b_550_325_16777215_00_images_xeber_sekilleri_8sent2020_1e5beb32-3a45-3098-bde7-8959b902b0f8_850.jpg

Tələbə adını qazananların siyahısının dərc olunduğu “Abituriyent” jurnalının 7-ci nömrəsini sentyabrın 25-də səhər saatlarından etibarən əldə etmək mümkün olacaq.

Dövlət İmtahan Mərkəzindən "Report"a verilən məlumata görə, bu nömrədə 2020/2021-ci tədris ili üçün Azərbaycan Respublikasının ali təhsil müəssisələrinə qəbul olmuş abituriyentlərin siyahısı qruplar üzrə (Azərbaycan bölməsi – I, II, III qruplar hər biri ayrıca jurnalda, IV və V qruplar isə birlikdə bir jurnalda, rus bölməsinin bütün qrupları isə bir jurnalda) çap olunacaq.

Jurnalın ön sözündə Dövlət İmtahan Mərkəzinin Direktorlar Şurasının sədri Məleykə Abbaszadənin tələbə adı qazananlara təbriki də yer alıb.

Həmin müraciəti təqdim edirik:

“2020-ci il tək bizim üçün deyil, həm də bütün dünya üçün gözlənilməz oldu. Koronavirus pandemiyası nəti­cəsində yaranan böhran gündəlik vərdişlərimizi və həyat tərzimizi köklü surətdə dəyişdirdi. Virusla bağlı vəziyyət həyat tərzimizin bir neçə həftə, hətta bir neçə gündə necə dəyişə biləcəyini göstərdi. Bu il, həyatı­mızın bütün sahə­lərinə, xüsusilə təhsil sisteminə ciddi təsir göstərdi. Təhsil müəssisələrinın fəaliyyəti dayan­dırıldı, qısa müd­dətdə məsafədən (distant) təhsilə məcburi keçid həyata keçiril­di, təhsilin bütün pillə və səviyyələrində tədris prosesinin yenidən qurul­ması zərurəti yarandı.

Təbii ki, Dövlət İmtahan Mərkəzi tərə­fin­dən keçirilən bütün imtahanlar Azərbaycan Respublikası Nazirlər Kabineti yanında Operativ Qərargahın koronavirus infeksi­yasının (COVID-19) yayılmasının qarşısının alınması ilə bağlı töv­siyə­ləri nəzərə alınmaqla sosial məsafənin qorunması, im­ta­han verənlərin sayına ciddi məhdu­diyyətin qoyul­ması və yalnız Operativ Qərargahın müəyyən etdiyi digər şərtlərin yerinə yetirilməsi ilə həyata keçirildi.

Bu tədris ilində sizin, builki məzunların, üzərinə böyük yük düşdü. Siz sələflərinizin rastlaşmadığı bir şəraitdə təh­silinizi davam etdirmək məcburiyyətində qaldınız. La­kin məhz çətinliklərə sinə gərməkdə, onlara qalib gəl­mək­də insan xarakterinin ən yaxşı tərəfləri özünü büruzə verir. Yaranan çətinliklərə baxmayaraq, inadla çalışmaq və qarşınızda qoyduğunuz ümdə məqsədlərə çatmaq üçün irəliləməyə can atmağınız sizin uğurunuzun rəhnidir.

Biz sizi, yenicə tələbə adını qazanmışları bu mü­rəkkəb ildə əldə etdiyiniz layiqli qələbə münasibətilə səmimi olaraq təbrik edirik. Gələcəkdə də qarşınıza çıxa biləcək çətinliklərə təslim olmamağa çalışın. Həmişə pozitiv dəyi­şik­liklərə can atın, ailənizə, cə­miy­yə­tə, bütövlükdə Res­publikamıza vicdanla xidmət etmək və layiqli vətən­daş olmaq üçün bütün im­kan­larınızı səfərbər edin!

Əziz tələbələr, Dövlət İmtahan Mərkəzi sevincinizi bölüşür. Biz qəbul kampaniyasının bütün mərhə­lə­lərində sizinlə olduq, imtahanlara hazırlaşmaqda sizə daim yar­dımçı olmağa çalışdıq. Bu məqsədlə buraxılış və qəbul im­tahanları proqramlarından ümumi təhsil müəs­sisə­lərində martın 1-dən sonra tədris olunan mövzular çıxarıldı, yazılı cavab tələb edən açıq tipli test tap­şırıq­larının sayı yarıbayarı azaldıldı. Mərkəz tərə­fin­dən rəsmi materialların, test toplularının, elmi-meto­diki vəsaitlərin nəşri, "Vizuallaşdırılmış dərs" sosial layihəsinin həyata keçirilməsi, müxtəlif internet xid­mətlərinin göstərilməsi sizin imtahanların məzmunu, texnologiyası və təşkili haq­qında məlumatlı olmağınıza xidmət etmək məqsədi daşıyırdı.

