Rusiya Daxili işlər Nazirliyinin Daxili Təhlükəsizlik Xidməti və xüsusi təyinatlılar leninqrad vilayəti Vsevolojsk rayonunda dörd polis şöbəsində eyni vaxtda reyd keçiriblər – onların rəisləri korrupsiyada və qaçaqmalçılıqla məşğul olan azərbaycanlı iş adamlarını himayə etməkdə şübhəli bilinirlər.

Missiya.Az xəbər verir ki, bu barədə Mash Telegram kanalı məlumat yayıb.

Məlumatda qeyd olunur ki, azərbaycanlı sahibkarlar 2023-cü ildən alkoqol və tütün satışı ilə məşğul olublar - onların mağazalarında immiqrasiya qanunlarını qəsdən pozan əcnəbilər işləyirmiş. İş adamları problemlərlə üzləşməmək və yoxlamalardan yayınmaq məqsədi ilə polis rəislərinə rüşvət veriblər.

"Azərbaycanlı sahibkarlar mühafizə üçün Vsevolojsk rayonunda polis əməkdaşlarına 154 min rubl veriblər. İstintaq Komitəsi rüşvət almada vasitəçilik maddəsi ilə cinayət işi açıb. Şübhəlilər arasında Leninqrad vilayətinin Vsevolojsk rayonunun 87, 88, 97 və 128-ci polis bölmələrinin əməkdaşları var. Hazırda onların axtarışları aparılır, bundan sonra İstintaq Komitəsi tərəfindən dindiriləcəklər.

Elcan
Missiya.Az