b_550_325_16777215_00_images_xeber_sekilleri_15may2020_ll.jpg

Prezident İlham Əliyev Azərbaycan xalqını Ramazan bayramı münasibəti ilə təbrik edib. Təbrikdə deyilir:

Hörmətli həmvətənlər!

Sizi və dünyanın müxtəlif guşələrində yaşayan bütün soydaşlarımızı mübarək Ramazan bayramı münasibətilə ürəkdən təbrik edir, hamınıza ən səmimi arzu və diləklərimi yetirirəm.

İlahi hikmətlər xəzinəsi Qurani-Kərimin hidayət yolu olaraq bəşəriyyətə göndərildiyi Ramazan ayı insanları saflığa, vəhdətə, şəfqət və mərhəmətə dəvət edir. Bu ayda möminlər Uca Yaradan qarşısında mənəvi borclarını ödəmək fürsəti qazanır, əxlaqi-ruhi kamilliyin nəfs üzərində qələbəsinin sevincini yaşayırlar.

Builki Ramazan ayını dünyanın böyük təhlükə ilə üz-üzə qaldığı mürəkkəb bir şəraitdə başa vururuq. Mövcud vəziyyət əhalimizin sağlamlığı və rifahı üçün təxirəsalınmaz tədbirlərin həyata keçirilməsini zəruri edir. Qarşılaşdığımız qlobal bəla ilə mübarizənin uğuru daha çox cəmiyyətin hər bir üzvünün yüksək məsuliyyəti və intizamlı davranışından asılıdır. Müqəddəs kitabımız Quran da daim birlik və bərabərliyə, sosial yardımlaşma və xeyirxahlığa çağırır. Əminəm ki, həmişə belə nəcib keyfiyyətləri ilə seçilən və milli-mənəvi dəyərlərini uca tutan xalqımız öz mütəşəkkilliyi və həmrəyliyi sayəsində bu çətinliyi də geridə qoyacaqdır.

Əziz bacı və qardaşlarım!

Orucluğun sınaqlarından alnıaçıq çıxan inanclı vətəndaşlarımız Ramazan ayını qürur və şükranlıq duyğuları ilə yola salırlar. Bu mübarək bayram günlərində ölkəmizin firavanlığı və əmin-amanlığı naminə etdiyiniz dualara qatılır, Azərbaycanın müstəqilliyi və ərazi bütövlüyü uğrunda canından keçən qəhrəman Vətən övladlarının xatirəsini bir daha ehtiramla yad edirəm.

Oruc və ibadətlərinizin Allah dərgahında qəbul olunması diləyi ilə hər birinizə möhkəm cansağlığı, ailələrinizə xoşbəxtlik, süfrələrinizə xeyir-bərəkət arzulayıram.

Ramazan bayramınız mübarək olsun!



28 Yanvar 2021 “Azərkosmos”un rəhbərliyinə müvəqqəti təyinat olub
28 Yanvar 2021 Qırğızıstanın yeni prezidenti vəzifəsinin icrasına başlayıb
27 Yanvar 2021 Rusiya XİN: “Qarabağla bağlı üçtərəfli qrup yaxın gələcəkdə görüş keçirə bilər”
27 Yanvar 2021 Bill Qeyts: “Dünya növbəti pandemiyaya hazır deyil”
27 Yanvar 2021 Fərmanın cənazəsi Bakıya göndərildi
26 Yanvar 2021 Təhsil Nazirliyi: Heç bir müəllim məcburi peyvənd olunmayacaq
26 Yanvar 2021 Qusar Rayon Mərkəzi Xəstəxanasının direktoru barəsində cinayət işi başlanıldı
26 Yanvar 2021 Oqtay Şirəliyev iclas keçirib
26 Yanvar 2021 Lavrov və Zərif Qarabağdakı vəziyyəti müzakirə edəcəklər
25 Yanvar 2021 Xırdalandakı partlayışın şahidləri danışdı - VİDEO
25 Yanvar 2021 Şuşaya getmək istəyənlərin nəzərinə - Avtobuslar bu rayonlardan çıxacaq
25 Yanvar 2021 "Azəriqaz" Xırdalanda baş vermiş partlayışla bağlı məlumat yayıb
25 Yanvar 2021 Həmyerlimizin öldürüldüyü gəmidə niyə silahlı mühafizə xidməti olmayıb? - AÇIQLAMA
25 Yanvar 2021 Mehriban Əliyeva yenidən Azərbaycan Gimnastika Federasiyasının prezidenti seçilib
25 Yanvar 2021 Fərman İsmayılovun öldürülmə anı - VİDEO
25 Yanvar 2021 Bu gündən rayonlara gəliş-gediş açıldı
25 Yanvar 2021 Azərbaycanda karantin rejimi yenə yumşaldıldı
23 Yanvar 2021 Prezident İlham Əliyev Eldar Quliyevi təbrik edib
23 Yanvar 2021 Əlahiddə Ümumqoşun Ordunun bir qrup hərbçisinə rütbələr verilib - Video
23 Yanvar 2021 SOCAR-ın Müşahidə Şurasının tərkibi təsdiqlənib - SİYAHI