b_550_325_16777215_00_images_xeber_sekilleri_22fevral2019_trtgfrgghhg.jpg

Unudulmaz heç zaman...

Müqəddəsdir,əzizdir,

Arzu qədər təmizdir,

Alovlu qəlbimizdir,

Tələbəlik illəri...

İnsan həyatında elə anlar,illər var ki,onlara vida etmək  çox çətin olur-tələbəlik illəri kimi.Gəncliyimizin ən qaynar çağlarını,həyatımızın ən mənalı illərini –tələbəlik həyatını yaşamaq necə xoşdursa,ona əlvida demək,ayrılmaq bir o qədər ağır olub həmişə.Elə bu günkü məzunlar da eyni hissləri yaşayır.Bütün çöhrələrdə sevinc qarışıq kövrəklik,nigarançılıq hiss olunur.Tələbələr kimi müəllimlər də kövrək görünür.İllərdir öyrəşdikləri, isnişdikləri tələbələrdən ayrılmaq onlara da asan deyil.Bu kövrəkliyə dövlət himnimizin səslənməsi  son qoydu.Tələbəli-müəllimli  hamının  dövlət himnimizi  canlı ifa etməsi möhtəşəm idi!

Məzunlara ilk təbrik  universitetin rektoru vəzifəsini icra edən professor Natiq İbrahimovdan gəldi.Lənkəran Dövlət Universitetinin təhsil uğurlarından,son illərdə təhsilin maddi-texniki bazasının  yenilənməsi,dünya standartlarına uyğunlaşdırılması istiqamətində  görülən çoxşaxəli işlərdən ürəklə söz açan universitet rəsmisi əmin olduğunu bildirdi ki,bu gün müstəqil həyata mütəxəssis kimi vəsiqə alan 616 məzun LDU-nun adını hər yerdə uca tutacaq, onlara bəslənilən etimadı doğruldacaqlar.Professor Natiq İbrahimov təhsilin keyfiyyətinin artırılması,məzunların mütəxəssis kimi  səviyyəsinin yüksəldilməsi,hazırlanan kadrların müasir tələbatlara cavab verməsi istiqamətində  başlanan kompleks işlərin bundan sonra da davam etdiriləcəyini dedi.

Lənkəran Şəhər İcra Hakimiyyətinin məsul işçisi  Asif İmanov,rayon Ağsaqqallar Şurasının Sədr müavini,LDU İctimai şurasının sədri Sərhad Məmmədov,valideyn Mahir Qurbanov,magistr Emil Ağabəşirov,bakalavr Təhmasib Rəhimov çıxışlarında məzunlara xoş arzularını çatdırdılar,gələcək həyat yollarında uğurlar arzuladılar.

Təhsili uğurla başa vuranlar da mükafatsız qalmadı.LDU-nu fərqlənmə diplomu ilə bitirən bakalavr və magistrlərə diplomlar təntənəli şəkildə təqdim edildi.Tələbəlik dövründə ictimai fəallığı ilə seçilən məzunların bir qrupuna diplom və fəxri-fərmanları universitet rəsmisi fəxri qonaqlarla birgə təqdim etdi.

Məzun günü  tələbələrin hazırladıqları konsert proqramı ilə yekunlaşdı.Tələbəliyin son gününün dadını çıxaran məzunlar hər şeyi unudub  doyunca oxuyub oynadılar,ürək sözlərini dedilər. “Unudulmaz heç zaman,tələbəlik illəri”mahnısının sədaları altında “yallı” getdilər.Yolunuz açıq olsun,əziz məzunlar!

b_550_325_16777215_00_images_xeber_sekilleri_22fevral2019_65600811_377154129820976_6684475795693371392_n.jpgb_550_325_16777215_00_images_xeber_sekilleri_22fevral2019_65439353_447816682725020_3806943188791328768_n.jpgb_550_325_16777215_00_images_xeber_sekilleri_22fevral2019_65294570_317802435839412_9187606993777459200_n.jpgb_550_325_16777215_00_images_xeber_sekilleri_22fevral2019_65253509_344171636265835_3113711823421964288_n.jpgb_550_325_16777215_00_images_xeber_sekilleri_22fevral2019_65149752_415340235860137_4625115122736562176_n.jpgb_550_325_16777215_00_images_xeber_sekilleri_22fevral2019_65003290_3424360134256726_6060856525818167296_n.jpg

 

15 İyul 2019 Şəkidə Xan Çinarının budaqlarının qırılmasının ilkin səbəbi məlum olub
14 İyul 2019 Şəki Xan sarayında Xan çinarın budağı qırılıb, 19 nəfər xəsarət alıb - YENİLƏNİB
13 İyul 2019 Su-25 hücum təyyarələrimizdən raket zərbələri - VİDEO
11 İyul 2019 Ukraynalı aparıcının Bakıda oteldə yataq görüntüləri yayıldı - VİDEO
10 İyul 2019 İlham Əliyev: Bu gün neft-qaz sektorundan asılılığın azaldılması bizim əsas vəzifəmizdir
08 İyul 2019 Prezidentdən daha bir Xalq artistinə mənzil hədiyyəsi
08 İyul 2019 Bu şəxslərin maaşı 50 faiz artır
06 İyul 2019 Prezident: Bu il altı mindən çox köçkün ailəsinə yeni mənzillər veriləcək
24 İyun 2019 Azərbaycanda əjdaha başlı ilan tapıldı - FOTO
22 İyun 2019 Prezident dövlət qulluqçularını təltif etdi - SİYAHI
21 İyun 2019 Zakir Qarolov onu hərbi prokuror təyin etdi - ƏMR
19 İyun 2019 Ramiz Mehdiyev təhlükəsizlik məsələləri üzrə beynəlxalq görüşdə
13 İyun 2019 Zahid Orucun rəhbərlik etdiyi Sosial Tədqiqatlar Mərkəzinin saytı yaradır
11 İyun 2019 Bakıda yeni metro stansiyası istifadəyə veriləcək
11 İyun 2019 Kirayə evlərlə bağlı prezident fərmanı: Dəyişikliklərin təfsilatı
11 İyun 2019 Xəzərdə tankerin partladığı yerdən görüntülər - VİDEO
06 İyun 2019 Yay fəslinin Azərbaycana gəlmə vaxtı açıqlandı
04 İyun 2019 BDU-da yeni təyinatlar: prorektor işdən çıxarıldı - SİYAHI
03 İyun 2019 Azərbaycan “Boeing 737” təyyarələrindən imtina etdi
29 May 2019 Danışır və göstərir BAKI – Məkirli planlar alt-üst oldu