“Ermənistanla Azərbaycan arasında dövlət sərhədlərinin delimitasiyası prosesi hələ də dayanmır”.

Missiya.Az “Armenpress”ə istinadən xəbər verir ki, bunu Ermənistan Təhlükəsizlik Şurasının katibi Armen Qriqoryan jurnalistlərə müsahibəsi zamanı deyib.

"Sərhədin delimitasiyası prosesi hələ də dayanmır. Həm Ermənistan, həm də Azərbaycanın Baş nazirlərinin müavinləri səviyyəsində işçi qrupları bir-biri ilə əlaqə saxlayır və irəliləmək üçün işlərini davam etdirirlər. Tərəflər danışıqlar yolu ilə səylər göstərir və bu prosesin davam etdirilməsi üçün həll yollarına nail olmağa çalışırlar", - deyə siyasətçi vurğulayıb.

Qriqoryan bildirib ki, hələ 2024-cü ildə sərhədin 12,7 kilometrlik hissəsi delimitasiya edilib.

"Biz Azərbaycanla delimitasiyanı davam etdirmək və delimitasiya olunmuş ərazilərin sayını artırmaq üçün işi davam etdiririk ki, bu da sabitliyə gətirib çıxaracaq. İnanıram ki, biz sülh quruculuğu prosesinin məntiqində irəliləyiş əldə etmişik. Təbii ki, biz bütün məsələləri həll etməmişik və sülh gündəliyinin tam yerinə yetirildiyini deyə bilmərik, lakin əminəm ki, bu istiqamətdə nəticələr əldə etmişik", - deyə siyasətçi əlavə edib.

Qriqoryan qeyd edib ki, son razılaşmaya əsasən, Ermənistan, Gürcüstan və Azərbaycan sərhədlərinin kəsişdiyi nöqtədən bir qədər aşağıda olan ərazidən delimitasiya davam etdiriləcək.

Daşqın Həsənov
Missiya.Az