"Amerika Birləşmiş Ştatları prezidenti (ABŞ) Co Baydenin 2024-cü il prezidentlik yarışından çıxmaq qərarı onun administrasiyasının, xüsusilə də Yaxın Şərq və Ukraynada xarici siyasət uğurlarına əsaslanmaq üçün altı aylıq bir yarışı hərəkətə gətirir".

Missiya.Az xəbər verir ki, bu barədə "Financail Times" məlumat yayıb.

"Baydenin ilk sınağı bu həftə Vaşinqtonda İsrailin baş naziri Benyamin Netanyahu ilə görüşən zaman baş verir. Netanyahunun hakimiyyətə qayıdışından sonra keçirilən ilk görüş Amerika liderinə mühüm irsini irəlilətmək şansı verəcək: İsrail və Həmas arasında müharibəyə son qoymaq... Vitse-prezident Kamala Harris də dünya səhnəsində nüfuzunu gücləndirmək üçün İsrailin baş naziri ilə görüşəcək. Harris Qəzza münaqişəsi ilə bağlı intensiv əlaqəni davam etdirəcək. Administrasiyanın xarici siyasətinin əsas hissəsi prezidentin köməkçiləri və Milli Təhlükəsizlik Şurası arasında cəmləşib. Baydenin vasitəçiliyi ilə əldə edilən atəşkəs Harrisə seçki kampaniyasında problemdən qaçmağa imkan verəcək. Amerika lideri əsas prioritetlərindən biri Trampın noyabrda qalib gələcəyi təqdirdə Ukraynanın mümkün qədər çox dəstək almasını təmin etmək olacaq. Keçmiş prezident Ukrayna Rusiya ilə danışıqlara getməyəcəyi təqdirdə ona hərbi yardımı dayandıracağına söz verib. Konqres 2025-ci ilin əvvəlinə qədər 61 milyard dollarlıq yardım paketini artıq təsdiqləsə də, Bayden cari sövdələşmələri yekunlaşdıra və səlahiyyət müddətinin sonuna qədər mövcud yardımı artıra bilər. Kampaniya məhdudiyyətlərindən azad olmaq Baydenə yaxın aylarda xarici siyasətə diqqət yetirmək üçün daha çox vaxt verəcək və bəzi analitiklərin fikrincə, bu, prezidentə dünya səhnəsində imicini gücləndirməyə imkan verəcək" - nəşrdə qeyd olunub.

Zərintac Mayisqızı
Missiya.Az