b_550_325_16777215_00_images_xeber_sekilleri_22iyun2020_123dtx.jpg

Məlum olduğu kimi, Azərbaycan Respublikasının Prezidenti cənab İlham Əliyevin “Aqrar sahədə yeni subsidiya mexanizminin yaradılması haqqında” fərmanından irəli gələrək cari ilin əvvəlindən fermerlərə dövlət yardımlarının vahid mexanizm vasitəsilə çatdırılması prosesinə başlanılıb. Lakin həmin vəsaitlərin təyinatı üzrə istifadə olunmaması və bir qrup mütəşəkkil cinayətkar dəstə halında birləşən şəxslər tərəfindən mənimsənilməsində əsaslı şübhələr olduğundan bu istiqamətdə Daxili İşlər Nazirliyi və Baş Prokurorluğun əməkdaşları, Kənd Təsərrüfatı Nazirliyinin mütəxəssislərinin iştirakı ilə birgə xüsusi əməliyyat tədbirləri keçiriblər.

Belə ki, kənd təsərrüfatına dövlət dəstəyindən sui-istifadə edərək bu sahəyə ayrılmış vəsaitləri saxta sənədlərə əsaslanan maliyyə əməliyyatları ilə nağdlaşdıraraq ələ keçirən mütəşəkkil dəstəyə daxil olan 30-a yaxın şəxsin dairəsi müəyyənləşdirilib. Həmin şəxslər ətrafında kompleks əməliyyat tədbirləri hazırlanaraq həyata keçirilib, onların cinayət əməlləri qeydə alınaraq zəruri sübutlar toplanılıb.

Cinayətkar dəstəyə rəhbərlik edən Quba rayon sakini Elnur Haxtari və İmişli rayon sakini Hümmət Həsənov, eləcə də əlaqədar şirkətlərin vəzifəli şəxsləri də daxil olmaqla ümumilikdə 12 nəfər əməliyyat nəticəsində saxlanılaraq  Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinə gətiriliblər.

Araşdırma zamanı müəyyən olub ki, həmin şəxslər əvvəlcə Quba, Xaçmaz, İmişli, Şəmkir və sair rayonlarda fəaliyyət göstərən fermerlərə məxsus subsidiya vəsaitlərinin köçürüldüyü kartları qanunsuz olaraq öz əllərində cəmləşdiriblər. Daha sonra dəstə üzvləri onlara yaxın olan adamların adlarına formal hüquqi şəxslər yaradaraq müxtəlif əmtəəsiz maliyyə əməliyyatları aparmaqla vəsaitləri nağdlaşdıraraq mənimsəyiblər.

İlkin araşdırmalarla həmçinin o da müəyyən olunub ki, dəstə üzvləri tərəfindən yaradılan  “High Agro”, “Rövşənoğlu Agro” MMC-lər və digər altı fiziki şəxs vasitəsilə cari ilin üç ayı ərzində Respublikanın ayrı-ayrı bölgəsindən 2.000-dən artıq fermerə məxsus subsidiya kartları toplanılıb. Daha sonra kartlardakı  pul vəsaitləri saxta sənədlər əsasında formal şəxslərin adlarına yaradılmış şirkətlərin bank hesablarına köçürülüb və 25-40% ödəniş müqabilində nağdlaşdırılıb. Bu qanunsuz maliyyə əməliyyatları nəticəsində ümumilikdə 5.000.000 manata yaxın subsidiya üçün ayrılmış maddi vəsait təyinat üzrə istifadədən yayındırılaraq dəstə üzvləri tərəfindən mənimsənilib.

Əməliyyat zamanı dəstə başçılarının istifadə etdikləri ofislərə, avtomaşınlara və qeyri-yaşayış sahələrinə baxış zamanı çoxsaylı fermer kartları, külli miqdarda nağd pul, kartlardan vəsaitlərin yerində silinməsi üçün istifadə edilən mini POS-terminallar, elektron məlumat daşıyıcıları, kart sahibi olan fermerlərin siyahıları və sair maddi sübutlar aşkar olunaraq götürülüb.

Faktla bağlı saxlanılan şəxslər barəsində Cinayət Məcəlləsinin müvafiq maddələri ilə cinayət işi başlanılıb. Dəstə üzvləri barəsində Nərimanov rayon Məhkəməsinin qərarı ilə həbs qətimkan tədbiri seçilib. İş üzrə müvafiq istintaq və əməliyyat tədbirləri davam etdirilir.

Qeyd edək ki, dövlət tərəfindən kənd təsərrüfatı sahəsinin daha da inkişafı üçün fermerlərin kart hesablarına köçürülən subsidiyaların nağdlaşdırılması və başqa təyinatlar üzrə istifadəsi  qadağan olunub. Həmin vəsaitdən kənd təsərrüfatı ilə məşğul olan şəxslər yalnız nağdsız ödəmələr etməklə gübrə, toxum və aqrar sektorda istifadə olunan sair məhsullar əldə edə bilərlər.

 


12 Avqust 2020 Zaqatalada evdə nişan mərasimləri keçirənlər cərimələndilər
11 Avqust 2020 Qubada toy etmək istəyənlər tutuldu - FOTO
10 Avqust 2020 Bakıda maşın 49 yaşlı qadını vurdu
07 Avqust 2020 Azərbaycanda kişi qohumunu amansızlıqla qətlə yetirdi
07 Avqust 2020 334 hərəkət iştirakçısı inzibati məsuliyyətə cəlb edilib - RƏSMİ
07 Avqust 2020 Bakıda bir nəfər liftin şaxtasına düşdü
05 Avqust 2020 Şəmkir sakini bıçaqlandı
05 Avqust 2020 Bakıda 32 yaşlı kişi özünü yandırıb
30 İyul 2020 DTX xarici ölkəyə casusluq edən ər-arvadı həbs etdi
30 İyul 2020 Azərbaycanda dəhşətli qəza: Ər-arvad maşında yanaraq öldü
30 İyul 2020 Masallıda ata və oğulu güllələyən şəxs tutuldu
29 İyul 2020 757 hərəkət iştirakçısı inzibati məsuliyyətə cəlb edildi
29 İyul 2020 Bakının mərkəzində 29 yaşlı şəxs başından bıçaqlandı
28 İyul 2020 Bakıda azyaşlı qaynar süd qazanına düşərək öldü
27 İyul 2020 Bakıda altı yaşlı uşağı avtomobil vurdu
27 İyul 2020 Azərbaycanda 27 yaşlı kişi dəhşət saçdı: Bir qohumunu öldürdü, birini yaraladı
24 İyul 2020 Bakıda 33 yaşlı qadın intihar edib
24 İyul 2020 Azərbaycanda dəhşətli qətl: qayınata kürəkənini öldürüb meşədə basdırdı
23 İyul 2020 “Şeron” qrupunun üzvü vəfat etdi - VİDEO
23 İyul 2020 ABŞ polisi Azərbaycanın şikayətin təmin etdi: Ermənilər həbs olundu