b_550_325_16777215_00_images_xeber_sekilleri_22fevral2019_2323424234343.jpg

Türkiyə dəfələrlə Dağlıq Qarabağ münaqişəsinin həlli ilə bağlı danışıqları həyata keçirən ATƏT-in Minsk qrupunun tərkibinə daxil olmaq istəyib.

Türkiyə də qrupun həmsədri ola bilərmi? Olarsa, münaqişənin həlli istiqamətində dəyişiklik gözləniləndir?

Sualı cavablandıran Sosial Tədqiqatlar Mərkəzinin baş məsləhətçisi Tural İsmayılov qeyd edib ki, Türkiyəyə sadəcə qardaş ölkə prizmasından yanaşmamaq lazımdır: “Türkiyə ilə Azərbaycan arasında siyasi, iqtisadi, humanitar və mənəvi ortaqlıq bütün tarix boyu digər dövlətlərə örnək olub. Bu gün isə xüsusən ölkə başçısı İlham Əliyevlə Erdoğan arasındakı dostluq münasibətləri ilə bu əlaqələr tarixdə ən yüksək səviyyəsinə çatıb. Mən hər zaman demişəm, Qarabağ məsələsində Azərbaycanı ən çox dəstəkləyən, beynəlxalq ədalətin bərqərar olmasının zəruriliyini dövlət siyasəti elan edən Türkiyəyə yalnızca qardaş ölkə prizmasından yanaşmamalıyıq. Türkiyə bu gün regionda əsas söz sahibinə çevrilib. AKP iqtidarının uğurlu siyasəti ilə Türkiyə regionda və dünyada söz sahibi olan ölkələrdən birinə çevrilib. Türkiyəsiz bizim bölgədə heç bir siyasi və iqtisadi layihə gerçəkləşə bilmir. Türkiyə güclü qlobal aktordur və dünyanın qlobal gücləri də bunun fərqindədir. Bu kontekstdə Azərbaycanın haqq mübarizəsində dünyada söz sahibi olan önəmli bir ölkənin bizimlə tərəfdaş olmağı siyasi dividentimizdir. Azərbaycanla Türkiyə arasında təkcə iqtisadi və siyasi deyil, hərbi sahədə də böyük sazişlər imzalanıb. Türkiyə Azərbaycana hərbi texnika sahəsində yardım edir, ordularımız arasında müqavilələr mövcuddur. Bakı-Tbilisi-Ceyhan neft kəməri (BTC), Bakı-Tbilisi-Ərzurum qaz kəməri (BTƏ), Bakı-Tbilisi-Qars dəmir yolu xətti (BTQ), Trans-Anadolu təbii qaz boru xətti (TANAP) layihələri dünyanın enerji və nəaqliyyat təhlükəsizliyinə önəmli töhfələr verir. 13000-dən artıq türk şirkətinin indiyədək iqtisadiyyatımıza investisiyalarının həcmi təxminən 10 milyard dollar məbləğindədir, Azərbaycanın Türkiyədəki sərmayəsi də yüksək həcmdədir. Belə olan təqdirdə iki ölkə arasındakı yüksək strateji əlaqəlöər regiondakı digər siyasi güclərin hamısının xoşuna gəlməyə bilir ki, Ermənistan və xaricdəki erməni lobbisi bu güclərin başında dayanır.”

