b_550_325_16777215_00_images_xeber_sekilleri_22fevral2019_71103690_1612259945575415_2147257827209510912_n.jpg

Müsavat Partiyasının oktyabrın 12-nə təyin edilən Qurultayına saylı günlər qaldığı bir vaxtda, kənardan idarə olunan “başqan oyunları”nın konturları daha aydın şəkildə sezilməkdədir.

Hazırkı başqan Arif Hacılı, Müsavat Partiyası sədrinin müavini Tofiq Yaqublu və digər müavin Yadigar Sadıqlı partiya rəhbərliyinə iddialıdır.

İddiaçılar arasında Yadigar Sadıqlı Müsavat Patiyasında elə də böyük nüfuza malik deyil. Ona görə də indidən demək olar ki, əsas rəqabət başqan Arif Hacılı və müavini Tofiq Yaqublu arasında gedəcək.

Sirr deyil ki, Tofiq Yaqublu həbsdən azad olunduqdan sonra əsasən Əli Kərimlinin maraqları daxilində fəaliyyət göstərir. Onun Müsavat rəhbərliyi ilə münasibətlərində soyuqluq yarandığı çoxlarına məlum olan həqiqətdir. Tofiq Yaqublu rəsmən Müsavat təmsilçisi olsa da, bu gün böyük həvəslə Milli Şuranın müəyyən etdiyi xətt üzrə hərəkət edir. Başqa sözlə, o bu gün daha çox Əli Kərimliyə biət edən müsavatçı kimi tanınır. Tofiq Yaqublunun Osmanqızı TV Youtube kanalında “ulduza” çevrilməsi də əslində Əli Kərimlidən gələn məsləhətin nəticəsidir. Kərimlinin şəxsi nəzarətində olan kanallarda isə Tofiq Yaqublu əsas ekspertlərdən biridir. Görünən odur ki, Əli Kərimli Yaqublunun “döyüşkən” və bir qədər də “rejimə qarşı amansız” obrazını yaratmaqda maraqlıdır.

Analitik təfəkkürə malik olmayan, yalnız “basməmmədi” janrından istifadə edərək tamaşaçını “ovsunlamağa” çalışan Yaqublunun bu gün Müsavat başqanlığına namizəd olması da onun şəxsi iradəsindən və ya müsavatçıların istək və arzularından irəli gəlmir. Onu Müsavatın başqanı postunda görmək istəyən Əli Kərimlidir. O, bu yolla Müsavat Partiyasını bütövlüklə öz nəzarəti altına salıb, Milli Şura adlı dərnəyi Müsavat loqosu ilə də “bəzəməyə” çalışır.

Əldə olunan məlumata görə, Əli Kərimli Müsavatın Qurultayı ilə bağlı gizli oyun qurub. Başda Tofiq Yaqublu olmaqla Kərimlinin adamları Müsavat-ın rayon təşkilatlarının fəalları ilə görüşlər keçirir və onları Arif Hacılıya qarşı çıxmağa həvəsləndirirlər. Əsas tezis də budur ki, Arif Hacılı Müsavatı dişsiz təşkilata çevirib, nüfuzdan salıb, üzvlərin pərən-pərən düşməsinə səbəb olub. Partiyanın əzəli mövqelərinin itirilməsində məhz Arif Hacılını günahkar bilən AXCP emissarları müsavatçıları Tofiq Yaqublunu dəstələməyə həvəsləndirir və onları inandırmağa çalışırlar ki, Tofiq Yaqublu Müsavatın şöhrətini qısa zamanda özünə qaytaracaq. Yaqublunun internet kanallarındakı çıxışlarına istinadən edənlər, “Özünüz görürsünüz ki, Tofiq bəy qorxmazdır, rejimə qarşı sərtdir” kimi işarələrə üstünlük verir, paralel olaraq isə Arif Hacılının prinsipiallıq və qorxmazlıq göstəriciləri, eləcə də liderlik keyfiyyətlərinə malik olmadığına diqqət yönəldirlər.

Göründüyü kimi, Əli Kərimli Müsavat ətrafında növbəti oyuna girişib. Bu dəfə Müsavata sahiblənmək, oyuncaq başqan seçdirməklə partiyanı tamamilə öz iradəsinə tabe etdirmək niyyətinə düşüb. Bacaracaqmı? Müsavatçılar onun qurduğu tələyə düşəcəkmi? Hələlik bu suallara cavab vermək çətindir. Hər halda Arif Hacılının da preventiv tədbirlərə əl atacağı istisna olunmur. Çox ehtimal ki, o, bu dəfə də İsa Qəmbərin imkanlarından yararlanmağa çalışacaq.

İndi ancaq onu dəqiqliklə söyləmək olar ki, Əli Kərimlinin qurduğu oyun baş tutarsa, bu halda müsavatçılar partiyadan əllərini üzməli olacaqlar. Tofiq Yaqublu qos-qoca Müsavatı AXCP-nin yedəyinə çevirəcək.

Elvin Məmmədov
Missiya.Az

17 Fevral 2020 Ayaz Mütəllibov Paşinyanın ittihamlarına CAVAB VERDİ - VİDEO
17 Fevral 2020 MSK bu gün yenə toplanır - Nəticələr ləğv ediləcəkmi?
15 Fevral 2020 MSK bir şikayəti əsassız hesab etdi - RƏSMİ
14 Fevral 2020 Qənirə Paşayevadan spiker olacağı ilə bağlı xəbərlərə daha bir REAKSİYA
14 Fevral 2020 Dövlətə xəyanətdə ittiham olunan Fəxrəddin Abbasova ağır cəza
14 Fevral 2020 İlham Əliyev Münxendə Şanxay Əməkdaşlıq Təşkilatının baş katibi ilə görüşüb - FOTO
13 Fevral 2020 MSK ATƏT/DTİHB-nin müraciətini təmin etdi
13 Fevral 2020 Hadi Rəcəblinin də dairəsinin nəticələri ləğv edildi
13 Fevral 2020 Hadi Rəcəblinin nəticələrinin ləğv olunması xəbərinə AÇIQLAMA
12 Fevral 2020 BŞİH mitinqlə bağlı qərar verdi
12 Fevral 2020 Yeni parlamentdəki dəyişikliklər rəqəmlərdə - TƏHLİL
11 Fevral 2020 Ərdoğan Azərbaycana gəlir
11 Fevral 2020 Prezident: "Bu seçkilərin Azərbaycanın gələcək inkişafında çox önəmli rolu olacaq"
10 Fevral 2020 Prezident Pirallahıda açılışda
10 Fevral 2020 Bu şəxslərin nəticələri ləğv oluna bilər - SİYAHI
09 Fevral 2020 Ən yüksək və ən aşağı seçici fəallığı olan dairələr açıqlandı
08 Fevral 2020 "Seçkilər İlham Əliyevin islahatlarının davamı olacaq" -Saakaşvili
07 Fevral 2020 Vladimir Jirinovski: “Rusiyadan yalnız Azərbaycan üz döndərməyəcək”
06 Fevral 2020 Prezident Çindən təxliyə olunan azərbaycanlılarla bağlı göstəriş verdi
06 Fevral 2020 İlham Əliyev: “Avropa Şurasında deqradasiya prosesi gedir”