b_550_325_16777215_00_images_xeber_sekilleri_22fevral2019_75446565_2543011102588898_489415333015191552_n.jpg

Ta qədimlərdən payıza bolluq-bərəkət fəsli  deyilib, toy-düyün mağarları bu fəsildə qurulub,bayram yığnaqları ilin bu çağına salınıb.Ruzinin bol olduğu bu bərəkətli fəslin Lənkəranda  öz gözəlliyi var.Mübaliğəsiz deyirəm, payız dünyanın heç yerində  Lənkərandakı kimi  füsunkar ,ecazkar deyil.İnanmırsınız? Gəlin, görün,bu gözəlliyə şahid olub təbiətdən zövq alın,ürəkdolusu sevinin.Biz  lənkəranlılar diyarımızın   min çeçidli nemətlərini  paylaşmağa hazırıq.Cənub qonaqpərvərliyi, istiqanlığı  ifadəsi boş yerə deyilməyib ki?Dünyanın cənnət mənzərəsini seyr etmək ,nemətlərindən dadmaq  üçün elə bu bazar  günü  yolunuzu  bizim  cənnətməkan-Xan Lənkərandan salsanız , çox şey qazanaqcaqsınız!...Qızılı payızın qızılı-kəhrəbalı ahəngini,təbiətin rənglər harmoniyasının sehrini gözlərinizlə görəcək, könlünüzcə  olan bir bayrama şahidlik edəcəksiniz.

Yol boyu görəcəyiniz  narıngi, limon plantasiyalarının kəhrəba sarılığı, sitrus məhsullarının xoş rayihəsi  ağzınızı sulandıracq. Narıngi qoxusunun limon ətrinə qarışdığı bu məkana səfər etməklə  payızın dadını çıxaracaqsınız.Yerli Lənkəran çayından  dəmlənmiş məxməri çayı da  bayram günü sizlərdən kimsə əsirgəməz.Çəltik biçini başa çatdığından, yerli düyülərdən bişirilmiş növbənöv plovlar da festivalın bayram süfrəsini bəzəyəcək.Arif  olsanız ətrindən  bilərsiniz ki, daddığınız plovların hansı  “Sədri”, hansı “Haşimi”, hansı “Akulə” düyüsündən bişirilib.

Bu il şükürlər ki, hər sahədə bolluqdur. Yaradan bərəkət süfrəsini bu diyarda sərib.Çəltik məhsulu da boldur, yaşıl çay da, sitrus da. Barın ağırlığından yerə baş qoyan meyvə ağaclarını görəndə ixtiyarsız “maşallah” deyəcəksiniz...

Bayram gününü bayram ovqatında keçirmək istəyənlər,noyabrın 24-də Lənkəran Şəhər İcra Hakimiyyəti və “Regional İnkişaf” İctimai Birliyinin birgə təşkilatçılığı ilə keçiriləcək ənənəvi  “III Çay, Çəltik, Sitrus Festivalı”nı qaçırmayın! Səhər saatlarında şəhərin Heydər Əliyev xatirə parkından başlayacaq  festivalın ötən illərdə olduğu kimi  günboyu davam edəcək.

Tədbirin təçkilatçıları qonaqlara, iştirakçılara maraqlı,rəngarəng  bayram  tədbiri  vəd edir.Bayramın proqramı ilə  tanış olun:Azərbaycanın dövlət atributları və Lənkəranın simvolunu əks etdirən fotostendlərlə bəzədiləcək parkda “Çayımızın dadı var”, “Süfrələrin bəzəyi - Lənkəranın düyüsü”, “Sitrus bağlarının möcüzəsi”, “Gözəlliyi damla-damla topladıq”, “Qonaq evin ruzi-bərəkətini artırar” “Lənkəranın şirnisi-ağız dadımız”, “Cənnət görmək istəyən Lənkərana gəlsin” və digər pavilyonlar quraşdırılacaq, bəzəkli vitrinlərdə Lənkəranda istehsal olunan çay, çəltik, sitrus, digər növ ərzaq və sənaye məhsulları, xalq sənətkarlığı nümunələri nümayiş etdiriləcək, yerli müəssisələr, fermerlər, turizm obyektləri tərəfindən iştirakçılar üçün təbii çay və müxtəlif şirniyyatlardan, çərəzlərdən ibarət çay dəstgahı təşkil olunacaq. Bundan başqa festival iştirakçılarına rayonun ən bacarıqlı və təcrübəli aşpazlarının yüksək keyfiyyətli yerli düyü sortları olan “Haşimi”, “Sədri”, “Appolla” “Campo” və s. düyülərindən bişirdikləri 50 növdən çox plov, eyni zamanda Lənkəran mətbəxinin məşhur ləvəngisindən hazırlanmış xörəklər və müxtəlif çeşidli kabablar təqdim olunacaq.

