevral2019_dgfhf.jpg

“Şri-Lankada baş verən terror aktlarının arxasında ABŞ-Çin rəqabəti dayanır”.

Missiya.Az xəbər verir ki, bu iddia Türkiyənin “Xəbər7” nəşrinin yazarı Taha Dağlının məqaləsində yer alıb.

Yazar 21 aprel müqəddəs Pasxa bayramı günü Şri-Lankanın 3 böyük şəhərində törədilən və 359 nəfərin ölümünə səbəb olan teraktların pərdəarxasındakı siyasi detalları qələmə alıb.

Həmin məqaləni təqdim edirik.

İŞİD məsuliyyəti öz üzərində götürdü, müsəlmanlar təşviş içində

Hücumların məsuliyyətini İŞİD terror təşkilatı öz üzərinə götürüb. Bu vəziyyəti Şri-Lankada yaşayan müsəlmanları təşviş içində qoyub. Ölkə əhalsinin 12-15%-i müsəlmandır. Əksəriyyəti buddist, digər qismi isə xristian dininə sitayiş edir. Lakin hücumlarda kilsələr və xristianlar hədəf olub. Bu səbəbdən oxlar ölkədəki müsəlmanlara çevrilib.

İkinci Arakan qorxusu

Şri-Lankada eynilə Arakanda olduğu kimi buddistlərin müsəlmanlara istiqamətlənmiş soyqırımı təhlükəsi var. Ötən ilin mart ayında Kendi şəhərində buddist qruplaşmaların müsəlmanlara qarşı hücuimları olmuş, onlarla insan ölmüş, müsəlmanlara aid yüzlərlə ev və mağaza darmadağın edilmişdi.

İŞİD-lə əməkdaşlıqda ittiham olunan təşkilatın sələfi çıxdı

Şri-Lankada kiçik bir terror qruplaşması olan Milli Tövhid Camaatının kilsələrə terror hücumlarının arxasında olduğu iddia edilmişdi. Ölkədəki müsəlmanların çoxu sünnidir. Lakin onların içində şiə də var. Lakin bu iki tərəf arasında gözəçarpan bir fikir ayrılığı yoxdur. Milli Tövhid Camaatı isə Səudiyyə Ərəbistanına yaxın vəhhabi istiqamətdəki təşkilatdır. Sözügedən təşkilatın üzvlərinin sayı 150-200-ü keçmir.

İnterpol və FTB hərəkətə keçdi

Hücumların məsuliyyətini İŞİD öz üzərinə götürmədən əvvəl beynəlxalq axtarış sistemi İnterpolun hərəkətə keçdiyi açıqlanmışdı. Ölkədəki müsəlmanlar isə axtarışların İnterpol ilə məhdudlaşmadığını, ABŞ Federal Təhqiqatlar Bürosunun da Şri-Lankaya gəldiyini deyir.

Müsəlmanlarla buddistlərin münasibətləri

Şri-Lankada hazırda hökumətə buddistlər rəhbərlik edir. Ötənilki seçkilərdə müsəlmanlar da hökumətdə təmsil olunmaq haqlarına qovuşdular. 4-ü nazir, 2-i nazir müavini olmaqla, 6 nazirlikdə müsəlmanlar var. Onlardan biri də iqtisadiyyat naziridir. Hökumətdəki buddist qrup müsəlmanlarla yaxın münasibətdədir. Lakin bu mərhələdə hökumətin dəyişməsi müzakirə mövzusudur. Bu durumda müsəlmanlara heç də yaxın olmayan və xüsusilə Hindistanın təsirindəki buddist partiyaların hökumətin başına keçəcəyi ehtimal edilir. Hücumlardan bir müddət öncə Şri-Lankada Hindistana yaxın buddist media orqanları ilə siyasətçilərin müsəlmanları hədəf alan təhdidləri diqqət çəkir.

Müsəlmanlar Türkiyədən kömək istəyir

Terror hücumlarını təşkil etməkdə ittiham olunmaqdan qorxan müsəlmanlar Türkiyədən yardım istəyir. İnterpol və FTB-nin ölkədə olduğunu vurğulayan müsəlmanlar Türkiyə hökumətinin istintaqa daxil olmasını tələb edir.

Şri-Lanka ABŞ və Çinin hədəf taxtasında

Şri-Lanka coğrafi mövqeyi etibarilə ABŞ və Çinin maraq dairəsindədir. Çinin burada əhəmiyyətli miqyasda sərmayəsi var. Çin üçün Şri-Lanka yol qovşağı layihəsində əhəmiyyətli bir liman və keçid nöqtəsidir. Ötən il Kolombo limanı üçün 1 milyard dollardan çox maliyyə ayrılıb. Çin bu layihə çərçivəsində Şri-Lankaya 10 milyard dollar sərmayə qoymağa hazırlaşır. Rəsmi Pekinin Şri-Lanka adasını təbii liman olaraq yol qovşağı layihəsində baza kimi istifadə etmək niyyəti var.

