Bu gün Azərbaycan Atçılıq Federasiyasının təşkilatçılığı ilə Binə Atçılıq Mərkəzinin qapalı manejində Çövkən Milli Atüstü oyunu üzrə “Şuşa Kuboku”nun final görüşü keçiriləcək.
Missiya.Az Trend-ə istinadən xəbər verir ki, final görüşündə “Buta Qolden” və “Polad” komandaları birincilik uğrunda mübarizə aparacaq.
Xatırladaq ki, qrup oyunları nəticəsində 3 güc səbətindən eyni reytinqə sahib olan komandalar arasında A Qrupunda yer alan “Sərhədçi Dilbaz” və “Polad” komandaları, B Qrupundan isə “Buta Qolden” və “Köhlən” komandaları yarımfinala vəsiqə qazanmışdır. Yarımfinal oyunlarında “Buta Qolden” komandası “Sərhədçi Dilbaz” komandası üzərində 5-3 hesablı, “Polad” komandası isə “Köhlən” komandası üzərində 4-0 hesablı qələbə qazanmışdı.
“Sərhədçi Dilbaz” və “Köhlən” komandaları arasında “Şuşa Kuboku”nda 3-cü yer uğrunda mübarizə isə “Sərhədçi Dilbaz” komandasının 5-0 hesablı qələbəsi ilə yekunlaşmışdı.