Kişi və qadın voleybolçular arasında Azərbaycan Kubokunun qalibi olan komandalar mükafatlandırılıb.

Missiya.Az xəbər verir ki, qızıl medalları kollektivlərə Azərbaycan Voleybol Federasiyasının (AVF) prezidenti Şahin Bağırov və digər rəsmi şəxslər təqdim ediblər. AVF-nin prezidenti Şahin Bağırov kubokda möhtəşəm oyun sərgiləyən "Xilasedici" və "Abşeron" komandalarını təbrik edib.

Qurum rəhbəri ölkə idmanına göstərdiyi xüsusi qayğıya görə Prezident İlham Əliyevə təşəkkür edib. Ş.Bağırov bölgələrdə də voleybolun inkişaf etdiyini diqqətə çatdırıb. Daha sonra Azərbaycan Kubokunun ən yaxşı kişi və qadın voleybolçuları bəlli olub. Kişilərdə "Xilasedici" komandasının kubalı üzvü Luis Enrike Reyes, "Abşeron"da isə Katarina Jitkova bu mükafata layiq görülüblər. Kişilərdə "Xilasedici", qadınlarda isə "Abşeron" komandasına kubok və qızıl medallar təqdim olunub. Kişi voleybolçular arasında gümüş medallar "Azərreyl"ə, qadınlarda isə "Gəncə" komandasına verilib.