b_550_325_16777215_00_images_xeber_sekilleri_22fevral2019_345454545454.jpg

Jurnalist Ekspert Mərkəzi (JEM) media mənsublarına tövsiyə məzmunlu çağırış ünvanlayıb. JEM sədri Ceyhun Musaoğlunun müəllif yazısı kimi təqdim olunan fikirlərdə dünyanı çuğlayan koronavirusla mübarizədə jurnalistikanın, o cümlədən sosial şəbəkə adminlərinin sərgilədiyi mövqedə vacib məqamlara dəqiqliklə əməl etməyin üstünlüklərindən söz açılır. 

Neqativləri tirajlamadan həllinə nail olaq

Əziz həmkarlar, jurnalistikanın mahiyyətinin əsası, kökünü problemin həllinə nail olmaqdır. Razıyam, jurnalist hadisələri ictimailəşdirməklə işini bitmiş hesab edə bilər. Onun borcu yaşananlara hökumətin və cəmiyyətin diqqətini çəkməkdir. Sadəcə incə məqam var: jurnalistika ekstremal vəziyyətlərdə prinsiplərində cüzi dəyişikliklər etməyə borcludur. “Müharibə jurnalistikası” ifadəsi də müəyyən dövrlərdə mətbuatın fəaliyyət azadlığında labüd dəyişikliklərin vacibliyi önə çıxan zaman işlənir.

Dünyanı virus müharibəsi bürüyüb. Belə məqamda jurnalist yazılarında vətəndaş mövqeyinə söykənsə yaxşı olar. O, problemi ictimailəşdirmədən öncə, onun həllinə nail olmağı prioritet götürür. Problemi ictimailəşdirmədən aradan qaldırmaq mümkündür. Orijinallığı dırnaq arasında olan indiki dönəmdə ikinci şərtin işə düşməsinə çalışmaq daha vacibdir.

Dünən sosial şəbəkələrdə yayılan videoda Astara Mərkəzi Rayon Xəstəxanası kimi təqdim olunan səhiyyə ocağında karantinə alınan insanlara qarşı çox pis münasibət göstərilməsindən bəhs olunurdu. Görüntülər adamı vahiməyə salırdı – təbii xırdalığına varmayacağıq. Təbii videonu yaymadım, adım xatırlatma küncünə çıxmasın, diqqət cəlb etməsin, neqativdən az adam xəbər tutsun deyə, münasibət bildirmədim.

Bu gün həmin vəziyyətlə bağlı Nazirlər Kabineti yanında Operativ Qərargaha, “TƏBİB”in “Qaynar xətt”inə məlumat verdim. Dinlədilər və tez bir zamanda araşdırıb, sərt tədbirlər həyata keçirəcəklərini bildirdilər.

Dünən daha bir informasiya yayılmışdı. Qubada otellərin birində karantində saxlanılan tələbə qız şəraitin yüksək səviyyədə olduğunu söyləyirdi.

İki ziddiyətli məlumat eyni anda yayılır, insanlar çaşqınlıq içərisinə düşür, panik durum dərinləşir. Ora elə dərin və qaranlıq quyudur ki, xəstəliyin özündən daha ağır fəsadlar verə bilir, gün üzünə çıxmaq çətinləşir.

Bəlkə belə edək: neqativləri yaymadan Operativ Qərargahı, “TƏBİB”i məlumatlandıraq. Pozitiv məqamlarısa gözdən qaçırmayaq, daha çox tirajlamağa çalışaq.

Bizə problemin həlli lazımdır, yoxsa ictimailəşməsi, ətrafda xof yaratması? Əlbəttə, birinci amil vətəndaşın bilavasitə arzusudur. Onda niyə bu arzunun gerçəkləşməsinə çalışmayaq? Bir anlıq düşünək: Astara xəstəxanasından çəkilən videonu orda digər xəstəliklərdən əziyyət çəkənlərin, elə karantinə alınanların qohumları, yaxınları görürülər. Belədə onlar dəhşətli hisslər keçirə, psixoloji zərbə ala, stressdən müxtəlif ağır xəstəliklər qazana bilərlər.

Əziz dostlar, dünyanı caynağına alan bəla mütləq tezliklə sona çatacaq. Günəş şəfəqlərini saçanda ağır günləri xatırlayacağıq. Onda bizi cəmi bir sual üşüdə bilər: Virusla mübarizə prosesində mən neylədim? Bu suala beynimizin verdiyi cavab üşütməmizi kəsə də bilər, qızil günlərdə bizi yerimizdəcə dondura da bilər.

Əziz həmkarlarım, sabah bugündən daha gözəl olacaq, yetər ki, ora uzanan yolda büdrəməyək, büdrədiyimiz üçün bezməyək, yorulmayaq, cəmi bir cığır var, ondan kənara çıxmayaq.



05 Aprel 2020 ATV də Prezidentin çağırışına qoşuldu – 50 min ianə
04 Aprel 2020 Heydər Əliyev Mərkəzindən Çinə maraqlı dəstək - VİDEO
03 Aprel 2020 “Azəriqaz” koronavirusla mübarizəyə vəsait ayırdı
02 Aprel 2020 Mehriban Əliyevadan Aprel döyüşləri ilə bağlı paylaşım - FOTO
31 Mart 2020 Bakı metrosu bu gün bağlanır - QƏRAR
28 Mart 2020 Sabahdan koronavirus xəstələri “Yeni klinika”ya yerləşdiriləcək
28 Mart 2020 “Sky Residence” şirkəti də Prezidentin çağırışına qoşuldu - FOTO
27 Mart 2020 ARB TV əməkdaşları Bakı sakinlərinə tibbi maska payladı – VİDEO – FOTO
25 Mart 2020 Gəncə Regional Mədəniyyət İdarəsindən nümunəvi addım - VİDEO
24 Mart 2020 Jurnalist koronavirusla mübarizəyə cəlb olunmaq üçün TƏBİB-ə müraciət etdi
22 Mart 2020 ATV #EVDƏQAL həştəqini loqosu ilə eyniləşdirdi - FOTO
21 Mart 2020 “Feysbuk”da koronavirusla bağlı uydurma məlumatlar yerləşdirən şəxs müəyyən edilib
20 Mart 2020 ATV telekanalının yayımında dəyişiklik olub
20 Mart 2020 Türkiyədə koronavirusdan ölənlərin sayı artdı - Nazirdən AÇIQLAMA
19 Mart 2020 Koronavirusla Mübarizəyə Dəstək Fondu yaradıldı - FƏRMAN
19 Mart 2020 "Lider TV"-dən koronavirusla bağlı maraqlə VİDEOÇARX
17 Mart 2020 Koronavirusun müalicəsi zamanı bu dərmanı için - ÜST
16 Mart 2020 AMEA: Koronavirusa qarşı peyvəndlərin hazırlanması məqsədilə tədbirlər görülür
16 Mart 2020 Bakıya giriş-çıxış bağlanır? — RƏSMİ AÇIQLAMA
11 Mart 2020 "Ermənistan və xaricdəki erməni lobbisi bu güclərin başında dayanır" - Tural İsmayılov