“Moldovada seçicilərin əksəriyyəti prezident Maya Sanduya səs verməyib”.

Missiya.Az xəbər verir ki, bunu Rusiya prezidentinin sözçüsü Dmitri Peskov deyib.

“Xanım Sanduya gəlincə, siz bilirsiniz ki, o, anladığımız qədər öz ölkəsinin prezidenti deyil, çünki Moldovanın özündə də əhalinin əksəriyyəti ona səs verməyib”, - deyə siyasətçi vurğulayıb.

Onun sözlərinə görə, bu seçkilər demokratik və ədalətli olmayıb. 

Rusiya prezidentinin mətbuat katibi Moldovanın hazırkı hakimiyyətini tənqid edib. 

Peskov onları digər məsələlərlə yanaşı, Moskva ilə hər hansı qarşılıqlı əlaqəni məhdudlaşdırmaqda, habelə Rusiya mediasına təzyiq göstərməkdə ittiham edib. 

Kreml rəsmisi iddia edib ki, Dnestryanı xalq Moldovanın hazırkı rəhbərliyini dəstəkləməyə meyilli deyil.

“Bu, ciddi səylər tələb edir, lakin eksklüziv olaraq konstruktiv yanaşmaya söykənir, biz onun çatışmazlığını indi görürük”, - deyə siyasətçi əlavə edib.

Xatırladaq ki, noyabrın 3-də Moldovada prezident seçkilərinin ikinci turu keçirilib və Maya Sandu 55,33 faiz səs toplayaraq ölkə prezidenti seçilib.

Daşqın Həsənov
Missiya.Az