b_550_325_16777215_00_images_xeber_sekilleri_22fevral2019_60661841_566232823784356_3371214959861039104_n_1.jpg

Bank 100 milyon manatlıq oğurluğun fəsadlarını qaldırmaqda çətinlik çəkir

Azərbaycanda adı kifayət qədər iri maxinasiyanın qurbanına çevrilməkdə hallanan banklardan biri də "Günay Bank" hesab olunur. Ötən ilin yay aylarında mətbuatda hesablarından 100 milyon manata yaxın vəsaitin oğurlandığına dair məlumatlar yayılan bankın istər ötən ilin yekunlarına, istərsə də bu ilin birinci rübünün nəticələrinə baxdıqda, heç cür vəziyyətini düzəldə bilmədiyi görünür.

Bankın ilin birinci rübünə aid maliyyə hesabatlarından görünür ki, 2019-cu ilin yanvar-mart dövründə “Günay Bank”ın cəmi gəlirləri 4 milyon 360 min manat, cəmi xərcləri isə 4 milyon 245 min manat təşkil edib. Birinci rübdə bankın faiz gəlirləri 2 milyon 818 min 620 manat, faiz xərcləri isə 2 milyon 61 min 150 manat olub.

«Günay Bank» qeyri-faiz əməliyyatlarından 1 milyon 541 min 830 manat əldə edib, qeyri-faiz xərcləri isə 1 milyon 817 min 390 manat olub. Hesabata görə, bank ilk rübü 114 min 630 manat əməliyyat mənfəəti ilə başa vurub. Mümkün zərərlərin ödənilməsi üçün xüsusi ehtiyatın yaradılmasına 276 min 170 manat ayrılıb ki, bunun da nəticəsində bankın xalis mənfəəti cəmi 390 min 810 manat təşkil edib. 

İlk baxışdan vəziyyət o qədər də pis görünmür - ortada az da olsa mənfəət var. Lakin məsələ ondadır ki, bu rəqəm ötən ilin eyni dövrü ilə müqayisədə 3,2 dəfə(!) azdır. Çünki bu bank 2018-ci ilin birinci rübünü 1 milyon 266 min 650 manat mənfəətlə başa vurmuşdu. Onu da qeyd edək ki, hazırda bankların əksəriyyəti mənfəətlə bağlı mənfi yox, müsbət dinamika nümayiş etdirirlər.

b_550_325_16777215_00_images_xeber_sekilleri_22fevral2019_410223671.jpg

Ötən il sahibkarlar pullarını geri götürüblər - niyə?

Bankdakı geriləmə prosesi kökünü ötən ilin ortalarından götürüb. Qeyd edək ki, həmin vaxt mətbuatda "Günay Bank"ın İdarə Heyətinin sədr müavini Emin Zeynalovun bankın 100 milyon manata yaxın vəsaitini ofşor hesablarına köçürdüyü barədə məlumatlar dərc olunmuşdu. Bəzi mətbu orqanlar hətta bu pulların ofşor hesablarına Baltikyanı ölkələrin ABŞ-ın sanksiyaları altında olan bankları vasitəsilə çıxardığı iddia edilirdi.

Bu qalmaqalla bağlı Emin Zeynalovla bərabər atası Zakir Zeynalovun adı hallandırılırdı. Bəzi məlumatlarda hətta bankın sahibi Mahmud Məmmədovun da adı keçirdi. Doğrudur, bank sonradan rəsmən bütün məlumatları təkzib edərək, heç bir oğurluq olmadığını bildirdi. Lakin mətbuat və ekspertlər deyilənlərlə razılaşmırdı və iddia olundu ki, oğurluq həqiqətən olub, lakin bankın rəsmən qeydiyyata alınan vəsaitlərindən yox, ayrı-ayrı şəxslərdən alınan, rəsmi hesabatlarda əks olunmayan məbləğlərdən…

b_550_325_16777215_00_images_xeber_sekilleri_22fevral2019_---------------------------------------------------.jpg

