b_550_325_16777215_00_images_xeber_sekilleri_22fevral2019_6aa975eea2b11db1494b6137f5854108.jpg

YAP-çı deputat Siyavuş Novruzov dünən “Qarabağ”ın oyununda ermənilərin törətdiyi təxribatdan danışıb.

Missiya.Az xəbər verir ki, Siyavuş Novruzov cəsarətli və qətiyyətli addımlarına görə futbolçularımıza təşəkkür edib:

““Düdelanj”ın meydançasında 4 qol vurmaq elə həmin təxribata cavab idi. Ümumiyyətlə, ermənilər təxribat törətməklə idmanı da siyasiləşdirməyə can atırlar.  “Eurovision”  müsabiqəsində də belə təxribat var idi. Təqdimatı həyata keçirən diktorun əlindəki emblemin arxasında Ağrı dağın şəkli var idi. Halbuki Ağrı dağı Türkiyənin ərazisindədir.  Dədə- babadan da türkün olub və türkün  də olacaqdır. 

Dünən baş verənlər də elə hər şey üst-üstə düşdü. Azərbaycan prezidenti ötən gün Soçidə çıxışında  "Qarabağ Azərbaycandır" deyərək məsələyə nida vurdu. Dağlıq Qarabağ əzəli və əbədi olaraq Azərbaycanın torpağıdır. Bu bir daha onu göstərir ki, Azərbaycanın Ali Baş Komandanı, hər bir əsgəri, idmançısı və vətəndaşı bu məsələdə heç bir güzəştə gedə bilməz. Ermənilər bu məsələni uzatmaqla çalışırdı ki, insanların yadından çıxarsın və buna sonradan hüquqi don da geyindirdilər. Lakin yeni yetişən gənc nəsil, bütövlükdə Azərbaycan xalqı gün- gündən Qarabağa daha da yaxınlaşır. İstər aprel döyüşləri, istərsə də  ATƏT-in həmsədrlərindən biri olan bir ölkənin ərazisində ölkə başçısının dünənki etdiyi çıxış, istərsə də Azərbaycan futbolçuları Avropanın mərkəzində buna birdəfəlik nöqtə qoydular”.

Deputat təxribatı törədənlərə stadionda kimlərsə tərəfindən istiqamət verildiyini nəzərə çatdırıb: “Orada stadiondan kimsə var idi ki, kənardan onlara birbaşa istiqamət verirdi. Yəni, təxribat stadionun özündə qurulmuşdu.  Meydança sahibləri, hakim, Lüksemburqun idman naziri futbolçularımızdan üzr istədi. Ancaq bu əsas deyil. Birbaşa Lüksemburq dövləti Azərbaycan xalqından üzr istəməlidir. Ona görə ki, bu cür oyunları təşkil edə bilmirlər. 

Fikir verirsinizsə, nə üçün  beynəlxalq tədbirləri, yarışları Azərbaycanda keçirirlər?! Biz hətta ermənilərin beynəlxalq yarışlarda Azərbaycana gəlməsinə və onların təhlükəsizliyinin qorunmasına tam şəkildə zəmanət vermişik. Onlar müxtəlif yarışlarda da gəlib Bakıda iştirak ediblər. Çünki Azərbaycan bütün bu məsələlərin məsuliyyətini dərk edir.  Dərk etdiyinə görə də, həm təhlükəsizlik, həm də hər hansı təxribat baxımından  hər bir məsələni ölçüb-biçir. Ona görə də bütün beynəlxalq forumlar, dövlət başçılarının görüşləri, beynəlxalq idman, musiqi yarışlarını təşkilatçılar həmişə Azərbaycana böyük məmnuniyyətlə salırlar.  

Avropa Liqasının final oyunu Bakıda keçirildi. 70 min azarkeşin toplandığı stadionda heç bir təxribat baş vermədi.  Halbuki qabaqcadan deyirdilər ki, hansısa təxribatlar ola bilər.

