Avropa İttifaqı (Aİ) qışdan əvvəl Ukraynanın enerji təhlükəsizliyini dəstəkləmək üçün Ukraynaya 160 milyon avro (178,74 milyon dollar) ayıracaq.

Missiya.Az "RBC - Ukrayna"ya istinadən xəbər verir ki, bunu Brüsseldə mətbuat konfransı zamanı Avropa Komissiyasının (AK) prezidenti Ursula von der Leyen deyib.

O bildirib ki, məbləğin bir hissəsi dondurulmuş Rusiya aktivlərindən təmin ediləcək.

AK prezidentinin sözlərinə görə, Ukrayna tammiqyaslı hücumun başlanmasından bəri enerji təhlükəsizliyinə dəstək üçün artıq azı 2 milyard avro (2,23 milyard dollar) alıb: "Bu gün elan edilən əlavə 178,74 milyon dollar arasında: 60 milyon avro (67,03 milyon dollar) sığınacaqlara və istiləşmə obyektlərinə dəstək olacaq. Dondurulmuş Rusiya aktivlərinin 100 milyon avrosu (111,71 milyon dollar) təmir işləri və bərpa olunan enerji mənbələri üçün istifadə ediləcək. Məqsəd əhalinin təcili ehtiyaclarını ödəmək, eyni zamanda Ukraynanın enerji sistemini uzunmüddətli perspektivdə daha dayanıqlı etməkdir. Ümumilikdə, Ukraynanın bu qış üçün 17 giqavat enerjiyə ehtiyacı var ".

Zərintac Mayisqızı
Missiya.Az