Məsələ ondadır ki, bankda həqiqətən nələrinsə baş verdiyi çox keçmədən "GünayBank"ın rəsmi hesabatlarında özünü göstərməyə başladı. Belə ki, 2018-ci illin sonunda əvvəlki illə müqayisədə bankın depozitlərində 15 milyon manatdan artıq azalma qeydə alındı. Bu o deməkdir ki, bankda depozitləri olan şirkət və fiziki şəxslər öz vəsaitlərini geri götürüblər. Bundan başqa, bankın xarici valyutadakı depozitləri 2 dəfə, mənfəəti isə az qala 4 dəfə(!) azalıb. Belə ki, bankın xalis mənfəəti 4 milyon 100 min manatdan 1 milyon 289 min manata düşüb. Bununla yanaşı, bankın riskli aktivlərinin də böyük olması müşahidə edilib. 

b_550_325_16777215_00_images_xeber_sekilleri_22fevral2019_1548425173__businessinsider_d2611e63a7e0f8f8bee9a391d_o.jpg

Qeyd edək ki, bütün rəsmi təkziblərə rəğmən, bankda 100 milyonluq oğurluğun olmasına dair iddialar öz təsirini göstərib. Xatırladaq ki, bu məsələdə mətbuatda hətta Maliyyə Bazarlarına Nəzarət Palatasının rəhbərlərindən biri olan İbrahim Alışovun da adı keçirdi.

Bütün bunlar isə sözsüz ki, bankın maliyyə göstəricilərinə mənfi təsir göstərə bilərdi və göstərdi də. Elə böyük ehtimalla həmin qalmaqalın nəticəsidir ki, bank "qara zolaqdan" çıxa bilmir. Ümid edək ki, bank sektorunun bu oyunçusu ötən il aldığı zərbədən nə vaxtsa ayılacaq. Ancaq birinci rübün nəticələri təəssüf ki, çox da optrimist olmağa imkan vermir…

Missiya.Az
İqtisadiyyat şöbəsi



21 May 2019 Henrix Mxitaryan Bakıya gəlməyəcək - RƏSMİ
21 May 2019 8 il öncə vəfat etmiş şəxsə hərbi çağırış vərəqəsi gəldi
20 May 2019 Əhaliyə ŞAD XƏBƏR: Prezidentdən 20 milyonluq sərəncam
20 May 2019 Nazir müavini: “Diqlas”dakı 460 sahibkarın problemi həll edilib”
20 May 2019 Rayon maşınlarının Bakıya girişi qadağan edilir
20 May 2019 Milli Qəhrəmanın adı orta məktəbə verildi
17 May 2019 Bakıda Arif Məlikova heykəl qoyulacaq - SƏRƏNCAM
17 May 2019 İlham Əliyev iki icra başçısını vəzifədən azad etdi
17 May 2019 "Arsenal" və "Çelsi" azarkeşləri düşmən deyil" - Azad Rəhimov
17 May 2019 Azərbaycan “Avroviziya”nın finalında - FOTO/VİDEO
16 May 2019 Bakı Meriyası mitinqinlə bağlı müraciətə cavab verdi
16 May 2019 “Emin 444”ün qətlinə görə dünya çempionu tutuldu - “78 bıçaq vurublar”
15 May 2019 Baş redaktordan Aslan İsmayılova “hodri, meydan” çağırışı. Gələcəkmi?
15 May 2019 "Eurovision 2019"un I yarımfilnalı baş tutdu - Finala keçən ölkələrin SİYAHISI - VİDEO
14 May 2019 Britaniya səfiri: "Mən britaniyalı azarkeşlərin burada isti qarşılanacaqlarına inanıram"
14 May 2019 Prezident İlham Əliyev Brüsseldə Belçika kralı ilə görüşüb - FOTO
13 May 2019 Azərbaycanda polislə silahlı atışma – 5 nəfər saxlanıldı
13 May 2019 Azərbaycanda yabanı halda bitən Dombalan göbələyi - Avropada 1 kilosu 200 avroya satılır - VİDEO
10 May 2019 “Sənədi dəyişə bilər, amma geni yox” - Anar Mədətov
10 May 2019 Bakıda IDEA İctimai Birliyinin "Şəhər ekologiyası" layihəsi həyata keçirilir - FOTO