Azərbaycandan qayıdarkən jurnalistlərin suallarını cavablandıran Türkiyə prezidenti Rəcəb Tayyib Ərdoğan ABŞ sentoru Bob Menendezin istefası, F-16 və İsveç məsələsindən danışıb.
Missiya.Az xəbər verir ki, "Haber 7.com" məlumat yayıb.
Türkiyənin xarici işlər naziri Hakan Fidanın F-16 məsələsini yaxından izlədiyini deyən Ərdoğan, vəziyyətin fürsətə çevriləcəyini bildirib.
"F-16-larla bağlı ən mühüm problemlərimizdən biri ABŞ senatoru Bob Menendezin ölkəmizə qarşı fəaliyyəti idi. Ona görə də xarici işlər nazirimiz indi bu prosesi yaxından izləyəcək. Əslində ABŞ dövlət katibi Antoni Blinkenlə bizim xarici işlər nazirimiz Hakan Fidan 3-4 gün əvvəl Amerikada görüşdülər. Danışıqlar hələ də davam edir. Amma indi bu vəziyyəti fürsətə çevirib yenidən onunla görüşmək faydalı olardı. Bu şəkildə F-16 ilə bağlı prosesi sürətləndirmək imkanımız ola bilər", - Türkiyə lideri qeyd edib.
Zərintac Mayisqızı
Missiya.Az
