UEFA Çempionlar Liqasının sonuncu qalibi, eyni zamanda ÇL kubokunu hamıdan çox(15 dəfə) başı üzərinə qaldırmış İspaniya nəhəngi "Real Madrid" bu il turniri 1/4 mərhələsindən tərk etmək təhlükəsi ilə üzləşib. Kral klubu bu mərhələnin ilk oyununda İngiltərədə "Arsena"la 3:0 hesabı ilə məğlub olub.

Aprelin 16-sı, Bakı vaxtı ilə 23:00-da başlayacaq cavab oyununda "Real" rəqibini böyük hesabla məğlub etməlidir. Bacaracaqmı? Bu suala konkret cavab vermək təbii ki, mümkün deyil. Lakin "Real"ın tarixində inanılmaz geridönüşlərin çox olduğunu nəzərə aldıqda, kral qlubunun budəfəki çətin vəzifənin də öhdəsindən gələ biləcəyini ehtimal etmək olar.

Yaranmış vəziyyətlə bağlı klubun ulduz futbolçuları da mediaya açıqlamalar veriblər.

Məsələn, "Real"ın ingilis yarımmüdafiəçisi Cud Bellinqam geridönüşlə bağlı iddialı açıqlama verib. O qeyd edib ki, söhbət "Real"dan gedirsə, deməli 3 topluq fərqin heç bir əhəmiyyəti yoxdur:

"Əlimizdən gələni də gəlməyəni də edəcəyik. İlk 15-20 dəqiqə çox əhəmiyyətli olacaq. İnanıram ki "Real" bu gün azarkeşlərinə böyük sevinc bəxş edəcək. "Santyaqo Bernabeu" bizim üçün əlavə güc deməkdir. Azarkeş dəstəyi gücümüzə güc qatacaq",- deyə ulduz futbolçu vurğulayıb.

Elcan
Missiya.Az