ABŞ prezidenti Co Baydenin köməkçiləri onun əsl vəziyyətini gizlətmək və uğursuzluqlarını mümkün qədər az göstərmək üçün bir ildən artıqdır ki, Ağ Ev rəhbərinin hərəkətlərini və təmaslarını izləyirlər. 

Missiya.Az xəbər verir ki, bu barədə “The Wall Street Journal” məlumat yayıb.

Bildirilir ki, Ağ Ev Baydenin gününün fəaliyyət cədvəlini onu sürpriz ifadələrdən və çıxışlardan sığortalayacaq şəkildə tərtib edib.

“Prezidentin müşavirləri müsahibələrin, mətbuat konfranslarının sayını məhdudlaşdırıb, həmçinin söhbətlərin qarşılıqlı komplimentdən kənara çıxmaması üçün mümkün olan hər şeyi ediblər. Həmçinin, Baydenin səfərlərini də məhdudlaşdırıblar. Bütün bunların fonunda Ağ Evin hazırkı rəhbərinin vəziyyətinin yaxşı olduğunu, onunla hər şeyin qaydasında olduğunu ictimaiyyətə elan etməyə davam etdilər”, - deyə məlumatda vurğulanıb.

Daşqın Həsənov
Missiya.Az