fffffffgggggfffdfdg.jpg

Prezident İlham Əliyevin müəyyənləşdirdiyi hücum diplomatiyasının milli maraqlara və müasir çağırışlara müvafiq surətdə uğurla davam etdirilməsi Azərbaycanın Ermənistan qarşısında aşkar diplomatik üstünlüyünü təmin edib. Son bir neçə gün ərzində baş verənlərin fonunda bu reallıq bir daha öz təsdiqini tapdı. Söhbət  “Valday” Beynəlxalq Diskussiya Klubunun XVI illik iclasının plenar sessiyasında və Türkmənistanın paytaxtı Aşqabad şəhərində keçirilən MDB Dövlət Başçıları Şurasının məhdud tərkibdə iclasında Prezident İlham Əliyevin prinsipial mövqe nümayiş etdirərək Azərbaycan həqiqətlərini dünya ictimaiyyətinin diqqətinə çatdırmasından, Ermənistanın işğalçı siyasətinin mahiyyətini konkret faktlar əsasında ifşa etməsindən gedir.

“VALDAY”DA AZƏRBAYCAN NİDASI: QARABAĞ AZƏRBAYCANDIR!

Əvvəlcə, “Valday”dan Ermənistana, ermənipərəst dairələrə verilən mühüm siyasi ismarıclardan başlayaq. Dövlətimizin başçısının bəhs olunan toplantıda iştirakı, regional və beynəlxalq əməkdaşlıq, təhlükəsizlik məsələləri ilə əlaqədar xüsusi əhəmiyyətə malik olan fikirləri olduqca maraqla qarşılandı, Prezidentin nitqi mühüm siyasi ismarıclarla yadda qaldı. Xüsusilə də, Azərbaycanın lideri Ermənistanın baş nazirinin “Qarabağ Ermənistanın bir hissəsidir və nöqtə” bəyanatının yalan olduğunu vurğulayaraq “Qarabağ tarixi, əzəli Azərbaycan torpağıdır. Beləliklə, Qarabağ Azərbaycandır və nida işarəsi”,-deyə beynəlxalq ictimaiyyətin diqqətinə çatdırdı. Bu, Azərbaycanın qətiyyətli mövqeyinin ən yüksək səviyyədə daha bir ifadəsi, prinsipial siyasətin qəti nümayişi idi.

Azərbaycan Prezidenti İlham Əliyev Ermənistanın baş nazirinə, onun sərsəm bəyanatlarına tutarlı cavab verdi. Tarixi faktların təsdiq etdiyi kimi, SSRİ dövründə Dağlıq Qarabağ Muxtar Vilayəti yaradılmışdı. Çox hallarda bununla bağlı ifadə edilən fikirlər subyektiv mülahizələrdən ibarət olmaqla qeyri-obyektiv xarakter daşıyır, reallığı əks etdirmir. Gerçəklik isə budur ki, 1921-ci ildə Qafqaz bürosunun qərarında Dağlıq Qarabağın Azərbaycanın tərkibində saxlanılması göstərilmişdi, yəni ermənilərin bu qərarın Dağlıq Qarabağı kiməsə ötürmək üçün verildiyi iddiası doğru deyil - tamamilə yanlışdır. Başqa bir mühüm məqam ondan ibarətdir ki, Azərbaycan SSR Dağlıq Qarabağ Muxtar Vilayətində münaqişə başlayan vaxta qədər azərbaycanlı və erməni əhalinin nisbəti 75-25 faiz olaraq azərbaycanlıların lehinə idi. Məhz Qarabağ münaqişəsi nəticəsində Dağlıq Qarabağın və ətraf 7 rayonun bütün azərbaycanlı əhalisi qovulub. Yəni azərbaycanlılara qarşı etnik təmizləmə siyasəti həyata keçirilib, hazırda da işğal olunmuş ərazilərdə azərbaycanlı əhali yoxdur. Həmin ərazilərin böyük hissəsinin yandırılmış torpaqlardan, dağıdılmış evlərdən, məktəblər və ictimai obyektlərdən ibarət olması aşkar reallıq kimi ortadadır. Ermənistanın işğalçılıq siyasəti nəticəsində yaranmış Dağlıq Qarabağ münaqişəsi Azərbaycanın humanitar fəlakətlə üzləşməsinə səbəb olub. Belə ki, Dağlıq Qarabağ və işğal olunmuş ətraf rayonlardan 700 mindən çox, həmçinin Ermənistan ərazisində yaşayan 250 min azərbaycanlı öz tarixi torpaqlarından qovulub. Bununla yanaşı, son vaxtlar bu ölkənin baş naziri mütəmadi olaraq “münaqişənin həlli Azərbaycan xalqı, Ermənistan xalqı və Dağlıq Qarabağın “xalq”ı üçün məqbul olmalıdır”, - deyə fikir bildirir. Bu, tarixi və hüquqi reallıqların təhrif olunması ilə yanaşı, absurd yanaşmadan başqa bir şey deyil. Çünki Prezident İlham Əliyevin də bəyan etdiyi kimi “Dağlıq Qarabağ xalqı” anlayışı mövcud deyil. Dağlıq Qarabağın münaqişədən əvvəl bərabər hüquqa malik olan azərbaycanlı və ermənilərdən ibarət əhalisi var idi.

