b_550_325_16777215_00_images_xeber_sekilleri_22fevral2019_dvfgfghfhgjghj.JPG

Hava proqnozunun verilməsi çətinləşib.

Missiya.Az xəbər verir ki,​ bunu jurnalistlərə Ekologiya və Təbii Sərvətlər Nazirliyinin Milli Hidrometeorologiya Departamentinin direktoru Umayra Tağıyeva deyib.

Onun sözlərinə görə, əgər əvvəllər fəsillər və onlara səciyyəvi ​hava şəraiti daha aydın özünü büruzə verirdisə, son illərdə fəsillər arasında keçidlər, əgər belə demək olarsa "sürüşür", meteoroloji anomaliyalar daha qabarıq və daha tez-tez özünü göstərir: ​

"Məsələn, Azərbaycan iqlimşünaslığının korifeylərindən olan A.Mədətzadə və Ə.Şıxlinskinin əsərlərində ölkə ərazisində hava şəraitini təyin edən əsas sinoptik proseslər təhlil edilib.​ 90-cı illərdə, bu prosesləri izləyərək, onların başlanmasının, inkişafının və dinamikasının bu təsvirlərə uyğun baş verdiyinin ​şahidi olduğum halda, bu gün həmin klassik prosesləri getdikcə daha az müşahidə edirik. Sabit sinoptik şəraitdə gözlənilməz ani dəyişikliklər baş verir ki, bunları hətta bir gün əvvəl ​proqnozlaşdırmaq mümkün olmur, rəqəmli modellər bu prosesləri ​"tutmur".

Əlbəttə ki, əvvəllər də anomal istilər və soyuqlar olub. Bəs onda nə dəyişib?​ Bu hadisələrin təkrarlanmasında, intensivliyində və davamiyyətində dəyişiklik müşahidə edilir. Hazırda onları isti və soyuq hava dalğaları adlandırırlar".

U.Tağıyeva bu gün mən hava şəraitinin pisləşməsi barədə əhalinin məlumatlandırılması sahəsində qarşılaşdıqları bəzi problemlərə də toxunub:

"Bu, ilk növbədə, güclü külək, leysan yaşışlar, anomal isti və soyuqlara aiddir. Elə bu zaman bəzi nüanslar yaranır. Bizim problemimiz bəzən daha çətin olan xəbərdarlıqların hazırlanması ilə yanaşı, onların əhaliyə hansı formada və ifadələrlə çatdırılması ilə bağlıdır. Çünki əhaliyə xəbərdarlıq verilərkən elə bir forma seçilməlidir ki,​ həm təşviş​ yaranmasın, həm də insanlar mümkün risklərə hazırlıqlı olsunlar.

İnsanlar və onların xarakterləri və davranış tərzləri fərqlidir. Bəziləri təhlükəli hadisələr barədə xəbərdarlıq eşidərək, dərhal mağazalara üz tutaraq, uzunmüddətli blokadaya hazırlaşmış kimi davranırlar. Elə bu səbəbdən də, biz beynəlxalq təcrübədə rəsmi qəbul olunmuş başlıq və terminlərdən istifadə edərkən söz və ifadələrə ehtiyyatla yanaşmağa məcburuq".

Onun sözlərinə görə, ekstremal hava şəraiti haqqında xəbərdarlıqlar bütün müvafiq ​ struktur və təşkilatlara göndərilir, onlar da öz növbəsində buna uyğun olaraq işlərini tənzimləyirlər:

"Son zamanlar, Bakı Şəhər İcra Hakimiyyəti​ işimizə böyük dəstək göstərərək, bizim xəbərdarlıqlara operativ reaksiya verərək, müvafiq tədbirlər görür ki, bu da öz növbəsində yarana biləcək fəsadları və riskləri azaldır. Onlara öz təşəkkürümüzü bildiririk. Digər bir çox dövlət qurumları ilə də qarşılıqlı sıx əlaqələrimiz var.

Bununla yanaşı, öz səhlənkarlığını və laqeydliklərinin məsuliyyətini sinoptiklərin ünvanına atmaq istəyənlər də tapılır. Biz konstruktiv tənqidə də açığıq.

