Donald Trampın ABŞ prezident seçkilərindəki qələbəsindən sonra kriptovalyutaların və ilk növbədə "Bitcoin"in qiyməti davamlı olaraq artmaqda davam edir və artıq 93 min dolları keçib ki, bu da rekord göstəricidir. 

Missiya.Az xarici KİV-istinadən xəbər verir ki, bununla belə, kriptovalyutaların artımı il ərzində müşahidə edilib və bir sıra digər amillərlə bağlı olub.

Təbii ki, son günlər kriptovalyutaların sürətlə böyüməsinin əsas səbəbi Trampın növbəti ABŞ prezidenti seçilməsi olub. Seçki kampaniyası zamanı o, dəfələrlə kripto sənayesinə və Amerika mədən şirkətlərinə dəstək olacağına söz verib. Xüsusilə, o, ABŞ-ni "planetin kripto paytaxtı"na çevirəcəyini, həmçinin rəqəmsal maliyyəyə kütləvi şəkildə sərmayə qoyacağını vəd edib.

“Əgər gələcək kriptovalyuta ilə müəyyən ediləcəksə, mən onun ABŞ-də hasil edilməsini, buraxılmasını və istehsal olunmasını istəyirəm”, - Tramp bildirib.

Zərintac Mayisqızı
Missiya.Az