Lakin Avropanın mərkəzində belə bir tədbirin keçirilən zaman bu baş verdi. O dronun yerinə hər hansı terror aktı da baş verə bilərdi.  Deməli, bunların təhlükəsizlik orqanlarının işi bundan ibarətdir. Ya onlar işləmirlər, yerində deyillər, ya da ki təxribat törədənlərlə birbaşa əlbirdilər. Bunun başqa adı yoxdur”.

Onun sözlərinə görə, bu gün adını azərbaycanlı qoyub mühacir həyatı yaşayan, antiazərbaycan əleyhinə iş aparan vətən xainləri, Dağlıq Qarabağla və dünənki oyunla bağlı bir kəlimə də olsun ermənilərə qarşı münasibətlərini bildirməyiblər: “Bir də görürsən ki, kimlərsə Azərbaycan səfirliyi qarşısında piket keçirir. Müxtəlif təhqiramiz ifadələr işlədirlər. Buradan arvad paltarında Azərbaycandan qaçan, yalandan özünü siyasi mühacir elan edən insanlar bir daha onu göstərdi ki, erməni lobbisinin hesabına antiazərbaycan fəaliyyəti göstərirlər. Çünki dünənki hadisə nümunədir. İndiyə kimi biri də səsini çıxarmayıb. Lüksemburqa yaxın yerlərdə yaşayanlar var. Niderlandda qalanlar var. 1 saatlıq yoldur ora getmək. Toplaşıb Lüksemburqda aksiya keçirə bilərlər. Ancaq biz bunu görmürük. Qoy Azərbaycan xalqı da görsün ki, onlar nəyə xidmət edirlər. Onlar vətən xainləridir”.

qafqazinfo.az

17 Fevral 2020 Ayaz Mütəllibov Paşinyanın ittihamlarına CAVAB VERDİ - VİDEO
17 Fevral 2020 MSK bu gün yenə toplanır - Nəticələr ləğv ediləcəkmi?
15 Fevral 2020 MSK bir şikayəti əsassız hesab etdi - RƏSMİ
14 Fevral 2020 Qənirə Paşayevadan spiker olacağı ilə bağlı xəbərlərə daha bir REAKSİYA
14 Fevral 2020 Dövlətə xəyanətdə ittiham olunan Fəxrəddin Abbasova ağır cəza
14 Fevral 2020 İlham Əliyev Münxendə Şanxay Əməkdaşlıq Təşkilatının baş katibi ilə görüşüb - FOTO
13 Fevral 2020 MSK ATƏT/DTİHB-nin müraciətini təmin etdi
13 Fevral 2020 Hadi Rəcəblinin də dairəsinin nəticələri ləğv edildi
13 Fevral 2020 Hadi Rəcəblinin nəticələrinin ləğv olunması xəbərinə AÇIQLAMA
12 Fevral 2020 BŞİH mitinqlə bağlı qərar verdi
12 Fevral 2020 Yeni parlamentdəki dəyişikliklər rəqəmlərdə - TƏHLİL
11 Fevral 2020 Ərdoğan Azərbaycana gəlir
11 Fevral 2020 Prezident: "Bu seçkilərin Azərbaycanın gələcək inkişafında çox önəmli rolu olacaq"
10 Fevral 2020 Prezident Pirallahıda açılışda
10 Fevral 2020 Bu şəxslərin nəticələri ləğv oluna bilər - SİYAHI
09 Fevral 2020 Ən yüksək və ən aşağı seçici fəallığı olan dairələr açıqlandı
08 Fevral 2020 "Seçkilər İlham Əliyevin islahatlarının davamı olacaq" -Saakaşvili
07 Fevral 2020 Vladimir Jirinovski: “Rusiyadan yalnız Azərbaycan üz döndərməyəcək”
06 Fevral 2020 Prezident Çindən təxliyə olunan azərbaycanlılarla bağlı göstəriş verdi
06 Fevral 2020 İlham Əliyev: “Avropa Şurasında deqradasiya prosesi gedir”