«ABŞ iyunun 1-də Kişinyovda Ermənistan və Azərbaycan liderlərinin iştirakı ilə keçiriləcək görüşün məsələlərin sülh yolu ilə həlli baxımından konstruktiv olacağını gözləyir». 

Missiya.Az  xarici mediaya istinadən xəbər verir ki, bu barədə Dövlət Departamentinin sözçüsü Metyu Millerin bəyanatında deyilir.

“Biz Ermənistanla Azərbaycan arasında danışıqların davam etdiyini görməkdən şadıq. Dövlət katibi Blinkenin dediyi kimi, Cənubi Qafqazda sülhə nail olmaq mümkündür. Biz bu yaxınlarda baş nazir Paşinyanın sülh işinə sadiqliyini təqdir etdik və prezident Əliyevin amnistiyanın müzakirəsi ilə bağlı son bəyanatlarını alqışlayırıq” - Miller bildirib.

Xatırladaq ki, Prezident İlham Əliyev mayın 28-də Laçında oraya yeni köç eləmiş yerli sakinlərlə görüşü zamanı Xankəndidəki serparatçılara xitabən bunları demişdi:

“Sanki orada parlamen fəaliyyət göstərir. Özlərini prezident, nazir kimi göstərirlər, bütün bunlar gülüncdür. Biz sadəcə səbirliyik, baxmayaraq ki, hər kəs bizim bu regionda istənilən əməliyyatı həyata keçirmək üçün mövcud imkanlarımızı yaxşı bilir. Ona görə də özünü prezident adlandıran təslim olmalıdır. Artıq bütün nazirlər, deputatlar və digərləri öz postlarını tərk etməlidirlər. Yalnız bu hansısa amnistiyxadan danışmaq olar”.

Elcan
Missiya.Az