Ukrayna Silahlı Qüvvələrinin Belarusla sərhəddə toplanması təkcə Minsk üçün deyil, həm də Moskva üçün problemdir.

Missiya.Az xəbər verir ki, Kremlin rəsmi nümayəndəsi Dmitri Peskov vəziyyəti belə şərh edib. 

İyunun 30-da Belarus Silahlı Qüvvələrinin Baş Qərargah rəisi Pavel Muraveyko Ukraynanın respublika sərhədləri yaxınlığında çoxlu sayda hərbi qulluqçuların cəmləşdirdiyini açıqlayıb. Muraveykonun sözlərinə görə, NATO və ABŞ kontingentinin ölkə sərhədlərinə yaxın olması Belarus ordusu üçün qıcıqlandırıcıdır. Eyni zamanda, Baş Qərargah rəisi qeyd edib ki, “sərhəddə bütün mümkün təxribatlar üçün müvafiq fəaliyyət variantları hazırlanıb”. 

Peskov xatırladıb ki, Belarus Rusiyanın müttəfiqidir. Bununla əlaqədar olaraq, iki ölkə “bütün müvafiq idarələr, o cümlədən xüsusi xidmətlər vasitəsilə xüsusi dialoq formatlarına” malikdir. Peskov həmçinin bildirib ki, Rusiya və Belarus prezidentləri bu problemi müzakirə edə bilərlər. “Müdafiə nazirliklərimiz tərəfdaş kimi daim əlaqə saxlayır. Ona görə də təbii ki, bunlar təkcə Minsk üçün deyil, həm də Moskva üçün narahatlıq doğurur, çünki biz həqiqətən müttəfiq və tərəfdaşıq”, - Kreml nümayəndəsi vurğulayıb. 

Belarus Silahlı Qüvvələrinin Hərbi Hava Qüvvələri və Hava Hücumundan Müdafiə Qüvvələrinin zenit-raket qoşunları idarəsinin rəisi Andrey Severinçik bəyan edib ki, respublika Ukraynanın mümkün təxribatlarından qorunmağa hazırdır. Severinçikin sözlərinə görə, Belarus qoşunları Belarus Respublikası Sərhəd Komitəsinin bölmələri ilə sıx əməkdaşlıq şəraitində gecə-gündüz dövlət sərhədində patrul və kəşfiyyat işləri aparır. Muraveykonun sözlərinə görə, NATO-nun ümumi sayı 20 min nəfərdən çox olan 10 batalyon taktiki qrupu Belarus sərhədi yaxınlığında yerləşir. Onların əksəriyyəti, yəni altı qrup ABŞ hərbçiləridir. 

Elcan
Missiya.Az