Türkiyəni Aİ ilə daim sınağa çəkməyə çalışan Qərb təsisatlarının haqsız yanaşmaların Türkiyəni alternativ siyasi vasitələr axtarmağa təhrik etdiyini vurğulayan politoloq qeyd edib: “ Avropa İttifaqı uzun illər Türkiyənin Aİ-yə üzvlüyü məsələsində manipulyasiya etməyə cəhdlər etdi. Bu gün Türkiyənin siyasi imkanları genişlənib, geostrateji mövqeyi dünya üçün diqqət mərkəzindədir. Türkiyənin ATƏT-in Minsk qrupunun tərkibinə qatılmağı mütləqdir. Çünki Türkiyə münaqişə tərəfləri ilə həmsərhəddir, Fransa, Rusiya və ABŞ kimi Türkiyənin də Minsk qrupunda təmsil olunmaq haqqı var. bir neçə gün əvvəl Türkiyənin Xarici İşlər naziri Mövlud Çavuşoğlu Ankarada ATƏT-in Minsk qrupunun həmsədrləri ilə görüşüb. Görüşdə Türkiyə XİN-in rəhbəri Minsk qrupunu Ermənistan-Azərbaycan Dağlıq Qarabağ münaqişəsinin həlli ilə bağlı daha fəal işləməyə çağırıb. Mövlud Çavuşoğlu “bu həll Azərbaycanın ərazi bütövlüyü çərçivəsində olmalıdır” fikrini bəyan edib. Bu görüşdən sonra Ermənistanın siyasi dairələri və Qərbə səpələnən erməni diasporası narahat olduqlarını biabırçı formada nümayiş etdirməyə başladılar. Türkiyə bu günə qədər ATƏT-in Minsk Qrupu çərçivəsində Dağlıq Qarabağ münaqişəsinin həlli üzrə görülmüş işlərə dəstək verib və bundan sonra da bu dəstək davam edəcək. Türkiyənin qrupun həmsədri olmaq ehtimalı realdır. Türkiyənin Minsk qrupunun həmsədri olmağı ilə hazırkı durum “ölü situasiya”dan aktiv fazaya keçə bilər. Nəticədə, uzun müddətdir davam edən münqişə işğalşı Ermənistanın siyasi təcridi və ədalətin bərpa olunmağı ilə nəticələnə bilər. Türkiyənin Minsk qrupundakı həmsədrliyi münaqişənin həlli istiqamətində dəyişikliklər gətirəcək, buna görə də Ermənistan təlaşda və qorxu içərisindədir.”



03 İyul 2020 Bakı sakinlərinə XƏBƏRDARLIQ - Bu tarixdə küçəyə çıxmayın!
02 İyul 2020 Son 24 saatda Azərbaycanda koronavirusa yoluxma sayı
02 İyul 2020 Baş epidemioloq: "Heç nədən də xəbərim yoxdur, kənddə oturmuşam" - SƏS YAZISI
02 İyul 2020 BDU-nun rektoru hərbi xidmətə çağırılmış məzunlarla onlayn görüş keçirib - FOTO
01 İyul 2020 “Pandemiyaya baxmayaraq parlament yaz sessiyasında çox dinamik işlədi” – Aqil Məmmədov
30 İyun 2020 Azərbaycanda daha 556 nəfər koronavirusa yoluxdu, yeddi nəfər vəfat etdi - VİDEO
30 İyun 2020 Xüsusi karantin rejimi iki həftə uzadıla bilər - RƏSMİ + VİDEO
29 İyun 2020 Ev şəraitində COVID-19-dan sağalan Səbinə Əliyeva: “Tam ciddi öləcəyimi düşünürdüm"
29 İyun 2020 Jurnalist Ekspert Mərkəzi koronavirusla mübarizəyə dəstək layihəsinə başlayır - Verlişlər hazırlanacaq
29 İyun 2020 Bakıda hamilə qadın koronavirusdan öldü
28 İyun 2020 Hikmət Hacıyev: Dünyanın 130-dan çox dövləti Prezident İlham Əliyevin təşəbbüsünü dəstəklədi
26 İyun 2020 AZAL Bakı-İstanbul-Bakı reysinə bilet satışına başlayıb – RƏSMİ
25 İyun 2020 Nəzərdə tutulmuş həddi aşan icazələr ləğv ediləcək - RƏSMİ
25 İyun 2020 Kann Festivalına və Fransa səfirliyinə AYB-dən ETİRAZ
25 İyun 2020 Bu əlamətlərdən biri varsa, təcili COVİD-19 analizi verin
24 İyun 2020 STM yeni ümumölkə sorğusunu təqdim edib - FOTO
24 İyun 2020 Bakı sakinləri zibillikdən şikayət edir, İcra Hakimiyyəti isə başqa fikirdədir - VİDEO
24 İyun 2020 Bu həftə SOCAR Belarusa növbəti partiya Azərbaycan nefti göndərəcək
23 İyun 2020 “Avropa Parlamentinin qətnaməsində ermənilərin xeyrinə bir abzas da yoxdur” – Deputat Aqil Məmmədov
22 İyun 2020 Koronavirusdan ölən xalq artistinin oğlu da COVID-19-a yoluxdu - VİDEO