Bütün bu gerçəkliklərin “Valday” Beynəlxalq Diskussiya Klubunda geniş ictimaiyyətin nəzərinə çatdırılması mühüm əhəmiyyətə malikdir.

ERMƏNİSTANIN FAŞİZM İDEOLOGİYASINDAN QİDALANMASI VƏ TERRORÇU MAHİYYƏTİ KONKRET FAKTLAR ƏSASINDA BEYNƏLXALQ İCTİMAİYYƏTİN DİQQƏTİNƏ ÇATDIRILDI

Ermənistana daha bir diplomatik zərbə MDB Dövlət Başçıları Şurasının məhdud tərkibdə iclasında endirildi. Dövlətimizin başçısı Qaregin Njde ləqəbi ilə alman faşistlərinə xidmət etmiş Qaregin Ter-Arutyunyana Yerevanın mərkəzində heykəl qoyulmasını ciddi tənqid etdi, ən əsası, Ermənistanın baş nazirinin iddialarını darmadağın edərək N.Paşinyanı yerində oturtdu. Dövlət başçısı MDB məkanında faşizmin qəhrəmanlıq kimi qələmə verilməsinə yer olmadığını bildirdi. Beləliklə, Ermənistanın faşist ideologiyasından qidalanmasını və terrorçu mahiyyətini əks etdirən konkret faktlar, tarixi reallıqlar ortaya qoyuldu.

Məlumdur ki, Qaregin Njde ləqəbini daşıyan Qaregin Ter-Arutyunyan İkinci Dünya müharibəsində faşizmin qulluqçusu olub. Daha dəqiq desək, Adolf Hitlerin casus şəbəkəsində yer alan bu şəxs təxribat-terror aktları törədilməsi üçün agentura məlumatları toplayan gizli nasist qismində çıxış edib. “Njde” təxəllüslü casusun şüarı reallığı tam dəqiq və aydın əks etdirir: “Almaniya uğrunda həlak olan Ermənistan uğrunda həlak olur”. Əlbəttə, bu reallıqlar Ermənistan dövlətinin, bu ölkəyə rəhbərlik edənlərin, erməni millətçilərinin terrorçu mahiyyətini, faşizm ideologiyasından qidalanmasını tam dəqiq əks etdirir.

HÜCUM DİPLOMATİYASININ QANUNAUYĞUN NƏTİCƏSİ...