Yeri gəlmişkən,cənub mətbəxinin  ləziz-dadlı təamlarından olan  çöl quşlarından hazırlanmış çölmək kabablarını da  festival günü  dadmaq şansınız olacaq.Bu şansı qaçırmayın, bu bayramı qaçırmayın!Əsl bayram, payız ovqatına köklənmək,maraqlı,qeyri-adi bazar günü keçirmək istəyirsinizsə,dünyanın ən dilbər güşəsi, ən qonaqpərvər məkanı olan Xan Lənkərana gəlin,festivalımıza qatılın.Bazar gününü,24 noyabr tarixini  ömrünüzün payız nağılına çevirin! Gözləyirik!


b_550_325_16777215_00_images_xeber_sekilleri_22fevral2019_76695098_2424920324416351_6845951477802860544_n.jpgb_550_325_16777215_00_images_xeber_sekilleri_22fevral2019_76642471_989906291376414_3312820704763707392_n.jpgb_550_325_16777215_00_images_xeber_sekilleri_22fevral2019_75588144_527071684539161_1471255886356807680_n.jpgb_550_325_16777215_00_images_xeber_sekilleri_22fevral2019_72197641_278354659715659_8856313944076189696_n.jpg

 



08 İyul 2020 Sabah Bakıda pik dərəcədə isti gözlənilir - RƏSMİ
07 İyul 2020 Koronavirusun daha bir simptomu açıqlandı
06 İyul 2020 39 dərəcə isti olacaq - PROQNOZ
02 İyul 2020 Yaşayış yerini tərk etməyə 3 halda icazə veriləcək
02 İyul 2020 Marketlərə giriş məhdudiyyətlərlə olacaq!
02 İyul 2020 Təyyarəyə yalnız bu şəxslər buraxılacaq
02 İyul 2020 Sabahın havası: Şimşək, yağış, dolu
23 İyun 2020 Dərsliklərə yeni mövzu daxil edildi - Şagirdlərin nəzərinə
23 İyun 2020 SMS icazə ilə bağlı XƏBƏRDARLIQ
22 İyun 2020 Hava kəskin dəyişəcək - XƏBƏRDARLIQ
19 İyun 2020 Gəncə Tibb Kollecinin direktoru tələbələrlə onlayn görüş keçirib
19 İyun 2020 Güclü külək əsəcək, yağış yağacaq, dolu düşəcək
17 İyun 2020 Hava kəskin dəyişir: Sel gələcək - XƏBƏRDARLIQ
16 İyun 2020 İcra hakimiyyətlərinin saytları monotonluq girdabında - Osman Gündüzdən müsahibə
16 İyun 2020 Dövlət təhsil müəssisələrinə böyük güzəşt - 13750 manat ödəməyəcəklər
12 İyun 2020 Baş Nazirdən koronavirusla bağlı MÜHÜM QƏRAR
09 İyun 2020 Toylar nə vaxt bərpa olunacaq? - RƏSMİ CAVAB
09 İyun 2020 Azərbaycan sərhədlərinin bağlı qalma müddəti uzadıldı - RƏSMİ
09 İyun 2020 Azərbaycanda xüsusi karantin rejimi uzadılıb
09 İyun 2020 Sabaha gözlənilən hava proqnozu açıqlanıb