Pakistandan sonra Şri-Lanka

Çinin ticarət marşrutu layihəsində Pakistana sərmayə qoymasının ardınca Pakistan-ABŞ münasibətləri soyumuş və bu ölkədə teraktların sayı artmışdı. Bu gün eyni aqibətin Şri-Lankanı da gözlədiyi ehtimal edilir. Şri-Lankanın Hindistana yaxınlığı, Hindistanın isə ABŞ-İsrail oxu üzərində yerləşməsi Çinin Şri-Lanka hesablarında mənfi faktorlar… Bu balansda ABŞ-ın Hindistan vasitəsilə Şri-Lankanı Çinə uduzmamaq üçün həmlələr etdiyi və edəcəyi böyük ehtimaldır. Terror hücumlarının da pərdəarxasında bu faktorların olduğu bəllidir. Şri-Lankada müsəlmanların “təmizliyi” və birbaşa Hindistana bağlı buddistlərin hökuməti ABŞ-ın qolunu qüvvətləndirəcək.

Növbədə Avstraliya

Yeni Zelandiyada müsəlmanlara, Şri-Lankada xristianlara qarşı hücumlar, Pakistanda son bir ildə artan teraktlar növbəti hədəfin Avstaliya olacağını deyə bilər. Çünki ABŞ-Çin rəqabəti bu bölgədə də var. Xüsusilə, Çinin Avstraliya ilə kənd təsərrüfatı layihələrində yaxın münasibətləri və tərəfdaşlığı mövcuddur.

Publika.az 

18 Sentyabr 2019 Ərdoğan ABŞ-a iki həftə vaxt verdi
17 Sentyabr 2019 "Tərbiyəsi olmayanlar virtual müxalifətin “siyasi qəhrəmanları”na çevrilib" - Əli Əhmədov
16 Sentyabr 2019 lham Əliyev Türkiyənin Vitse-prezidentinin başçılıq etdiyini nümayəndə heyətini qəbul edib
13 Sentyabr 2019 Hakim partiya bələdiyyə seçkilərinə hazırlığa start verdi
12 Sentyabr 2019 Əli Həsənov: “Bütün sağlam düşüncəli Azərbaycan vətəndaşları onlara nifrət edir”
11 Sentyabr 2019 Əli Əhmədov: "Hakimiyyət iddiasında olan partiyalar xalqın marağından çıxış etməlidir"
10 Sentyabr 2019 Putin Əsəddən borcunu ödəməyi tələb edib?- Açıqlama
09 Sentyabr 2019 "Azərbaycan iqtidarı öz siyasi rəqiblərini düşmən hesab etmir" - Əli Həsənov
06 Sentyabr 2019 İlham Əliyev: Risk və təhdidlərlə mübarizədə xüsusi xidmət orqanları müstəsna rol oynayır
04 Sentyabr 2019 Vüqar Səfərli: İkinci binada yaşayan jurnalistlərə yaxın müddətdə “kupça”lar veriləcək
03 Sentyabr 2019 Siyavuş Novruzov: "İlham Əliyevin səhhətində heç bir problem yoxdur"
02 Sentyabr 2019 İordaniya mətbuatı Mehriban Əliyevanın çoxşaxəli fəaliyyətindən yazdı - FOTO
30 Avqust 2019 Ərdoğanın bu mesajı Rusiyanı narahat etdi
29 Avqust 2019 Bakı dünyanın ən təhlükəsiz 50 şəhərindən biridir - REYTİNQ
28 Avqust 2019 "Hər bir dövlət məmuru xalqla sıx təmasda olmalı, vətəndaşları dinləməlidir" - Əli Həsənov
27 Avqust 2019 Türkiyə prezidenti Rusiyada səfərdədir
23 Avqust 2019 Azərbaycan qondarma DQR-in hesabatı ilə bağlı BMT-də məktub yaymağa hazırlaşır
22 Avqust 2019 Əli Həsənov: "Hamı Azərbaycanda özünün koloniyasını yaratmaq istəyirdi"
21 Avqust 2019 "Zorla, məcburiyyətlə bu məsələnin həllini görmürəm"- Allahşükür Paşazadə
19 Avqust 2019 Əhaliyə bu xidmət pulsuz göstəriləcək – Qaydalar təsdiqləndi