Bütün bu reallıqlar öz növbəsində növbəti dəfə bir sıra strateji nüanslardan xəbər verir. Beləliklə:

- Prezident İlham Əliyev Ermənistanın işğalçılıq siyasəti, Dağlıq Qarabağ münaqişəsinin həlli məsələsi ilə əlaqədar reallıqları bütün kürsülərdə, beynəlxalq tribunalarda dünya ictimaiyyətinin diqqətinə çatdırır, Azərbaycanın milli maraqlarını qətiyyətlə müdafiə edir;

- Digər istiqamətlərdə olduğu kimi, Azərbaycanın ərazi bütövlüyü məsələsində də ölkə rəhbərliyinin qətiyyətli mövqe sərgiləməsi Ermənistan və bəzi xarici ermənipərəst qüvvələrin müxtəlif qərəzli niyyətlərini dəfələrlə iflasa uğradıb;

- Azərbaycanın qətiyyətli mövqeyinin, hücum diplomatiyasının fonunda qlobal platformalarda Dağlıq Qarabağ münaqişəsinin beynəlxalq hüquq normalarına əsasən həllinin zəruriliyi bəyan edilir. Yəni Azərbaycanın ədalətli və haqlı mövqeyi dəstəklənir, bu mövqe ardıcıl olaraq daha da güclənir. Son zamanlar müxtəlif səviyyələrdə səsləndirilən bəyanatlar, qəbul edilmiş sənədlər Azərbaycanın haqlı və ədalətli mövqeyinin dəstəklənməsinin əyani ifadəsidir.

Nəticə etibarilə, Azərbaycan Prezidentinin diplomatik zərbəsi Ermənistanın baş nazirini “siyasi nokaut”a saldı. Bütün bunlar əminliklə söyləməyə imkan verir ki, Azərbaycan öz ərazi bütövlüyünü bərpa edəcək, tarixi ədalət öz yerini tapacaq!

Nurlan QƏLƏNDƏRLİ



11 İyul 2020 Azərbaycanda beş milyonluq dövlət vəsaitini mənimsəyən mütəşəkkil dəstə ələ keçdi - VİDEO
11 İyul 2020 "Səhvim oldu, cənab Prezident də məni işdən azad etdi" - Arif Qasımov
11 İyul 2020 Mehriban Əliyeva daha bir şəhid ailəsinə dəstək oldu - VİDEO
11 İyul 2020 İlham Əliyev icra başçısını vəzifəsindən azad etdi
11 İyul 2020 Ziya Məmmədovun tikdirdiyi bina satılır - QİYMƏT
11 İyul 2020 Vəziyyəti ağırlaşdığı üçün Türkiyəyə aparılan deputatdan xəbər var
10 İyul 2020 Azərbaycanda daha 526 nəfər koronavirusa yoluxub, 502 nəfər sağalıb
10 İyul 2020 Kimlərsə “şellənsin” deyə, ölkəni virusun cənginə buraxmayaq
10 İyul 2020 Səhiyyə Nazirliyindən koronavirusa yoluxanlarla bağlı MÜHÜM AÇIQLAMA
09 İyul 2020 Baş Prokurorluqdan 10 yaşlı Nərmin Quliyevanın qətli ilə bağlı AÇIQLAMA
08 İyul 2020 Azərbaycanda COVID-19-un həkimləri qəzaya düşdü - 7 nəfər yaralandı
08 İyul 2020 Azərbaycanda tanınmış musiqiçi HƏBS EDİLDİ
08 İyul 2020 “Azərsu”dan Bakıdakı üfunət iyi ilə bağlı AÇIQLAMA
08 İyul 2020 "İlham Əliyevin Ermənistan hakimiyyətilə bağlı fikirləri çox keçmədən təsdiqini tapdı" - Ramin Əhmədov
07 İyul 2020 Cənub küləyi əsəcək, temperatur 39 dərəcəyə yüksələcək
06 İyul 2020 "Polis orqanlarına tərəfimdən çox ciddi göstəriş verilib..." - Prezident
06 İyul 2020 Yevlaxda qanunsuz fəaliyyət göstərən çayxana aşkarlandı
06 İyul 2020 "Xəstəxanalarda yer yoxdur, insanlarımızın səsi əyləncələrdən gəlir" - Professordan HƏYƏCAN TƏBİLİ
06 İyul 2020 Azərbaycanda iki polis zabiti koronavirusdan vəfat etdi
04 İyul 2020 Yasamalın İcra başçısı rayonda reyd keçirdi - FOTOLAR