Xətai rayonu Nobel prospekti bina 80-nin sakinləri rayonun icra hakimiyyətindən ciddi narazılıqlarını bildiriblər. 

Missiya.Az xəbər verir ki, sakinlərin iddiasına görə, binanın söküntüsü zamanı ciddi korrupsiya hallarına yol verilib. 

Məlumata görə, verilən kompensasiyanın miqdarından narazı olduqları halda sakinlırə bildirilib ki, hər kvadratmetr üçün 1500 manatdan artıq heç kimə pul ödənilməyəcək. 

Bu səbəbdən sakinlərə xəbərdarlıq olunub ki, razılıq sənədlərinə qol çəkinlər, əks təqdirdə binada komunal xidmətlər dayandırılacaq. Sakinlər məcbur qalıb, sənədə qol çəkiblər, lakin sonradan müəyyən xoşagəlməz məqamlar üzə çıxıb. 

İddiaya görə, bəzi sakinlərə hər kvadrat üçün 2000 manatdan ödəniş olunub və həmin sakinlərə tapşırılıb ki, digər qonşular bundan məlumatlı olmasın. Xəbər isə qısa müddətdə yayılıb.

Sakinlər bildirirlər ki, onlar verilən kompensasiyanın azlığı səbəbindən özlərinə hələ də mənzil ala bilməyiblər. kompensasiya məbləğinə təkrar baxılması istəklərinə İcra Hakimiyyətindən imüsbət cavab verilmir. 

Qeyd edək ki, Xətai Rayon İcra hakimiyyəti məlumatı təkzib edir. Bildirilir ki, bütün sakinlərə hər kvadratmetr üçün bərabər miqdarda kompensasiya ödənilib.

Mövzuya qayıdacağıq.

Missiya.Az