Dövlət tərəfindən işimizin keyfiyyətinin yaxşılaşdırılması üçün şərait yaradılır, maddi-texniki bazamız yaxşılaşdırılır, müasir avadanlıqlar qurulur, bu da öz növbəsində işimizin keyfiyyətinin yüksəlməsinə yönəlir.

Bu ilin sonunadək dövlət investisiyası hesabına Dopler radarlar sisteminin tətbiqi planlaşdırılır, bu da 2-4 saat əvvəlcədən daha dəqiq qisamüddətli proqnozların verilməsi üçün imkan yaradacaq.

Xəzər dənizi üçün verilən proqnoz və xəbərdarlıqların əhəmiyyəti çox qiymətlidir. Xüsusən də Xəzərdə güclü fırtınaların son dövrlərdə ​ bizi tez-tez sınağa çəkdiyi zaman.​ Yalnız sahələrarası düzgün əlaqələndirilmiş iş sayəsində, insan itkisinin qarşısını almaq​ mümkün olur.

Bu ilin sonunadək dövlət investisiyası çərçivəsində dəniz stansiyalarının, o cümlədən, 2020-ci ilin noyabr ayında özünün 70 illik yubileyini qeyd edəcək Neft Daşları stansiyasının​ avtomatlaşdırılması planlaşdırılır. Lakin texnikanı yüksək ixtisaslaşmış mütəxəssislər ​ idarə etməlidir.

Bu mütəxəssislərin hazırlanması qarşımızda duran başlıca vəzifələrdən biridir. İşimiz çətin olsa da, çox maraqlıdır və inasanlara lazımlıdır. Biz öz sıralarımızda bu sahə ilə maraqlanan gəncləri görmək istərdik".

12 Noyabr 2019 33 il əvvəl şəhərin mərkəzində tikilən binaya hələ də qaz verilmir - VİDEO
07 Noyabr 2019 "PDL" şirkətinə qarşı ittihamlar təsdiqlənmədi - "Böhtandır"
07 Noyabr 2019 Bu şəxslərə pulsuz mənzillər verildi
06 Noyabr 2019 Şirvanda sağlamlıq imkanları məhdud uşaqlarla bağlı layihə keçirilir - FOTO
06 Noyabr 2019 Samir Şərifovdan maaş artımı ilə bağlı ŞAD XƏBƏR
31 Oktyabr 2019 “Vikipediya”da Gəncə haqqında məqalələr zənginləşdirilir
30 Oktyabr 2019 Temperatur 5-8 dərəcə enəcək, qar yağacaq - XƏBƏRDARLIQ
29 Oktyabr 2019 Şuranın dəstəyilə ödənişsiz psixoloji və hüququ yardımlar göstəriləcək
28 Oktyabr 2019 Azərbaycanda pensiyaya çıxmaq istəyənlərin nəzərinə!
25 Oktyabr 2019 Boyu 160 sm-dən hündür xanımların nəzərinə - RƏSMİ
25 Oktyabr 2019 Bakıda bu yollar bağlıdır - XƏBƏRDARLIQ
23 Oktyabr 2019 Azərbaycanda ət satanlara - Şad xəbər
22 Oktyabr 2019 92 saylı avtobusun sürücüsündən kobud qayda pozuntusu - VİDEO
18 Oktyabr 2019 Gələn il pensiyaların məbləği bu qədər olacaq - Nazır açıqladı
16 Oktyabr 2019 Azərbaycanda ünvanlı sosial yardımın alınması qaydası dəyişir
11 Oktyabr 2019 Nazir müavini: Müəyyən şəxslər vaxtından əvvəl pensiya ala biləcək
11 Oktyabr 2019 "Bakı Kart"dan istifadə edənlərə şad xəbər
10 Oktyabr 2019 Nazirlikdən külək və yağış XƏBƏRDARLIĞI
09 Oktyabr 2019 Mais Ağayev: "Bakıda aktiv sürücülərin 40%-ni cərimələmişik" - VİDEO
04 Oktyabr 2019 GMO məhsullarla bağlı maarifləndirmə tədbiri keçirilib