Yaşlı insanların yanında olduğunuzda, onların evlərinə getdiyinizdə, əşyalarına ya da geyimlərinə toxunduğunuzda fərqli bir qoxu əksəriyyətiniz hiss etmişsiniz. Bəzi insanlar bunun təmizliyə kifayət qədər riayət edilməməsi ilə əlaqələndirsə də amma bu belə deyil.

Mütəxəssislər həmin məsələ ilə bağlı araşdırma aparıb. Belə qənaətə gəliblər ki, qocalarda yaranan iyin başqa səbələri var və çox vaxt sözügedən qoxu 40 yaşdan sonra orqanizmin təbii antioksidan müdafiə qabiliyyətinin pozulması ilə müşahidə olunur.

Məlum olub ki, illər keçdikcə dəridə xoşagəlməz, yağlı, ot kimi aldehid təbəqəsi əmələ gəlir. Bu təbəqə doymamış omeqa-7 yağ turşularından ibarətdir və yaşlıların olduğu mühitdə və geyindiyi paltarlarda sıx şəkildə hiss edilir. 

Qocalıq qoxusundan xilas olmaq üçün sağlam həyat tərzinə və nizamlı qidalanmaya diqqət yetirmək lazımdır. Siqaret və spirtli içki kimi zərərli vərdişlərdən uzaq durmaq, yağlı qidalardan uzaq durmaq və bol maye qəbul etmək yaşlılıq qoxusunu aradan qaldırmağın ən təsirli yolu hesab olunur. 

Zərintac Mayisqızı
Missiya.Az