“Moskva İrəvanla Bakı arasında münasibətlərin normallaşmasına töhfə verməyə hazırdır”.

Missiya.Az xəbər verir ki, bunu Rusiya xarici işlər nazirinin müavini Mixail Qaluzin “İzvestiya”ya müsahibəsi zamanı deyib.

O bildirib ki, buna aparan əsas istiqamətlər Rusiya, Azərbaycan və Ermənistan liderlərinin 2020 və 2022-ci illər üçün üçtərəfli sazişlərində öz əksini tapıb.

"Hesab edirik ki, biz məhz bu istiqamətlərdə hərəkət etməliyik: Sülh müqaviləsinin hazırlanması, regionda iqtisadi əlaqələrin və nəqliyyat kommunikasiyalarının açılması, sərhədlərin demarkasiyası ilə delimitasiyası, Ermənistan və Azərbaycanın vətəndaş cəmiyyətləri və parlamentləri arasında dialoqun qurulması. Və təbii ki, Rusiya tərəfi üçtərəfli sazişlərin iştirakçılarından biri kimi, təbii ki, gələcəkdə onların həyata keçirilməsinə hər iki tərəf üçün əlverişli şəkildə töhfə verməyə hazırdır", - deyə Qaluzin vurğulayıb.

Daşqın Həsənov
Missiya.Az