Türk Dövlətləri Təşkilatının (TDT) səmərəliliyinin artırılması və Zəngəzur dəhlizinin açılması təkcə Azərbaycan-Türkiyə münasibətlərinin güclənməsi deyil, həm də türk dünyasının fiziki inteqrasiyası deməkdir.

Missiya.Az xəbər verir ki. bu barədə Hindistan mətbuatı yazı dərc edib.

Bildirilib ki, türk dövlətlərinin bir-birinə inteqrasiyasına yeganə maneə Ermənistan deyil, Fransa da “sülh prosesinə töhfə vermək” adı ilə dəhlizdə türk əlaqələrini kəsmək istəyir.

“Bu kontekstdə Şimali Kiprdə aparılan mübarizə Zəngəzur dəhlizində də aparılmalı və türk dünyasının geosiyasi sərhəd sisteminin qurulması lazımdır”, - deyə vurğulanıb.

Mənbənin sözlərinə görə, bu sistemin əsasını Bakı-Naxçıvan-Zəngəzur xətti təşkil edir:

“Avropa İttifaqı (Aİ) Türkiyəni Cənubi Qafqazdan, Cənubi Kipr və Yunanıstan vasitəsilə təcrid etməyə çalışır. Bu cəhdə qarşı Kipr və Zəngəzur üzərindən geosiyasi hədd yaradılması zəruridir”, - deyə əlavə olunub.

Daşqın Həsənov
Missiya.Az