Dostlar, bu il vəziyyətin mürəkkəb olduğu şəraitdə, yüksək nəticə göstərərək tələbə adını qazanmışları gör­mək xüsusən sevinc doğurur. Bugünkü uğurunuzda, həm­çinin sizin valideynlərinizin və müəllimlərinizin xidməti danıl­mazdır. Biz onlara da sizin təhsil nailiy­yətləriniz üçün böyük zəhmət çəkdiklərinə görə öz minnətdarlığımızı bil­di­ririk. Onlar sizi öyrətmiş, qar­şınıza qoyduğunuz məq­sə­də çatmaq üçün pozitiv emosiyalar aşılamağa çalışmışlar və bu gün də səmimi olaraq uğurlarınıza sevinirlər.

Əziz tələbələr, sizi bir daha təbrik edir və seçdiyiniz işdə əsl peşəkar olmaq üçün səylə bilik, bacarıq və vər­diş­lərə yiyələnməyinizi arzu edirik! Bu gün, sözün əsl mə­na­sında, qarşınızda bütün dünya açıqdır. Məq­səd­lərinizə nail olmaq üçün imkanların tükən­məzliyinə əmin olun. Səhv etməkdən qorxmayın. Uğur­suz­luqlar və prob­lem­lər qarşısında təslim olmayın. Yadı­nızda saxlayın, demək olar ki, hər bir vəziyyətdən çıxış yolu var. Öz üzərinizdə daim çalışsanız, can atdığınıza mütləq nail olacaqsınız!”


27 Oktyabr 2020 Azərbaycanda könüllü zabit olmaqla bağlı yeni qaydalar təsdiqləndi
27 Oktyabr 2020 Müdafiə Nazirliyi və Dövlət Sərhəd Xidməti birgə bəyanat yaydı - Ermənistana XƏBƏRDARLIQ
27 Oktyabr 2020 Ön cəbhədə döyüşən əsgərin xəyalını gərçəkləşdirən iş adamı onunla görüşdü - VİDEO
26 Oktyabr 2020 İlham Əliyev: “Artıq onun başından elə vurmuşuq ki, ayıla bilmir”
25 Oktyabr 2020 İlham Əliyev: “Qubadlı şəhəri işğalçılardan azad olundu”
24 Oktyabr 2020 MN: Düşmən qüvvələrindən əsir götürülənlər var
23 Oktyabr 2020 Donald Trampın Dağlıq Qarabağla bağlı danışıqlarda iştirak etdiyi açıqlanıb
23 Oktyabr 2020 Baş infeksionist əhaliyə müraciət etdi
23 Oktyabr 2020 DİN-dən əhaliyə terror xəbərdarlığı - "102" -yə zəng edin
22 Oktyabr 2020 "Birliyimizi pozmağa cəhd edən xainlərin bütün cəhdləri iflasa uğrayacaq" - Ramin Əhmədov
22 Oktyabr 2020 Azərbaycanda koronavirusa yoluxmada yeni rekord qeydə alındı: Altı nəfər öldü
22 Oktyabr 2020 Ermənistanda günlük yoluxma 2 mini keçdi
22 Oktyabr 2020 İmmuniteti artıran dərmanlar koronavirus üçün təhlükəli imiş
21 Oktyabr 2020 Hikmət Hacıyev Ermənistanın baş nazirinə cavab verib
21 Oktyabr 2020 Azərbaycan ordusu 24 günə Ermənistana illik büdcəsi qədər ziyan vurub
19 Oktyabr 2020 Hərbçimiz 27 il sonra Füzulidəki doğma evini ziyarət edib - VİDEO
19 Oktyabr 2020 İşğalçı Ermənistan, tarixi reallığı tanı!
18 Oktyabr 2020 Ermənistanın xüsusi təyinatlıları ordumuzun həmləsinə tab gətirməyərək qaçdı - VİDEO
18 Oktyabr 2020 Müdafiə Nazirliyi: Ermənistanın növbəti Su-25 təyyarəsi vuruldu
18 Oktyabr 2020 Ermənistan cəbhədə vəziyyəti gərginləşdirir