71244090_1252780888242962_4060132425718562816_n.jpg

Yeni dünya nizamı çərçivəsində qlobal geosiyasətdə “heartland” kimi səciyyələndirilən Avrasiyanın yeni nəqliyyat xəritəsini yaradan, Azərbaycanın təşəbbüsü və fəal iştirakı ilə reallaşdırılan strateji əhəmiyyətli layihələr regional və beynəlxalq əməkdaşlığın dərinləşməsini, yeni əməkdaşlıq platformalarının formalaşmasını şərtləndirir. Xüsusilə də, Şərq-Qərb və Şimal-Cənub beynəlxalq nəqliyyat dəhlizlərinin kəsişməsində yerləşən, əlverişli coğrafi mövqeyə malik Azərbaycanın nəqliyyat xidmətlərini inkişaf etdirməsi, müasir infrastruktur yaratması, daşımaların idarə olunması mexanizmini təkmilləşdirməsi və beynəlxalq nəqliyyat sisteminə inteqrasiyanı genişləndirməsi bu kontekstdə mühüm əhəmiyyətə malikdir.

Ümumiyyətlə, Azərbaycanın regionda yeni nəqliyyat-kommunikasiya xəritəsinin yaranması və bölgənin geostrateji dizaynının dəyişilməsində aparıcı rolunun əhəmiyyətini anlamaq üçün bir sıra nüanslara nəzər salmaq lazımdır:

- Azərbaycanın regional miqyasda əməkdaşlıq və təhlükəsizliyə mühüm töhfələr verməsini təmin edən ən mühüm amillərdən biri ölkəmizin tranzit daşımaları üçün əlverişli coğrafi mövqedə yerləşməsidir. Qədim İpək Yolunun üstündə yerləşən Azərbaycan həm ölkədaxili ictimai-siyasi sabitlik baxımından, həm də quru və su sərhədlərinə malik olmasına, iqtisadi resurslarına görə beynəlxalq tranzit daşımaları üçün kifayət qədər cəlbedici məkandır;

- Azərbaycanda yaradılan müasir infrastruktur ölkəmizi Avrasiyada əsas strateji nəqliyyat qovşaqlarından birinə çevirib. Nəqliyyat infrastrukturunun təkmilləşdirilməsi istiqamətində görülən işlər Azərbaycanın istər Şimal-Cənub, istərsə də Şərq-Qərb dəhlizlərində tranzit ölkə kimi mövqeyini daha da gücləndirməyə xidmət edir;

- Azərbaycan tərəfindən logistika və ticarətin inkişafı istiqamətində görülən işlər, ölkəmizin tranzit potensialının daha da artırılması ilə bağlı həyata keçirilən kompleks tədbirlər, həmçinin qlobal miqyaslı təşəbbüslər Azərbaycanın sosial-iqtisadi inkişafına mühüm töhfələr verir. Yəni bu reallıqlar Azərbaycana böyük siyasi və iqtisadi dividendlər gətirir, ölkəmizin dünyada və regionda mövqeyini daha da möhkəmləndirir;

- Azərbaycan “Şimal-Cənub” beynəlxalq nəqliyyat dəhlizinin reallaşmasında mühüm rol oynayır. Respublikamız 2000-ci ildə İran, Rusiya və Hindistan tərəfindən dövlətlər arasında nəqliyyat əlaqələrini inkişaf etdirmək məqsədi ilə yaradılan “Şimal-Cənub” nəqliyyat dəhlizi layihəsinin önəmli həlqəsinə çevrilib. Azərbaycan, həmçinin bu strateji nəqliyyat dəhlizinin reallaşdırılması istiqamətində davamlı investisiya yatırmaqla öz üzərinə düşən vəzifələri yerinə yetirir. Son illərdə BTQ dəmir yolunun, Ələtdə Beynəlxalq Limanın istifadəyə verilməsi və azad iqtisadi zonanın yaradılması nəticəsində Azərbaycanın kommunikativ rolu artıb: davam etdirilən işlər ölkəmizin Mərkəzi Asiyanı Qərblə, Cənubi Asiyanı isə Şimalla birləşdirən nəqliyyat qovşağına çevrilməsini şərtləndirir;

Nəticə etibarilə, bütün bunlar Azərbaycana mühüm geoiqtisadi və geosiyasi üstünlüklər gətirir, cari hədəf strateji dividendlərin əldə edilməsinə nail olmaqdır.

Nurlan Qələndərli



28 Yanvar 2021 Bu gün Türkiyə Milli Təhlükəsizlik Şurası Qarabağdakı vəziyyəti müzakirə edəcək
27 Yanvar 2021 Mikayıl Cabbarov: "SOCAR yeni inkişaf dövrünə qədəm qoyacaq"
27 Yanvar 2021 Rusiya və Ermənistan XİN başçıları Qarabağı müzakirə ediblər
27 Yanvar 2021 İlham Əliyev portuqaliyalı həmkarını təbrik edib
27 Yanvar 2021 Ceyhun Bayramov fransalı həmsədrlə bölgədəki vəziyyəti müzakirə edib
27 Yanvar 2021 Prezident QHT-lərlə bağlı fərman imzaladı
27 Yanvar 2021 XİN: Holokost dövrümüzün ən dəhşətli cinayətlərindən biridir
27 Yanvar 2021 XİN-in vəzifəli şəxslərinin qətimkan tədbiri müddəti uzadıldı
27 Yanvar 2021 Putin: “İndi qarşımızda qaçqınları Qarabağa qaytarmaq vəzifəsi dayanır”
27 Yanvar 2021 Prezidentin köməkçisi: "Azərbaycan və Türkiyə əməkdaşlığı heç kimə qarşı yönəlməyib"
27 Yanvar 2021 Hikmət Hacıyev: "Türkiyə ilə media və diaspor sahəsində birgə görəcəyimiz işlər var"
27 Yanvar 2021 Prezidentin Şuşa rayonu üzrə xüsusi nümayəndəsindən ilk açıqlama
27 Yanvar 2021 “Necə demək olar ki, Şuşa bizə bağışlanılıb?”
27 Yanvar 2021 Ali Baş Komandan: "Nəyi demişəmsə, onu da etmişəm"
27 Yanvar 2021 Məktəblərdə qış tətili başlayıb
27 Yanvar 2021 Fevralın 1-də Bakıda məktəbə gedəcək şagirdlərin sayı açıqlanıb
27 Yanvar 2021 Azərbaycandakı “McDonalds”lar üçün çörək Gürcüstandan gətiriləcək
27 Yanvar 2021 Fərman İsmayılovun dəfn olunacağı yer açıqlandı
26 Yanvar 2021 AŞ NK sədri: "Qarabağdakı əməliyyatlarda Azərbaycan tərəfdən əcnəbi muzdluların döyüşməsinə dair dəlil yoxdur"
26 Yanvar 2021 “Azəriqaz”ın baş direktorundan işğaldan azad edilən ərazilərin qazlaşdırılması ilə bağlı AÇIQLAMA