b_550_325_16777215_00_images_xeber_sekilleri__19.11.2018_n104.jpg

Türkiyənin ən böyük xarici investoru olan SOCAR tikintisi başa çatdıqdan sonra dünyanın ən böyük hava limanı olacaq İstanbul hava limanında doqquz yanacaqdoldurma stansiyası üzrə keçirilən tenderi qazanıb.

Missiya.Az xəbər verir ki, bu barədə SOCAR məlumat yayıb.

“SOCAR Turkey Enerji” oktyabrın 29-da təntənəli şəkildə ilk mərhələsi açılan İstanbul hava limanında doqquz yanacaqdoldurma stansiyası üzrə keçirilən tenderin qalibi olub. Hava limanı ərazisində, o cümlədən perronda (təyyarələrin dayanacaq meydançasında) yerləşən yeni stansiyalar ümumi istehlakçıları və xidmət avtomobillərini yanacaqla təmin edəcək.

Beləliklə, bu stansiyaların operatoru seçilmiş SOCAR dünyanın illik potensialı 200 mln. sərnişin olan ən böyük hava limanında istehlakçılara xidmət edəcək.

“SOCAR Turkey” şirkətinin İdarə Heyətinin sədri Vaqif Əliyev Türkiyədə ilk dəfə birbaşa istehlakçıya xidmət sektorunda iştirak edəcəklərini bildirib:

“2008-ci ildə “Petkim”in satın alınması ilə Türkiyə bazarına daxil olduq və bu günə kimi cəmi 14,2 mlrd. dollarlıq investisiya dəyəri ilə STAR neft emalı zavodu, TANAP, Petlim Konteyner Terminalı, Petkim külək enerjisi stansiyası kimi nəhəng layihələrə imza atdıq. Bu yaxınlarda isə “SOCAR Turkey”in Əliağadakı (İzmir) bütün layihələrini əhatə edən ərazi Türkiyədə ilk Özəl Sənaye Bölgəsi elan edildi. Qardaş Türkiyə bizim üçün çox mühüm ölkədir.

Dünyanın ən böyük hava limanındakı yanacaqdoldurma stansiyaları üçün elan olunan tenderdə qələbə qazanmağımızı böyük sevinclə qeyd edirəm. Bu, bizim üçün həm brendimizin tanınması, həm də istehlakçılar ilə birbaşa ünsiyyət baxımından önəmli strateji addımdır. Şirkətimiz yanacaqdoldurma sektorunda hər zaman mövcud imkanları dəyərləndirir və bazardakı prosesləri yaxından izləyir. Deməli, önümüzdəki illərdə bu sektorda başqa investisiyalarımızın olacağı da istisna deyil”.

Doqquz stansiyanın beşi perronda, biri karqo daşıma sahəsində, ikisi avtomobil dayanacağı ərazisində yerləşir. Qalan digər stansiya isə Taksiçilər Kooperativinə xidmət edəcək. 2018-ci il dekabrın 31-dən etibarən tam fəaliyyətə başlayacaq bu doqquz stansiya 16 280 kv.metrlik bir sahədə xidmət edəcək.

“SOCAR Turkey”in hava limanın perron hissəsində yerləşən beş stansiyası “THY-TGS-Çelebi-HAVA-IGA Yer İşletmeleri”nə aid 4 000-dən çox avtomobili yanacaqla təmin edəcək. Hava limanının qərb hissəsində gömrük anbarları, agentlik binaları, gömrük ofisləri və bütün logistik əməliyyatların daxil olduğu karqo şəhərciyində yer alan 5 000 kv.metrlik sahədə yerləşən stansiya isə karqo şirkətlərinin 1 000-dən çox avtomobili ilə yanaşı sərnişinlərə, onları qarşılayan və yola salan şəxslərə xidmət göstərəcək.

Avtomobil dayanacağı ərazisindəki digər iki SOCAR stansiyası hər gün 30-dan çox avtomobil kirayələmə şirkətinə aid 1 200 avtomobilin yanacaq təminatını həyata keçirəcək. SOCAR-ın yanacaqdoldurma stansiyalarından gündə ümumilikdə 10 min avtomobilin istifadə etməsi planlaşdırılır. 

11 Fevral 2020 Bakıda möhtəşəm asma körpü tikilir - FOTO
05 Fevral 2020 Azərbaycan bu məhsulları Çindən alır - SİYAHI
03 Fevral 2020 DİQQƏT! Alış-veriş edən vətəndaşlara pul qaytarılacaq - VİDEO
29 Yanvar 2020 “Honda” ve “Toyota” şirkətləri fəaliyyətini dayandırdı
23 Yanvar 2020 Xanlar Fətiyev Azərbaycanda avtobus istehsalından danışıb - FOTO
16 Yanvar 2020 Mərkəzi Bankın strukturu dəyişdi
16 Yanvar 2020 Ötən il Azərbaycanda rekord məbləğdə vergi toplanıb
13 Yanvar 2020 "Gəncə Avtomobil Zavodu" Finlandiya şirkəti ilə müqavilə imzalayıb
25 Dekabr 2019 İcra Hakimiyyəti bu işləri Murad Dadaşovun şirkətinə həvalə etdi – 175 minlik müqavilə
18 Dekabr 2019 Gürcüstandan Azərbaycana gələn şəxsin gömrükdə yalanı üzə çıxdı - FOTO
17 Dekabr 2019 Evi olmayanlara şad xəbər - İlham Əliyev fərman imzaladı
11 Dekabr 2019 Mikayıl Cabbarovdan qərar – İcrasına şəxsən özü nəzarət edəcək
09 Dekabr 2019 Bakıda Azərbaycan-Rusiya Hökumətlərarası Komissiyasının iclası keçirilir - FOTOLAR
08 Noyabr 2019 Nazirdən şad xəbər: Bu məhsullar ƏDV-dən azad olunacaq
01 Noyabr 2019 İctimai nəqliyyatda gedişhaqları ARTIRILIR? - BNA AÇIQLADI
24 Oktyabr 2019 Azərbaycanda yeni 5 manatlıq dəmir pullar buraxıldı - FOTO
23 Oktyabr 2019 Bu şəxslər üçün aylıq vergi azaldılır
19 Oktyabr 2019 Azərbaycanda gələn il orta aylıq əməkhaqqı 15,5 faiz artırılacaq
27 Sentyabr 2019 Hökumət gələn ilin büdcəsinə “hə” dedi
23 Sentyabr 2019 GMO məhsullarla birgə mübarizə barədə tədbir keçirilib - FOTO