b_550_325_16777215_00_images_xeber_sekilleri_22fevral2019_gddgfgvgdff.jpg

ABŞ və Çin bu həftə Yaponiyada baş tutacaq G20 sammitində ticarət müharibəsini başa çatdırmaq məsələsində irəliləyiş əldə edə bilməsə, dünya iqtisadiyyatı durğunluğa sürüklənəcək.

Missiya.Az xəbər verir ki, bu iddia dünyanın ən böyük maliyyə qruplarından olan İsveçrə mərkəzli UBS bankı tərəfindən qaldırılıb.

UBS Qlobal İqtisadi Araşdırmalar Mərkəzinin prezidenti Arend Kapteyn bankın müştərilərinə göndərdiyi qeyddə iki ölkənin razılaşma əldə edə bilməməsi və bir-birilərinə yeni gömrük rüsumları tətbiq etmələri təqdirində qlobal iqtisadi inkişaf və bazar şərtləri ilə bağlı gözləntilərin boşa çıxacağını yazıb: “Belə bir ssenari ilə qlobal inkişafın qarşımızdakı illərdə təxminən, 75 bal aşağı düşəcəyini və iqtisadi çərçivənin 1980-ci illərdəki Neft Çöküşü, 1990-cı illərdki Tekila Böhranı və ya 2010-cu illərdəki Avro Bölgəsi Böhranı kimi qlobal çöküşə çevriləcəyini təxmin edirik”.

A.Kapteyn qeyd edib ki, Osakada baş tutacaq iqtisadi sammitdə nəticələr xoşagəlməz olarsa, bunun mənfi təsirləri həmin anda hiss olunmayacaq. Prezidentin fikrincə, növbəti rüblərdə bahalaşan qiymətlərin tələbi və inkişafı aşağı salması ilə mənfi təsirlər getdikcə səviyyəsini artıracaq. Qarşıdakı 1,5 il içində ABŞ-ın milli gəlirləri 1,0%, Çinin 1,2% və Avropanın 0,74% azalacaq.

Bir çox iqtisadçı may ayında birjalarda yaşanan kəskin enmələri gərginliyi artan ticarət savaşları ilə əlaqələndirmişdi. Birjalarda itkilər ABŞ prezidenti Donald Trampın 5 mayda yazdığı tvit ilə - 200 milyard dollar dəyərində Çin məhsullarına 25% əlavə gömrük vergisi qoyduqlarını, 300 milyard dollarlıq Çin mallarına isə əlavə olaraq 25% gömrük rüsumu qoymağa hazırlaşdıqları açıqlamasından sonra baş vermişdi.

A.Kapteyn yeni gömrük rüsumlarının tətbiqi təqdirində başda inkişaf etməkdə olan ölkələr olmaqla, dünya birjalarının 0,20% dəyərini itirə biləcəyini vurğulayıb. Bildirib ki, ticarət savaşları davam etsə, ABŞ Mərkəzi Bankı (FED) iyul ayında gözlənilən 50 ballıq faiz endirimi ilə yanaşı, daha 100 bal faiz endirmək məcburiyyətində qalacaq. Digər böyük mərkəzi banklar da FED-in izi ilə gedərək endirimə məcbur olacaq. Yeni gömrük rüsumları ilə Çində iqtisadi böyümə 6%-ə düşəcək. Siyasilər məhdud təşviqat proqramını işə salanda, böyük ehtimal, sərmayəçilər artıq (mərkəzi bankların böhranlarına qarşı) əllərində daha çox alternativ olmadığına görə təşvişə düşməyə başlayacaq.

Qeyd edək ki, G20 sammiti 28-29 iyunda Yapopniyanın Osaka şəhərində baş tutacaq.



21 May 2020 Putin Azərbaycanla sərhəddəki vəziyyətlə bağlı tapşırıq verdi
15 May 2020 II Elizabet İlham Əliyevə məktub göndərdi
14 May 2020 "Başqa ölkələrdə nazir dərhal istefa verərdi" - Siyavuş Novruzov Nazirlikdəki həbslərdən danışdı
13 May 2020 İlham Əliyev yeni təyin edilən icra başçısını videoformatda qəbul etdi - FOTO
07 May 2020 Prezident karantinin yenidən sərtləşdirilmə ehtimalından danışdı
05 May 2020 Siyavuş Novruzov yeni həbs dalğasının anonsunu verdi: "Onlar da həbs olunmalıdır"
04 May 2020 İlham Əliyevin təşəbbüsü ilə daha bir Zirvə görüşü keçiriləcək
01 May 2020 Azərbaycanda koronavirusa yoluxan tibb işçilərinin sayı açıqlandı - RƏSMİ
30 Aprel 2020 Nazirlikdən 190 manat yardımla bağlı ən son məlumat
29 Aprel 2020 Koronavirus böhranından qazancla çıxan ölkələr də var
27 Aprel 2020 Türk Şurasının Baş Katibliyi “erməni soyqırımı” ilə bağlı bəyanat yayıb
22 Aprel 2020 87 yaşlı kəlbəcərli Prezidentə təşəkkür məktubu yazdı
20 Aprel 2020 Azərbaycanda ordudan tərxis başladı
15 Aprel 2020 “Bu “seçkilər” bir daha göstərdi ki, bu qanunsuz xunta rejimini heç kim tanımır” - XİN
14 Aprel 2020 Prezident İlham Əliyev videokonfrans şəklində müşavirə keçirib - FOTO
09 Aprel 2020 Baş nazir Azərbaycanda ötən ilin işsizlik səviyyəsini açıqladı
06 Aprel 2020 Deputatlar Elman Rüstəmovla bağlı məsələni səsə qoyacaqlar
31 Mart 2020 İrandan Dağlıq Qarabağda keçirilən seçkilərə REAKSİYA
27 Mart 2020 Azərbaycanda bu məhsullar ƏDV-dən azad edildi - FƏRMAN
18 Mart 2020 İcra başçılarına nəzarət gücləndirilir - Yeni qərar