“Gürcüstanda müharibə 2008-ci ildə bitməyib və bu gün hibrid müharibə şəklində davam edir”.

Missiya.Az xəbər verir ki, bunu Gürcüstanın keçmiş Prezidenti Salome Zurabişvili deyib.

Onun sözlərinə görə, Gürcüstanın əraziləri işğal olunub:

“Bu gün Rusiya iki ölkəyə qarşı müharibə aparır: Ukraynaya qarşı hərbi müharibə, Gürcüstana qarşı hibrid müharibə. Biz bunu yaxşı başa düşməliyik, çünki bunu anlamasaq, müstəqilliyimizi, dövlətçiliyimizi asanlıqla əlimizdən alacaqlar", - deyə siyasətçi vurğulayıb.

Zurabaşvili həmçinin qeyd edib ki, bu gün Vaşinqtonda ABŞ Prezidenti Donald Tramp Azərbaycan dövlət başçısı İlham Əliyevlə Ermənistanın Baş naziri Nikol Paşinyanı bir araya gətirəcək və bu region üçün böyük əhəmiyyət kəsb edir. Çox pisdir ki, hazırda Gürcüstan bundan təcrid olunub, yalnız Rusiyaya baxır və yalnız onun təsiri altındadır.

O əlavə edib ki, Cənubi Qafqaz dünyanın ən uğurlu bölgələrindən biri olmalıdır, biz bütün bunlardan kənardayıq.

Daşqın Həsənov
Missiya.Az