Ermənistan-Azərbaycan danışıqlarında irəliləyiş var, lakin yekun razılığın əldə olunması üçün hələ çox iş görülməlidir. 

Missiya.Az xarici mediaya istinadən xəbər verir ki, bunu Vaşinqtonda Azərbaycan və Ermənistan xarici işlər  nazirləri Ceyhun Bayramov və Ararat Mirzoyan arasında keçirilən görüşlərin yeni raundunun yekunlarına yekun vuran ABŞ dövlət katibi Entoni Blinken deyib.

“Mən hər iki həmkarıma minnətdaram və Ermənistanla Azərbaycan arasında uzunmüddətli sülh sazişinin əldə edilməsi, eləcə də iki ölkə arasında münasibətləri inkişaf etdirə biləcək digər mühüm vəzifələr üçün davam edən gərgin işi yüksək qiymətləndirirəm. Tezliklə açıqlanacaq bəyanatda qeyd olunduğu kimi, ümumi məqsədə doğru saziş ətrafında əldə edilmiş irəliləyişlərə, razılaşmaya bəzi maddələrin daxil edilməsinə, habelə anlaşmanın dərinləşməsinə görə minnətdaram”.