b_550_325_16777215_00_images_xeber_sekilleri_22fevral2019_telebeler.jpg

Ötən gün 2019-2020-ci tədris ili üçün ali məktəbə qəbulun nəticələri açıqlanıb. Nəticələrdən məlum olub ki, bu il xüsusilə III ixtisas qrupunda keçid balları fantastik dərəcədə yüksəlib. Nəticədə hətta 400-500 bal toplayan bir neçə abituriyent seçdikləri ixtisaslara qəbul oluna bilməyib, kənarda qalıb.

Missiya.Az xəbər verir ki, qəbul ballarının ciddi fərqlə yüksəlməsinin səbəbləri haqqında Modern.az-a danışan təhsil eksperti Kamran Əsədov məlumat verib ki, bu il ali məktəblərə qəbul imtahanlarından sonra yüksək keçid balı BANM-da qeydə alınıb. Belə ki, 673 bal informasiya təhlükəsizliyi ixtisasının keçid balı olub:

“Qeyd edim ki, 2018-ci ildə III ixtisas qrupunda qeydə alınmış ən aşağı bal ADU-da tərcümə (alman dili) idi. Bu ixtisas üzrə keçid balı 200 bal idi. Bu il həmin ixtisasın keçid balı 455 bal oldu. Beləliklə, 255 bal yüksəlmə baş verdi. III ixtisas qrupu üzrə keçid balları öncədən də proqnozlaşdırdığım kimi, ciddi şəkildə qalxdı. Amma digər qruplarda, xüsusilə I və II, eyni zamanda IV ixtisas qrupu üzrə azaldı. Tibb Universitetində müalicə işi ixtisası üzrə ödənişli keçid balı 575,40, dövlət sifarişi üzrə 578,70 oldu. Bu da keçən illə müqayisədə azalma deməkdir”.

K.Əsədov vurğulayıb ki, ümumilikdə 2019-cu ildə ali təhsil müəssisələrinə qəbul üzrə müsabiqədə 47847 plan yeri uğrunda 58294 nəfər abituriyent və subbakalavr mübarizə aparırdı. Ekspertin hesablamasına görə, 10447 nəfər hazırda plan yerindən kənarda qalıb:

“Bunun da üzərinə təxminən 4300-ə yaxın düzgün seçim etməyərək, qəbul ola bilməyənləri gələk. Təxminən 13447 nəfər qəbul ola bilməyən abituriyent və subbakalavr olacaq. Hesab edirəm ki, növbəti tədris ilindən plan yerlərinin sayı artırılmalıdır. Çünki burda ali təhsil müəssisəsinə daxil ola bilməyənlər xarici ölkələrə üz tutur və bu ölkənin həm maddi, həm də beyin axınının itirilməsi deməkdir. Eyni zamanda, III ixtisas qrupuna Beynəlxalq münasibətlər, Regionşünaslıq kimi ixtisaslar əlavə olunmalıdır”.

Kamran Əsədov ixtisas qrupları üzrə boş qalan plan yerlərinin sayını aşağıdakı kimi göstərib:

“I qrup: 2459 yer

II qrup: 2542 yer

III qrup: 142 yer

IV qrup: 354 yer

V qrup: 288 yer

Ümumilikdə bu il 47847 plan yeri var idi və 42062 abituriyent ali məktəbə qəbul olunub, 5785 plan yeri boş qalıb”.

Qeyd edək ki, Dövlət İmtahan Mərkəzinin məlumatına görə, 2019-2020-ci tədris ili üçün ali təhsil müəssisələrinə müsabiqədə iştirak edənlərin sayı 58258 nəfər təşkil edib. Onlardan 42062 nəfəri (o cümlədən 3542 subbakalavr) ali təhsil müəssisələrinə qəbul olunub. 17820  nəfər (o cümlədən 586 subbakalavr) dövlət sifarişi əsasında, 24242  nəfər (o cümlədən 2956 subbakalavr) isə ödənişli əsaslarla təhsil almaq hüququ əldə edib.

19 Sentyabr 2019 Zəhərlənməyə görə Bakıdakı məşhur dönərxana bağlandı - Araşdırma başladı
16 Sentyabr 2019 AZTV və "Mədəniyyət TV"nin loqosu, "İdman Azərbaycan"ın adı dəyişib
12 Sentyabr 2019 Sabahın hava proqnozu açıqlanıb
11 Sentyabr 2019 Baş nazir polis və hərbçilərin maaşları ilə bağlı qərar imzaladı
10 Sentyabr 2019 Şirvan el məzarlığında şəhidlərin xatirə guşəsi yaradıldı - FOTOLAR
07 Sentyabr 2019 Təhsil nazirindən yeni - TƏYİNAT
06 Sentyabr 2019 Putin indiyə qədər gördüyü ən gözəl yerdən danışıb
06 Sentyabr 2019 İşsizlərə ŞAD XƏBƏR - Yeni iş yerləri var
06 Sentyabr 2019 Telman İsmayılov villasında belə istirahət edir - FOTO
31 Avqust 2019 Rəsmi Bakıdan İslamabadın dəstək istəyinə reaksiya
30 Avqust 2019 Sürücü ilə kobud davranan yol polisi işdən çıxarıldı
29 Avqust 2019 Xanım müğənnimiz Türkiyədə 1 milyona villa alır
29 Avqust 2019 Azərbaycanda bu dövlət idarələri LƏĞV EDİLİR
26 Avqust 2019 Fədaya Laçından bəd xəbər
20 Avqust 2019 Deputatın oğlunun həbsinin pərdəarxası - İlginc faktlar
10 Avqust 2019 Sabah yağış yağacaq, güclü külək əsəcək
09 Avqust 2019 Şəki Xan Sarayına giriş bərpa olunub
31 İyul 2019 Qəzaya uğramış MİQ-29 təyyarəsi haqda YENİ XƏBƏR
29 İyul 2019 Xəzərə düşən MİQ-29 barədə YENİ XƏBƏR
15 İyul 2019 Şəkidə Xan Çinarının budaqlarının qırılmasının ilkin səbəbi məlum olub